Abdulloh ibn Amajur at-Turkiy

Abdulloh ibn Amajur at-Turkiy
Tavalludi	IX—X asrlarda yashagan
Istiqomat joylari	Fargʻona, Hirot
Sohasi	astronomiya
Mashhur shogirdlari	Muflih ibn Yusuf

Abul Qosim Abdulloh ibn Amajur al-Xaraviy at-Turkiy (9-10-asrda yashagan) — fargʻonalik falakiyotchi olim. Xaraviy nisbasidan Hirotda ham yashaganligi aniqlashadi. Abdulloh ibn Amajurning oʻgʻli Abul Hasan Ali ibn Abdulloh ibn Amajur ham astronom olim boʻlgan. Abdulloh ibn Amajur at-Turkiyning tavallud topgan va vafot etgan yili haqida maʼlumotlar saqlanmagan.

Shogirdlari

Abdulloh ibn Amajurning shogirdi Muflih ibn Yusuf quyosh tutilish jarayoniga taalluqli tajribalar oʻtkazgan. Muflih ibn Yusuf quyidagi asarlar muallifi:

• Javami ahkam al-kusufat va-l-qiran al-kavokib [Sayyoralarning tutilishi va bogʻlanishi haqida (astrologik) oldindan aytib berishlar majmuasi]. Ushbu risola Parij va Leidenda saqlanadi.
• Zij at-Taylasan [Taylasan ziji].

Asarlari

Abdulloh ibn Amajurning asrlari quyidagilar:

• Kitob az-zij al-maʼruf bi-l-xalis [[Xatolardan] xolis zij kitobi].
• Kitob az-zij al-maʼruf bi-l-muzannir [Bogʻlab turuvchi zij kitobi].
• az-Zij al-badiʼiy [Gʻaroyib zij].
• Zij al-mamarrat [Oʻtmishlar ziji].
• Zij al-qini [Qulning ziji].
• Kitob zad al-musafir [Musofirga foydali kitob].
• Kitob zij al-Mirrix ala at-tarix al-farisi [Fors erasi boʻyicha Mirrix [Mars] sayyorasi uchun zij]. nomli kitoblari bor.