Aleksandr Ogloblin
| Aleksandr Ogloblin | |
|---|---|
| Tavalludi |
29-iyul 1891-yil Samarqand viloyati Rossiya imperiyasi |
| Vafoti |
18-sentyabr 1967-yil Buenos-Ayres Argentina |
| Fuqaroligi |
 Argentina,  Rossiya imperiyasi |
| Kasbi | entomolog |
| Ish joylari | Buenos-Ayres universiteti |
| Ilmiy unvoni | professor |
Aleksandr Alekseyevich Ogloblin (1891-yil 29-iyul, Samarqand – 1967-yil 18-sentyabr, Buenos-Ayres) Argentinada faoliyat yurtigan rus entomologi. Buenos-Ayres universiteti zoologiya professori, chigirtkalar tadqiqot instituti direktori (1937). Argentina fanni rivojlantirish assotsiatsiyasi prezidenti (1950)[1].
Hayoti
[tahrir | manbasini tahrirlash]Aleksandr Ogloblin Rossiya imperiyasi Samarqand viloyatida tugʻilgan. Poltavadagi mumtoz gimnaziya va Kiyevdagi Sankt Vladimir universitetini tamomlagan. Talabalik yillarida yozda Poltava qishloq xoʻjaligi tajriba stansiyasining entomologiya boʻlimida ishlagan. Fuqarolar urushi yillarida A.Ogloblin Turkiyaga, u yerdan Chexoslovakiyaga koʻchib oʻtadi. Charlz universitetida (Praga) zoologiya boʻyicha nomzodlik dissertatsiyasini himoya qildi. Ogloblin Yan Obenberger boshchiligida Praga Milliy muzeyining Entomologiya boʻlimida assistent boʻlib ishlagan va M. M. Novikov zoologiya seminariyasi yigʻilishlarida qatnashgan. 1925–1927-yillarning yozida Amerika Qoʻshma Shtatlari Qishloq xoʻjaligi Departamenti (USDA) Entomologiya byurosi topshirigʻiga koʻra u zararli hasharotlar parazitlari – loʻli kuya va makkajoʻxori chuvalchanglarini oʻrgandi[2]. Yevropada doimiy ravishda entomologiya bilan shugʻullana olmagan Ogloblin Argentina Qishloq xoʻjaligi vazirligining taklifini qabul qildi va 1928-yil 19-yanvarda chet elga joʻnadi.
Argentinada u Loreto yaqinidagi agrotexnika stansiyasida entomolog lavozimini egalladi va u yerda mahalliy qishloq xoʻjaligi oʻsimliklari – mate, sholi, tamaki, sitrus zararkunandalari ustida ishladi. Argentinadagi birinchi yillarida Ogloblin chumolilar va termitlar boʻyicha yirik mutaxassis C. Bruch (1869–1943) bilan hamkorlik qildi. Aynan Ogloblin keyinchalik Bruchni mashhur sovet va ukrain mirmekologi V. A. Karavayev (1864–1939) bilan tanishtirgan, u bilan 1919-yilda Kiyevda uchrashgan edi. Shu bilan birga, Ogloblin fundamental entomologiya bilan shugʻullangan. Oʻsha yillarda Argentina vaqti-vaqti bilan chigirtka tarqalishidan aziyat chekdi. 1937-yilda Ogloblindan Chigirtkalarni oʻrganish boʻyicha yangi institutga rahbarlik qilish taklif qilindi va oila Buenos-Ayresga koʻchib oʻtdi[3]. Keyinchalik u bir vaqtning oʻzida poytaxt universitetida zoologiya professori lavozimini egalladi (1939–1950) va taksonomist sifatida entomologik tadqiqotlarni davom ettirdi.
Olim amerika (1944-yildan) va rus (taxminan 1927-yildan) Entomologiya jamiyatlari, Argentina tabiiy fanlar assotsiatsiyasi aʼzosi boʻlgan va Argentina fanni rivojlantirish assotsiatsiyasiga rahbarlik qilgan (1950)[4].
Aleksand Ogloblin 1967-yil 18-sentyabrda Buenos-Ayresda vafot etgan[5].
Manbalar
[tahrir | manbasini tahrirlash]- ↑ Martines A., Fedotova A. A. Alexandro Ogloblin, russkiy akridolog v Argentine // Priroda, 2015, № 12, s. 60-70.
- ↑ Babcock K. W., Vance A. M. The corn-borer in Central Europe. A review of investigations from 1924 to 1927 // Technical Bulletin (United States Department of Agriculture). 1929. № 135. Tsitovano po: The Physiology of Diapause in Arthropods, Vol. 4. Cambridge University Press, 1955, p. 133
- ↑ Martines A., Fedotova A. A. Alexandro Ogloblin, russkiy akridolog v Argentine // Priroda, 2015, № 12, s. 60-70. https://www.researchgate.net publication290123232_Alejandro_Ogloblin_a_Russian_arcdiologist_in_Argentina_In_Russian
- ↑ Martines A., Fedotova A. A. Alexandro Ogloblin, russkiy akridolog v Argentine // Priroda, 2015, № 12, s. 60-70. https://www.researchgate.net publication290123232_Alejandro_Ogloblin_a_Russian_arcdiologist_in_Argentina_In_Russian
- ↑ es:Alejandro Ogloblin