Yogʻ bezlari

Yogʻ bezlari — qushlar, sut emizuvchi hayvonlar va odamlar terisining yogʻ chiqaradigan bezlari. Oddiy alveolyar bezlarga kiradi, yogʻ chiqarish yoʻllari soch (jun) xaltalariga ochiladi. Kuniga qariyb 20 g yogʻ chiqaradi. Yogʻ bezlarining mahsuli (teri yogʻi) terini yupqa qatlam kabi qoplab, uni qurib qolishdan saqlaydi. Qoʻloyoq kaftida Yo. b. yoʻq. Balogʻatga (voyaga) yetish davrida Yo. b. zoʻr berib ishlaydi. Odamda Yo. b. kasalliklaridan ateroma va husnbuzar koʻproq uchraydi.