Poliandriya

Poliandriya (poli... va yun andros — er), koʻp erlilik — guruhli nikohning kamdan kam uchraydigan shakli, unda ayolning bir necha eri (odatda, aka-ukalar) boʻladi. Asosan, matriarxat davriga xos. Bu davrda har bir ayolning bir necha eri boʻlgan. P.da xotinlar erkin er tanlaganlar, er-xotinlik, oila turgʻun boʻlmagan. P.ning asosiy shakllari: 1) bir urug avlodlari P.si (bir urugʻ aʼzolari boʻlgan erkaklar bir ayol yoki ayollar) ga er boʻladi; 2) aka-uka (tugʻishgan birodarlar) P.si (aka-uka boʻlgan bir necha erkak bir ayolga er boʻladi). Aka-uka P.sida katta akaning xotini hamma ukalariga xotin boʻladi. Tugʻilgan bolalar hamma otalarniki hisoblanadi. Oilaga tegishli yer va mulk bolalarning eng kattasiga meros boʻlib qoladi. 19-asrda aleutlarda va eskimoslarning ayrim guruxlarida mavjud boʻlgan; keyinchalik Shim. Hindiston va Tibetdagi ayrim etnografik guruxdarda saqlanib qolgan.