Akbarobod tabiat yodgorligi

Akbarobod tabiat yodgorligi
40°27′48.20717″N 72°2′45.28975″E
Mamlakat	Oʻzbekiston
Yaqinidagi shahar	Quva
Maydon	8 ga (0.080 km2; 0.031 kv mi)
Oʻrtacha balandligi	427 m
Tashkil topgan sanasi	2003-yil

Akbarobod tabiat yodgorligi — Farg‘ona viloyatining Quva tumani hududida joylashgan.

Joylashuvi

Tabiiiy yodgorlik Quva tumanining „M.Sherboʻtayev“, „A.Navoiy“ va „Dehonobod“ nomli massivlar bilan chegaralangan boʻlib, jami 395 ga (3.95 km²; 1.53 kv mi)ni tashkil etgan. Hudud dengiz sathidan 427 metr balandlikda joylashgan boʻlib, bugungi kundagi yer maydoni 8 ga (0.080 km²; 0.031 kv mi)ni tashkil etadi.

Tashkil etilishi

Quva tumani hokimining 2003-yil 14-maydagi 388-sonli „Muhofaza etiladigan tabiiy hudud maqomini berish toʻgʻrisida“gi qaroriga asosan, qumliklarga muhofaza etiladigan tabiiy hudud maqomi berilgan. Ushbu tabiat yodgorliklariga pasport ishlab chiqilib, Quva tuman hokimligi, hamda Ekologiya va atrof-muhitni muhofaza qilish inspeksiyasi tomonidan tasdiqlanib, yuqoridagi Katta Dehqonobod va Katta Qishloq mahalla fuqarolar yigʻinlariga nazorat qilish uchun biriktirib berilgan. Muhofaza etiladigan qum barxani tabiiy holatda saqlanmoqda.

Tashkil etishdan maqsad-tabiiy qum barxanlarini saqlab qolishdan iborat.

Oʻsimliklar qoplamasi

Tabiiy yodgorlikda yarim butalarning 5-6 turi, ko‘p yillik o‘tlarning 7-8 turi, bir yillik va ikki yillik oʻsimliklar ham oʻsadi.

Foydalanilishi

Tabiat yodgorligi atrofidagi yerlar qishloq xo‘jaligi ekinlari uchun oʻzlashtirilgan va baliqchilik havzalari tashkil etilgan.

Yana qarang

• Oʻzbekistondagi qoʻriqxonalar