Aʼzam Kamolov

Aʼzam Kamolov
Tavalludi	1912-yil Samarqand viloyati, Rossiya imperiyasi
Vafoti	14-oktyabr, 1971-yil Dushanbe, Tojikiston SSR, SSSR
Fuqaroligi	Rossiya → SSSR
Mukofotlari

Aʼzam Kamolov (1912-yil; Samarqand viloyati, Rossiya imperiyasi – 1971-yil 14-oktyabr; Dushanbe, Tojikiston SSR, SSSR) – bastakor, sozanda, dirijyor. Tojikiston SSR xalq aktyori.

Hayoti

Aʼzam Kamolov 1912-yilda Rossiya imperiyasiga qarashli boʻlgan Samarqand viloyatida tugʻilgan. Oʻrta maktabni tamomlagach, 1947-yil Moskva konservatoriyasiga oʻqishga qabul qilingan. U 1927-yil „Sanʼat ixlosmandlari“ sozandalar guruhiga asos solgan. Aʼzam Kamolov 1930-yildan 1932-yilgacha Samarqand viloyati musiqa va drama teatrida dirijyor boʻlib ishlagan. 1932-yildan 1935-yilgacha esa Samarqand yahudiylar musiqali teatrida dirijyor sifatida faoliyat yuritgan. 1935-yildan 1938-yilgacha Tojikiston davlat drama teatrida bosh dirijyor sifatida ishlagan. Aʼzam Kamolov 1950-yildan 1971-yilgacha Tojikiston xalq musiqasi orkestrida sozanda boʻlib faoliyat yuritgan. U 1971-yilning bahor faslida Tojikiston Vazirlar Kengashi huzuridagi Televideniye va radio qoʻmitasi raisi lavozimiga tayinlangan. Aʼzam Kamolov 1971-yil 14-oktyabrda Tojikiston SSRning Dushanbe shahrida vafot etgan.

Ijodi

Aʼzam Kamolov 1929-yilda teatrda oʻz faoliyatini boshlagan. U Toshkent va Samarqand shaharlaridagi teatrlarda dirijyorlik qilgan. Faoliyati davomida, Halima Nosirova va Tamaraxonim kabi ijodkorlar bilan tanishib, birgalikda ishlagan. Kamolov 1936-yili Tojikistonga koʻchib borib, teatrlardagi turli kuylarni bastalagan. U 1941-yil Moskvada boʻlib oʻtgan tojik musiqalari festivalida faol ishtirok etganligi uchun, „Lenin ordeni“ bilan mukofotlangan. Aʼzam Kamolov 1942-yilda ijodiy safar bilan Eronga borgan. Muvaffaqiyatli dirijyorlik faoliyati uchun jamoadoshlari uni „Oltin qoʻlli Aʼzam“ deb eʼtirof etishgan. Naʼmunali faoliyati uchun Aʼzam Kamolov „Mehnat Qizil Bayroq ordeni“ bilan mukofotlangan.