Emre Kıvılcım
| Emre Kiviljim | |
|---|---|
| Tavalludi |
2-sentyabr, 1990 Malatya |
| Fuqaroligi | Turkiya |
| Kasbi | Aktyor |
| Faoliyat yillari | 2014- |
Emre Kıvılcım (1990-yil 2-sentyabrda Malatyada tugʻilgan) — turkiyalik aktyor.
Hayoti va faoliyati
[tahrir | manbasini tahrirlash]1990-yil 2-sentyabrda Malatyada tugʻilgan Emre Kıvılcım oʻn yoshiga qadar oʻz shahri Malatyada yashab, keyin hayotini Istanbulda davom ettirgan[1]. Emre Kıvılcımning asl kasbi — kimyo muhandisi. Mehnatni muhofaza qilish mutaxassisligi boʻyicha magistraturani tamomlagan. Lekin aktyorlikka qiziqa boshlaganidan keyin muhandislik faoliyatini toʻxtatgan. Sadri Alışık madaniyat markazida stipendiant sifatida bir muddat aktyorlik yoʻnalishida tahsil olgan va 7-kanal ekranlarida namoyish etilgan „Zeytinyağlı Yiyemem Aman“ nomli filmda rol ijro etgan.
Emre Kıvılcım „Elif“ deb nomlangan serialda suratga tushgan. Bu serialda Selim obrazini jonlantirgan. Serial xorijda, ayniqsa, Osiyo va Lotin Amerikasi davlatlarida tomoshabinlarning katta eʼtiboriga sabab boʻlgan va bir nechta rekordlarni yangilagan[2]. Ushbu serial ortidan xalqaro mashhurlikka erishgan Kıvılcım Indoneziyadagi LC Waikiki brendining yuziga aylangan[3]. Bu serialdan soʻng 2018-yilda FOX TV telekanalida namoyish etilgan „Adı Zehra“ serialida suratga tushgan.
2019-yilda rejissyor Xoqon Haksun boshchiligida suratga olingan „Kim baxtliroq“ filmida „Kamol“ obrazini jonlantirgan.
2020-yilda Bozdağ Film tomonidan suratga olingan „Türkler Geliyor: Adaletin Kılıcı“ filmida „Akıncı Sungur“ obrazini gavdalantirgan[4].
2021-yilda Bozdağ Film tomonidan Metin Günay rejissyorligida suratga olingan tarixiy fantastika janridagi „Mendirman Jaloliddin“ teleserialida Jaloliddin Xorazmshoh obrazini jonlantirgan[5]. Ushbu serial Turkiya va Oʻzbekistonning oʻzaro hamkorligida suratga olingan.
Filmografiyasi
[tahrir | manbasini tahrirlash]Film
[tahrir | manbasini tahrirlash]| Yil | Nomi | Rol |
|---|---|---|
| 2014 | Zeytinyağlı Yiyemem Aman | Mustafo |
| 2017 | Cinayet-i Aşk | Selim |
| 2019 | Kim Daha Mutlu? | Kamol |
| 2019 | Türkler Geliyor: Adaletin Kılıcı | Sungur |
Seriallar
[tahrir | manbasini tahrirlash]| Yil | Nomi | Rol |
|---|---|---|
| 2014–2017 | Elif | Selim Emiroglu |
| 2018 | Adı: Zehra | Genco Yaman |
| 2021 | Mendirman Jaloliddin | Jaloliddin Xorazmshoh |
| 2022 | Orzular va hayot |
Manbalar
[tahrir | manbasini tahrirlash]- ↑ „EMRE KIVILCIM | Art-İstanbul“ (Turkcha). 2019-yil 15-fevralda asl nusxadan arxivlangan. Qaraldi: 2024-yil 16-noyabr.
- ↑ „Endonezya'da Elif izdihamı“ (Turkcha). hthayat.haberturk.com. 2015-yil 5-sentyabrda asl nusxadan arxivlangan. Qaraldi: 2024-yil 16-noyabr.
- ↑ „LC Waikiki Opens First Stores in Indonesia and Kenya“ (Inglizcha). www.prnewswire.com. 2017-yil 28-martda asl nusxadan arxivlangan. Qaraldi: 2024-yil 16-noyabr.
- ↑ „Türkler Geliyor: Adaletin Kılıcı oyuncuları kimdir, konusu nedir? Türkler Geliyor Adaletin Kılıcı filmi oyuncuları“ (Turkcha). www.hurriyet.com.tr. 2020-yil 21-noyabrda asl nusxadan arxivlangan. Qaraldi: 2024-yil 16-noyabr.
- ↑ „Özbek-Türk ortak yapımı 'Mendirman Celaleddin' Özbek izleyicilerle buluştu“. www.aa.com.tr. 2021-yil 14-fevralda asl nusxadan arxivlangan. Qaraldi: 2024-yil 16-noyabr.
 |