Akbar Rahimov
Akbar Muhiddinovich Rahimov (1949.1.1, Toshkent) — kulol, Toshkent kulollik maktabining namoyandasi. Oʻzbekiston Badiiyot akadimyasi akademik (1997), Oʻzbekistonda xizmat koʻrsatgan sanʼat arbobi (1991). Toshkent politexnika instituti (1971) va Toshkent teatr va rassomlik sanʼati instituti (1979)ni tugatgan. R. otasi MuhiddinLirgshovdan hunar oʻrgangan; R. ijodida Toshkent kulollik maktabi anʼanalari (ayniqsa, "chizma" usuli) rivojlantirilgan hamda milliy kulollik sanʼatining koʻp asrlik yutuqlari, shaklshamoyili, rang, sir, naqshlar ijodiy oʻzlashtirilib boyitilgan. Anʼanaviy kulollikning kosagarlik va koʻzagarlik soxalarini qoʻshib olib boradi: lagan, likobcha, kuza, kosa, piyola, xumcha, guldon va boshqa; shu buyumlardan iborat tuplam (serviz)lar tayyorlaydi, yangi zamonaviy manzarali kulollik asarlari ham yaratadi: "Mashrafa" guldonlari, "Kupbarg", "Dastagul" nusxali shokosalar, "Qirgʻovul" palov servizi (1984—85), "Uchta vaza" (1990), "Shobarg", "Guli anor", "Guli uram", "Gulsafsar", "Karnaygul" laganlari, "Qushlar uyini" namoyoni (1979), "Anor sharbati" favvorasi (1982), panjara va vitrajlari (1988), moʻri (1990) va boshqa
R. 1966-yildan respublika va xalqaro koʻrgazmalarda ishtirok etadi, shaxsiy koʻrgazmalari tashkil etiladi. Ishlaridan namunalar respublika va xorijiy mamlakatlar muzeylari, xususiy kolleksiyalarda saqlanadi. R. "Mehnat shuhrati" ordeni bilan mukofotlangan (2000).
R.ning oʻgʻli Alisher Akbarovich (1975.24.6, Toshkent), buvasi usta Muhiddin va otasidan hunar oʻrgangan; anʼanaviy uslubda ijod qilib anʼanaviy badiiy buyumlar (koʻza, lagan, xumcha, shokosa va boshqalar)ni oʻziga xos tarzda tayyorlab, toshkent kulolligining rivojiga hissa qoʻshmoqda.
"Shuhrat" medali bilan mukofotlangan (2002).[1] "Fidokorona xizmatlari uchun" ordeni (2014)[2].
Manbalar
[tahrir | manbasini tahrirlash]- ↑ OʻzME. Birinchi jild. Toshkent, 2000-yil
- ↑ „„Xalq so‘zi" gazetasi 2014-yil 23-avgust soni O‘zbekiston Respublikasi Prezidentining 2014-yil 22-avgustdagi "O‘zbekiston Respublikasi mustaqilligining yigirma uch yilligi munosabati bilan Fan, ta’lim, sog‘liqni saqlash, adabiyot, madaniyat, san’at, ma’naviyat va ma’rifat, ommaviy axborot vositalari hamda ijtimoiy sohalar xodimlaridan bir guruhini mukofotlash to‘g‘risida» gi farmon“ (http://press.natlib.uz/).
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |