Kamalak (tashkilot)
 | |
| Turi | Jamoat tashkiloti |
|---|---|
| Maqomi | Negizida Oʻzbekiston bolalar tashkiloti tuzilgan |
| Ishga tushgan sanasi | 23-may, 2001-yil |
| Joylashuvi | Toshkent shahri, Navoiy shoh koʻchasi, 11-uy |
| Hududiy xizmati |
 Oʻzbekiston |
| Raisi | Madina Baratova |
| Aʼzolari | 3,600,000 nafar |
| Til(lar)i | oʻzbek |
„Kamalak“ bolalar tashkiloti oʻn yoshdan oʻn sakkiz yoshgacha boʻlgan oʻquvchilarni ixtiyoriylik, oshkoralik, huquq va majburiyatlar tengligi tamoyili asosida iqtidori va isteʼdodini qoʻllab-quvvatlashga qaratilgan ijtimoiy loyihalarni amalga oshiradi. Loyiha 2001-yilda Oʻzbekiston yoshlar ittifoqi qoshida tashkil etilgan boʻlib, 2024-yilda tugatilgan va oʻrniga „Oʻzbekiston bolalar tashkiloti“ tashkil etilgan[1].
Maqsadi
[tahrir | manbasini tahrirlash]Tashkilot faoliyatining asosiy maqsadi bolalarni milliy gʻoya asosida Vatanning sodiq farzandlari va komil inson etib tarbiyalash, ularning huquq-manfaatlarini ifoda etish va himoya qilish, isteʼdod va qobiliyatlarini namoyon qilishlari hamda rivojlantirishlari uchun shart-sharoitlar yaratib berishdan iborat[2].
Faoliyati
[tahrir | manbasini tahrirlash]Tashkilot oʻz faoliyatini Oʻzbekiston Respublikasi Konstitutsiyasi va qonunlari, Bola huquqlari toʻgʻrisida konvensiya, Oʻzbekiston yoshlar ittifoqining ustavi hamda tashkilotning nizomi asosida amalga oshiradi. Tashkilot Qoraqalpogʻiston Respublikasi, barcha viloyatlar va Toshkent shahrida oʻzining tuzilmalariga ega.
Shiori
[tahrir | manbasini tahrirlash]Tashkilotning bosh shiori: „Vatan, doʻstlik va baxtli bolalik uchun!“[3].
Xalqaro hamkorlik
[tahrir | manbasini tahrirlash]„Kamalak“ bolalar tashkilotining faol aʼzolari Qirgʻiziston Respublikasida boʻlib oʻtgan „Hamdoʻstlik bolalari“ xalqaro madaniy-maʼrifiy forumida ishtirok etishgan[4]. Shuningdek, Belorussiyada joylashgan „Zubryonok“ bolalar oromgohida ham dam olib kelishgan[5].
Faoliyatining tugatilishi
[tahrir | manbasini tahrirlash]Oʻzbekiston Respublikasi prezidenti Shavkat Mirziyoyevning tashabbusi bilan 2024-yil aprel oyida „Kamalak“ bolalar tashkiloti negizida „Oʻzbekiston bolalar tashkiloti“ tashkil etilgan.
Manbalar
[tahrir | manbasini tahrirlash]- ↑ „O'zbekistonda bolalar tashkilotini tuzish taklif etilmoqda“. www.gazeta.uz. Qaraldi: 8-noyabr 2024-yil.
- ↑ Komiljonov, Muhammadjon. „21 yillik "Kamalak"“. "Yoshlar ovozi" gazetasi (11.14.2022). Qaraldi: 3-mart 2023-yil.
- ↑ Muhammadiyev, A. „"Vatan, do'stlik va baxtli bolalik uchun!"“. "Vatan, do'stlik va baxtlik bolalik uchun". "Xalq so'zi" gazetasining rasmiy sayti. 2023-yil 5-martda asl nusxadan arxivlangan. Qaraldi: 3-mart 2023-yil.
- ↑ „“Children of Commonwealth” Forum Paves Way for Future Cooperation”“. “Children of Commonwealth” Forum Paves Way for Future Cooperation”. IACIS (2022-yil 7-aprel). Qaraldi: 3-mart 2023-yil.
- ↑ „Oʻzbekistonlik maktab oʻquvchilari Belarusga sayohat qilishdi“. SputnikNews (2022-yil 6-sentyabr). Qaraldi: 3-mart 2023-yil.