Sulton Joʻra
Sulton Joʻra | |
---|---|
![]() | |
Tavalludi |
15-yanvar 1910-yil Buxoro viloyati Shofirkon tumani Qogʻoltom qishlogʻi |
Vafoti |
10-noyabr 1943-yil (33 yoshda) |
Taʼlimi | Buxoro pedagogika texnikumi |
Kasbi | yozuvchi, shoir |
Turmush oʻrtogʻi | Mohira Isayevna Jo‘rayeva |
Mukofotlari | II darajali Vatan urushi ordeni |
Sulton Joʻra (taxallusi; asl ism-sharifi Joʻrayev Sulton) (1910.15.1, Shofirkon tumani — 1943.10.11, Gomel sh.) — shoir. Buxorodagi yerlar bilim yurtida oʻqigan, soʻng maktabda oʻqituvchilik qilgan (193036). 1936-1939-yillarda Andijon pedagogika institutida oʻqigan va shu yerda dars bergan; Ikkinchi jahon urushi qatnashchisi; urushda halok boʻlgan. S.J.ning "Fidokor" (1939), "Shodligim", "Ochiq chexralar" (1939), "Moskva" (1941) sheʼriy toʻplamlari eʼlon qilingan. 1939-yil shoir ijodining eng samarali pallasi boʻlib, u shu yili "Parvoznoma" balladasi, xalq rivoyatlari asosida"Zangori gilam", "Qaldirgʻoch", shuningdek, "Karim va Qunduz" dostonlarini yozgan. Shoirning mashhur italyan astronomiga bagʻishlangan "Bruno" dostoni (1938) 30-yillarda yaratilgan oʻzbek dostonlarining eng yaxshi namunalaridan biri hisoblanadi. Badiiy soddalik, samimiylik, xalq ogʻzaki ijodiga yaqinlik S.J. sheʼriyatining eng yaxshi xususiyatlaridir. S.J.ning adabiy merosida bolalar hayotidan olingan asarlar alohida oʻrinni egallaydi. Uning soʻnggi asari — "Iroda" dramasi (1942, Vosit Saʼdulla bilan hamkorlikda) Andijon viloyat teatrida sahnalashtirilgan.
Shoirning jasadi Gomel sh. Loyev tumani Kozerogi qishlogʻida dafn etilgan. Andijon, Buxoro va Shofirkon shaharlaridagi koʻchalarga, shuningdek, Shofirkon tumanidagi maktab, kinoteatr va fuqarolar yigʻiniga S.J. nomi berilgan. j
Manbalar[tahrir | manbasini tahrirlash]
- Yomgʻirdan soʻng, T., 1965; Sheʼrlar, T., 1 1973.
Adabiyot[tahrir | manbasini tahrirlash]
- Moʻminov Gʻ., Otashqalb shoir, T., 1970; Aliyev S, Buxoroda bitilgan baytlar, T., 1992.
![]() | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
![]() | Bu andozani aniqrogʻiga almashtirish kerak. |