Inventarlash

Inventarlash (lotincha inventarium — xoʻjalik buyumi), yoʻqlama qilish; korxonalar, firmalar, tashkilotlarda nakd mulk va tovarlarning, natura holidagi moddiy boyliklarning mavjudligi yoki holatini, mablagʻlarni muntazam tekshirib turish, shuningdek, ularning moddiy boyliklarni hisobga olish qaydnoma (vedomost)lariga muvofiqligini aniqlash maqsadlarida davriy qayta hisobga olish. Inventarlashning toʻliq, qisman, rejali va toʻsatdan oʻtkaziladigan koʻrinishlari mavjud.