Yettinchi bo‘lmadagi mo‘jiza
| Yettinchi boʻlmadagi moʻjiza | |
|---|---|
| Rejissyor(lar) | Mehmet Ada Öztekin |
| Prodyuser(lar) |
|
| Ssenariynavis(lar) |
|
| Rollarda |
|
| Bastakor(lar) |
|
| Studiya(lar) |
|
| Distribyutor | CJ Entertainment Turkey |
| Chiqarilgan sanasi | 11.10.2019 |
| Davomiyligi | 132 daqiqa |
| Mamlakat |
 Turkiya |
| Til | turkcha |
Yettinchi boʻlmadagi moʻjiza (turkcha: 7. Koğuştaki Mucize) — 2019-yilda suratga olingan turk filmi. Rejissyor — Mehmet Ada Öztekin. Bu 2013-yilda suratga olingan Janubiy Koreyaning „7-boʻlmadagi moʻjiza“ komediya-drama filmining xuddi shu asosdan foydalangan holda, hikoya, personajlar va maʼlum oʻzgarishlarga ega rasmiy moslashuvidir[1]. Film 93-Oscar mukofotining „Eng yaxshi xalqaro badiiy film“ nominatsiyasida Turkiya tomonidan nomzod qilib koʻrsatish uchun tanlab olgan[2][3].
Syujeti
[tahrir | manbasini tahrirlash]Film 1983-yilda chekka bir qishloqda boʻlgan voqea haqida. Aqli zaif Mehmet (uni Memo deyishadi) Koyuncu qizi Ova va buvisi bilan togʻ yonbagʻrida yashaydi. Memo baxtsiz hodisa tufayli vafot etgan qizchani oʻldirganlikda ayblanib qamaladi. Qamoqda boshqa mahbuslar uning jinoyati haqida xabar topib, uni kaltaklaydi.
Memo kamera boshligʻini boshqa mahbus tomonidan pichoqlanishidan qutqaradi va qolgan kameradoshlari bilan doʻstlashadi. Kameradagilar Memoning jinoyat sodir eta olmasligini tushunishadi. Shundan soʻng uning aybsizligini isbotlashni rejalashtirishadi.
Ova Memo ayblanayotgan jinoyatga guvoh boʻlgan qochqin bilan uchrashganini, bu baxtsiz hodisa ekanligini va Memoning aybsizligini aytadi. Buni eshitib, qamoqxona xodimlar qochqinni topishga kirishadi. Qochqin topiladi. Lekin uni general yaʼni oʻlgan qizchaning otasi otib oʻldiradi. Aybsizligi isbotlanmagach, Memo osib o'ldirishga hukm qilinadi.
Ammo qamoqxonadagi bir mahbus Memoni qutqarib qolishni xohlaydi va kameradagilar hamda qamoqxona ma'muriyati bir reja o'ylab topishadi.Ushbu reja orqali Memo qutqrib qolinadi.
Rollar
[tahrir | manbasini tahrirlash]- Aras Bulut İynemli — Memo
- Nisa Aksongur — Ova (bolaligi)
- Celile Toyon — Fatma Nene
- İlker Aksum — Askorozlu
- Mesut Akusta — Yusuf
- Deniz Baysal — Mine
- Yurdaer Okur — Aydin
- Yildiray Shahinler — Hofiz
- Sarp Akkaya — Nail
- Deniz Celiloğlu — Faruk
- Ferit Kaya — Ali
- Serhan Onat — Selim
- Emre Yetim — Ayna
- Gulchin Kultur Shahin — Hatice
- Cankat Aydos — qochoq askar
- Doğukan Polat — Tevfik
- Hayal Koseoğlu — Ova
Qabul
[tahrir | manbasini tahrirlash]Film 2019-yilda turk kinoteatrlarida 5,3 milliondan ortiq tomoshabin bilan eng koʻp tomosha qilingan film boʻldi. Shuningdek, u Netflixda, ayniqsa, Fransiya va Lotin Amerikasida birinchi oʻrinni egallaganligi sababli, butun dunyo boʻylab katta auditoriyaga ega boʻldi[4][5].
Manbalar
[tahrir | manbasini tahrirlash]- ↑ „7. Koğuştaki Mucize filmi nasıl? İşte 7. Koğuştaki Mucize filmi oyuncuları ve konusu“. onedio (20-noyabr 2019-yil). Qaraldi: 28-may 2020-yil.
- ↑ „Turkey nominates 'Miracle in Cell No. 7' for Oscar“. Daily Sabah (10-noyabr 2020-yil). Qaraldi: 10-noyabr 2020-yil.
- ↑ „“Chuqur” seriali yulduzi ishtirokidagi “Yettinchi boʻlmadagi moʻjiza” filmi Turkiya tomonidan “Oskar”ga nomzod qilib koʻrsatiladi“ (2023-yil 1-yanvar).
- ↑ „"Koğuştaki Mucize", "Le Roi Lion"… les grands gagnants du confinement sur les plates-formes“. Le Parisien (22-may 2020-yil). Qaraldi: 28-may 2020-yil.
- ↑ „Ağlayanlar, Hıçkıranlar Gırla: Amerikan ve Fransız Netflix'in TOP 1'inde Yedinci Koğuştaki Mucize Var!“. onedio (31-mart 2020-yil). Qaraldi: 28-may 2020-yil.