Aleksandr Maksimov

Aleksandr Pavlovich Maksimov
Tavalludi	20-fevral 1957-yil
Vafoti	20-fevral 1917-yil

Aleksandr Pavlovich Maksimov (1857-yil 20-fevral – 1917-yil 20-fevral) – rus arxitektori, qurilish muhandisi. Sankt-Peterburg, Vladimir, Novgorod, Penza, Toshkent va boshqa shaharlardagi qurilish loyihalari muallifi. Sankt-Peterburg qurilish ustalari maktabida (1881–1884), qurilish muhandislari institutida (1884-yildan) va texnologik institutda (1900-yildan) oʻqituvchi.

Hayoti

Boshlangʻich taʼlimni xususiy Keller gimnaziyasida, ikkinchi Sankt-Peterburg gimnaziyasida va 6-klassik gimnaziyada olgan. 1873-yilda Sankt-Peterburg qurilish maktabiga oʻqishga kirdi. 1879-yilda Sankt-Peterburg qurilish maktabini 10-sinfini tugatgan. Xuddi shu yili u Ichki ishlar vazirligiga xizmat qilish uchun qabul qilingan. 1881–1884-yillarda V.A.Shröterning yordamchisi boʻlib ishlagan.

Shahar okrugi meʼmori (1888-yildan), shahar hokimiyati katta meʼmori boʻlgan. Sankt-Peterburg qurilish ustalari maktabida (1881–1884), qurilish muhandislari institutida (1884-yildan) va texnologik institutda (1900-yildan) oʻqituvchilik qilgan. Sankt-Peterburg meʼmorlar jamiyatining haqiqiy aʼzosi (1882-yildan) va kotibi (1884–1890) boʻlgan. Xalq taʼlimi boʻlimi meʼmori boʻlgan (1903–1909). Vladimir, Novgorod, Penza, Toshkent va boshqa shaharlarda qurilish loyihalari muallifi hisoblanadi. 1892-yildan boshlab Sankt-Peterburgdagi bir qator binolarni rekonstruksiya qilishda, 1900-yillarda esa kasalxonalar va turar-joy binolarini qurishda ishtirok etgan. Toshkentda amalga oshirgan mashhur loyihalaridan biri Toshkent real bilim yurti loyihasi hisoblanadi (Vilgelm Geynselman bilan hammualliflikda).

1897-yilda xizmat stajiga koʻra u davlat maslahatchisi lavozimiga koʻtarilgan.

1917-yil 20-fevralda (5-mart) vafot etgan.

Oilasi

E.I.Maksimova bilan birinchi turmushida uning ikki oʻgʻli bor edi: Sovet botaniki Nikolay va arxitektor Aleksandr. A.P.Duxanina bilan ikkinchi nikohidagi oʻgʻillaridan biri Vladimir (1892–1942) ham meʼmor boʻlgan.

Loyihalari

Penza

• Penza chizmachilik maktabi (1892–1897, K.A.Savitskiy ishtirokida);
• Penza real maktabi (1900–1904).

Sankt-Peterburg

• N.K.Vadbolskaya saroyi (1888);
• Efron bosmaxonasi binosi (rekonstruksiya; 1890);
• Politsiya arxivi binosi (rekonstruksiya; 1890);
• E.I.Brusova saroyi (qayta qurish; 1894);
• Aleksandr bogʻidagi M.Lermontov va N.V.Gogol haykali (1896, haykaltarosh V.P.Kreytan);
• Texnologik institut binolari (asosiy binoni rekonstruksiya qilish va kengaytirish, kimyo laboratoriyasini qurish; L. P. Shishko bilan birgalikda; 1897–1899);
• Nobel assambleyasi binosini rekonstruksiya qilish (1899–1900);
• Qurilish muhandislari instituti binosi (kengaytirish; 1899—1900);
• 2-Rojdestvenskaya ayollar gimnaziyasi va Mariinskiy maktabi binosi (1899—1901);
• Turar-joy uyi (1901—1902);
• Tenishevskiy maktabi binosi (qisman ichki rekonstruksiya; 1903);
• N.N.Shebeko saroyi (1909);
• Temir yoʻl muhandislari instituti binosi (1914–1915).

Boshqa joylar

• I.S.Maltsova nomidagi Zemstvo kasb-hunar maktabi. (meʼmor M.N.Chichagov va muhandis D.K.Sovetkin bilan birgalikda; 1885);
• Yekaterinoslavlda ingliz klubi binosi uchun tanlov loyihasi (2-oʻrin, 1890);
• Yekaterinoslavldagi bank binosi uchun tanlov loyihasi (2-oʻrin, 1891);
• Irkutskdagi teatr binosi uchun tanlov loyihasi (3-oʻrin, 1893);
• Poltava viloyati zemstvo hukumati binosi (1895);
• Poltava kasb-hunar maktabining tanlov loyihasi (3-oʻrin, 1895);
• Toshkent real bilim yurti (V.S.Geyselman bilan birgalikda, 1896);
• Novgorod real maktabi (1902);
• Tula real maktabi (1908);

Galereya

• 
• 
• 
• 

Adabiyotlar

• Архитекторы-строители Санкт-Петербурга середины XIX — начала XX века: справочник. СПб.: Пилигрим, 1996 — 206-bet. ISBN 5-900989-01-1. 
• Барановский Г. В.. Юбилейный сборник сведений о деятельности бывших воспитанников Института гражданских инженеров (Строительного училища). 1842—1892. СПб.: Типо-Литография Н. Л. Пентковского, 1893 — 208—209-bet. 
• Крашенинников А. Ф. „Максимов Александр Павлович (1857—1917)“, . Пензенская энциклопедия. М.: Большая Российская энциклопедия, 2001 — 113—114-bet. 
• Кунките М. И. http://mirpeterburga.ru/upload/iblock/be1/be1c36d9f8ece4dbd6898ae7b056c83c.pdf Созидатели Петербурга: Архитектурная династия Максимовых: к 100-летию со дня рождения В. А. Ильиной (Максимовой) // История Петербурга : журнал. — СПб.: Нестор, 2009. — № 5 (51). — С. 11—16.
• Кунките М. И. Созидатели Петербурга: Архитектурная династия Максимовых: к 100-летию со дня рождения В. А. Ильиной (Максимовой). Окончание // История Петербурга : журнал. — СПб.: Нестор, 2009. — № 6 (52). — С. 34—40. Архивировано 15 mart 2023 года.

Havolalar

• Максимов А. П. // Citywalls.