Abdurahmon Sultonov

Abdurahmon Sultonov (1946.18.10, Toshkent) — ganchkor usta, meʼmor, Oʻzbekiston xalq ustasi (2001). Toshkent politexnika institutining meʼmorlik fakultetini tugatgan (1970). Sultonov ish faoliyatini Toshkent amaliy sanʼat ijodiy eksperimental kombinatida ganchkorlikdan boshlagan. Usta Mahmud Usmonovning shogirdi. Toshkent metropoliteni ("Mustaqillik", "Hamza" va boshqalar) bekatlari, "Oʻzbekiston" mehmonxonasi, "Zarafshon" restorani, Toshkent operetta teatri, "Oʻzbekistan" sanatoriysi (Sochi), Milliy bogʻdagi Navoiy haykali gumbazi ostidagi bezaklar, Turkiston saroyi, Temuriylar tarixi davlat muzeyi (binoning tashqi ustunlari), Germaniyadagi Oʻzbekiston elchixonasi va boshqa uchun yaratgan nafis ganch oʻymakorligi asarlari yuksak mayorat bilan ishlangan. "Doʻstlik" ordeni bilan mukofotlangan (1997).