Afsungarning shogirdi (film)

Afsungarning shogirdi
	; Film posteri
Rejissyor(lar)	Jon Turteltaub
Prodyuser(lar)	Jerry Bruckheimer
Ssenariynavis(lar)	Doug Miro; Carlo Bernard; Matt Lopez;
Hikoya	Matt Lopez; Lawrence Konner; Mark Rosenthal;
Qaysi asarga ; asoslangan	The Sorcerer's Apprentice; –Johann Wolfgang von Goethe
Rollarda	Nicolas Cage; Jay Baruchel; Alfred Molina; Teresa Palmer; Monica Bellucci;
Bastakor(lar)	Trevor Rabin
Kinematografiya	Bojan Bazelli
Muharrir(lar)	William Goldenberg
Studiya(lar)	Walt Disney Pictures; Jerry Bruckheimer Films; Saturn Films; Broken Road Productions;
Distribyutor	Walt Disney Studios; Motion Pictures
Chiqarilgan sanasi	8-iyul, 2010-yil (Fantasia Film Festival); 16-iyul, 2010-yil (AQSH);
Davomiyligi	109 daqiqa
Mamlakat	AQSh
Til	Inglizcha
Byudjeti	150 million $
Daromadi	215.3 million $

Ushbu sahifa nomi mavzuning rasmiy tarjimasidir. Iltimos, uni oʻzgartirmang.

Afsungarning shogirdi (inglizcha: “The Sorcerer's Apprentice”) — 2010-yilda rejissyor Jon Turteltaub va Walt Disney Pictures tomonidan suratga olingan AQSH sarguzashtli fantastik filmi. Filmda bosh rollarni Nicolas Cage, Jay Baruchel, Alfred Molina, Teresa Palmer va Monica Bellucci ijro etgan.

Syujet[tahrir | manbasini tahrirlash]

Miloddan avvalgi 740-yilda Britaniyada Merlinning 3 ta Baltazar Bleyk, Veronika Gorloysen va Maksim Horvat ismli shogirdlari bor boʻladi. Horvat Merlinga xiyonat qiladi, yovuz sehrgar Morgana le Fay Veronikaning tanasiga singib ketishidan oldin Merlinni oʻldiradi. Morgana Veronikani ichkaridan oʻldirishga urinayotganda, Baltazar Morgana va Veronikani grimxold (qoʻgʻirchoq shaklidagi sehrli qafas)ga qamab qoʻyish orqali uni toʻxtatib qoladi. Oʻlishidan oldin Merlin Baltazarga “Merlinning avlodi” va Morganani magʻlub eta oladigan yagona vorisni aniqlaydigan ajdaho uzugini beradi. Tarix davomida Baltazar “Merlinning avlodi”ni qidiradi va Morganani, shu jumladan Horvatni grimxolddan ozod qilishga urinayotgan sehrgarni qamoqqa tashlaydi.

2000-yilda Nyu-York shahrida 10 yoshli Deyv Stutler oʻzining Manhattandagi antiqa doʻkonda Baltazar bilan uchrashadi. Baltazar Deyvga Merlinning ajdaho uzugini berganida, uzuk jonlanib, uning barmogʻida halqa hosil qiladi va uning “Merlinning avlodi” maqomini bildirib qoʻyadi. Baltazar sehrni oʻrgatish uchun kitobni olayotganda, Deyv tasodifan grimxoldni ochadi va qamoqqa olingan Horvatni qoʻyib yuboradi. Baltazar va Horvat grimxoldga egalik qilish uchun kurashadilar va oʻn yillik qulflangan laʼnat bilan qadimgi Xitoy koʻzasida qafasga tushib qoladi. Deyv esa uzuk bilan qochib ketadi.

10 yildan soʻng, Deyv Nyu-York universitetida fizika boʻyicha tahsil oladi. 10 yillik qafasda laʼnat tugab, Horvat va Baltazarni ozod boʻladi. Horvat Deyv va grimxoldni taʼqib qiladi. Baltazar poʻlat burgut minib, Deyvni qutqaradi. Deyv Baltazarga yordam berishdan bosh tortadi, chunki Baltazar bilan birinchi uchrashuvidan beri psixiatr nazoratida edi. Ular grimxoldni Chinatowngacha kuzatib boradilar, u yerda Horvat Morganian, Sun Lokni chiqardi. Deyv Sun Lokni magʻlub qiladi va Baltazar grimxoldni qaytarib oladi. Bundan soʻng Deyv fikrini oʻzgartirib, Baltazarning shogirdi boʻlishga rozi boʻladi. Shuningdek, u Baltazarning maslahatlariga qaramay bolalikdagi sevgilisi Bekki bilan ishqiy munosabatda boʻladi.

Grimxoldni qaytarib olish uchun Horvat mashhur sehrgar Dreyk Stoundan yordam soʻraydi. Ular Deyvni oʻldirishga harakat qilishadi, lekin Baltazar uni qutqaradi. Horvat aytgan gaplarga ishongan Deyv Baltazardan u haqidagi haqiqatni bilishni talab qiladi. Baltazar Morgana va Veronika grimxoldda ekanini aytib beradi. Agar Morgana ozod boʻlsa, sehrgarlarni oʻlimdan tiriltiradigan va insoniyatni qul qiladigan “Rising” deb nomlangan afsun oʻqiydi. “Merlinning avlodi” sifatida Deyv uni toʻxtata oladigan yagona odamligini bildiradi.

Baltazar Deyvning Bekki bilan boʻlgan munosabatini mensimasligiga qaramay, Deyv u bilan uchrashishga ruxsat berishi soʻrab uni koʻndiradi. Deyv laboratoriyasini tozalash uchun sehrdan foydalanishga harakat qiladi, lekin tozalash anjomlari boshqaruvni yoʻqotadi. Baltazar aralashib uni bu vaziyatda qutqaradi. Bu esa uni Bekki bilan uchrashuvini bekor qilishga majbur qiladi. Dreyk va Horvat grimxoldni oʻgʻirlaganidan keyin u laboratoriyasiga qaytib keladi. Horvat Dreykning boshqa foydasi yoʻqligi uchun uni sehrini tortib oladi.

Horvat jodugar Ebigeyl Uilyamsni ozod qiladi, undan foydalanib, radio stantsiyasidagi Bekini oʻgʻirlab, Ebigeyl Uilyamsni ham sehrini tortib oladi. U Bekini oʻldirish bilan tahdid qilib, Deyvdan grimxold va uzugini berishga majbur qiladi. Deyv uzuksiz sehrdan foydalana olmaydi, shuning uchun Horvatning orqasidan boradi. Horvat afsun aytib Morganani ozod qiladi va “Hujumga shaylangan buqa” haykalini jonlantirib, Baltazarga hujum qilishni buyuradi. Bu orada Deyv keladi va “Tesla spirali” bilan Horvatni lol qoldiradi, Baltazarning burguti buqani olib uchib ketadi. Beki chiqish sehrini buzadi, Morgana bundan hayratlanadi.

Baltazar Morgananing ruhini Veronikadan oʻziga oladi, lekin Morgana qochib, ularni yoqib yuborishga harakat qiladi. Deyv uni uzuksiz toʻxtatishga muvaffaq boʻladi. Morgana Baltazar va Veronikaning qalqon afsunlarini yengib, Baltazarni oʻldiradi. Deyv uni hayratda qoldirish uchun maydondagi chiroq ustunlari va elektr uzatish liniyalaridan yana bir kattaroq “Tesla spirali”ni yasab, plazmali toʻsiqni otib, nihoyat Morganani yoʻq qiladi. U yurakni afsun zarbalari bilan qayta ishga tushirish orqali Baltazarni jonlantiradi va Baltazar sevgilisi Veronika bilan qaytadan uchrashadi. Deyv va Bekki Baltazarning poʻlat burgutida nonushta qilish uchun Fransiyaga uchib ketishadi.

Rollarda[tahrir | manbasini tahrirlash]

Nicolas Cage — Baltazar Bleyk roʻlida;^[2]
Jay Baruchel — Devid “Deyv” Stutler roʻlida;^[2]
- Jake Cherry — kichik Deyv Stutler roʻlida;
Alfred Molina — Maksim Horvat roʻlida;
Teresa Palmer — Rebeka "Beki" Barnes roʻlida;^[2]
- Peyton List — kichi Beki Barnes roʻlida;
Toby Kebbell — Dreyk Stoun roʻlida;^[3]
Omar Benson Miller — Bennet Zurrov roʻlida;
Monica Bellucci — Veronica Gorloysen roʻlida;^[4]
Alice Krige — Morgana le Fay roʻlida;
Robert Capron — Oliver roʻlida;
Ian McShane — hikoyachi (akkreditatsiya qilinmagan) roʻlida;^[5]
James A. Stephens — Merlin roʻlida;
Gregory Woo — Sun Lok roʻlida;
Nicole Ehinger — Abigail Williams roʻlida;
Ethan Peck — Andrey roʻlida;
Adriane Lenox — Jeseyl Algar xonim roʻlida;
Henry Yuk — Xitoy ajdaho tashuvchisi roʻlida.

Havolalar[tahrir | manbasini tahrirlash]

Manba[tahrir | manbasini tahrirlash]

↑ Fritz, Ben. „Movie projector: 'Inception' headed for No. 1, 'Sorcerer's Apprentice' to open in third“. Los Angeles Times (2010-yil 16-iyul). Qaraldi: 2010-yil 16-iyul.
↑ ^2,0 ^2,1 ^2,2 Kit, Borys. „Alfred Molina puts spell on 'Apprentice'“. The Hollywood Reporter (2009-yil 3-mart). Qaraldi: 2020-yil 1-dekabr.
↑ Graser, Marc. „Kebbell joins Disney's 'Apprentice'“. Variety (2009-yil 19-aprel). 2010-yil 10-aprelda asl nusxadan arxivlangan. Qaraldi: 2020-yil 9-iyul.
↑ Graser, Marc. „Monica Bellucci joins 'Sorcerer'“. Variety (2009-yil 14-may). 2010-yil 3-iyunda asl nusxadan arxivlangan. Qaraldi: 2009-yil 10-dekabr.
↑ Maher, Kevin. „The Sorcerer's Apprentice“.

[latimes-1] Fritz, Ben. „Movie projector: 'Inception' headed for No. 1, 'Sorcerer's Apprentice' to open in third“. Los Angeles Times (2010-yil 16-iyul). Qaraldi: 2010-yil 16-iyul.

[Spell-2] 2,0 ^2,1 ^2,2 Kit, Borys. „Alfred Molina puts spell on 'Apprentice'“. The Hollywood Reporter (2009-yil 3-mart). Qaraldi: 2020-yil 1-dekabr.

[3] Graser, Marc. „Kebbell joins Disney's 'Apprentice'“. Variety (2009-yil 19-aprel). 2010-yil 10-aprelda asl nusxadan arxivlangan. Qaraldi: 2020-yil 9-iyul.

[4] Graser, Marc. „Monica Bellucci joins 'Sorcerer'“. Variety (2009-yil 14-may). 2010-yil 3-iyunda asl nusxadan arxivlangan. Qaraldi: 2009-yil 10-dekabr.

[5] Maher, Kevin. „The Sorcerer's Apprentice“.

[1]

[2]

[3]

[4]

[5]