Anastasiya Gimazetdinova

Anastasiya Dmitriyevna Gimazetdinova
Shaxsiy maʼlumotlari
Tavallud sanasi	19-may 1980-yil (44 yosh); Toshkent, Oʻzbekiston SSR
Sport
Qaysi sport	figurali uchish

Anastasiya Dmitriyevna Gimazetdinova (1980-yil 19-may, Toshkent, Oʻzbekiston SSR, SSSR) — yakkalik bahslarida ishtirok etgan oʻzbekistonlik figurachi. Uch karra Oʻzbekiston chempioni, 2008-yilda Osiyo chempioni. 1994-yilda yakkalik tartibidagi figurali uchish boʻyicha Rossiya sport ustasi (1994-yilda), Oʻzbekiston boʻyicha Xalqaro sport ustasi.

Sportdagi faoliyati

Anastasiya Gimazetdinovani figurali uchish seksiyasiga 5 yoshida ota-onasi olib keladi. Uning birinchi murabbiyi Natalya Serebrennikova ("Ural Trubnik" yoshlar sport maktabi, Pervouralsk) edi. Soʻng 1993-yildan buyon u Igor Ksenofontov qoʻlida shugʻullanadi. 13 yoshida u uch yil ketma-ket sport ustasi me’yorlarini bajarib, 1993-yildan 1995-yilgacha Rossiya kubogi bosqichlarida kuchli uchlikdan oʻrin oladi. Ikki marta Rossiya chempionatida ishtirok etgan. 1997-yildan Oʻzbekiston terma jamoasida ishtirok etib kelgan.

Oʻz dasturlarida Anastasiya ajoyib raqslari bilan ajralib turardi. Biroq xalqaro musobaqalarda u asosan unchalik yuqori boʻlmagan oʻrinlarni egallagan.

Anastasiyaning xalqaro maydondagi eng yuqori natijasi 1998-yilda Toʻrt qit’a chempionatida 8-oʻrin va 2007-yilgi jahon chempionatida 19-oʻrinni egallagani boʻldi. Bundan tashqari, 2005-yilda "Karl Shefer memoriali"da 7-oʻrinni egallab, Turindagi Qishki Olimpiya oʻyinlarida ishtirok etish uchun saralangan va u yerda 29-oʻrindan joy oldi.

2008-yilgi Osiyo chempionatida (Asian Championships yoki boshqa yoʻl bilan - Asian Figure Skating Trophy) Anastasiya oltin medalni qoʻlga kiritadi.

2010-yilgi Olimpiada uchun klasifikasiyasi 2009-yili “Nebelhorn Trophy” turnirida Anastasiya 14-oʻrinni egallab, Oʻzbekistonga Olimpiya oʻyinlari yoʻllanmasini qoʻlga kirita olmadi. Ammo keyinroq yakka tartibdagi ayollar uchish boʻyicha (Olimpiada yoʻllanmalari bir qator rad etilganligi sababli Isroil, Shveysariya va Chexiya MOQlari yoʻllanmalar berishdan bosh tortgan) Oʻzbekiston bu oʻrinni qoʻlga kiritadi va Anastasiya terma jamoa tarkibiga qoʻshiladi^[1]. Musobaqalarda u ikkala dastur uchun kamtarona ball oldi va atigi 23-oʻrinni egalladi. Keyingi jahon chempionatida ham xuddi shunday natija koʻrsatdi.

Anastasiyaning Olimpiya mavsumi uning faoliyatidagi soʻnggisi boʻlishiga qaramay, u qishki Osiyo oʻyinlari ishtirokchilari tarkibidan joy egalladi^[2]. Ammo qisqa dastur yakunida u jarohatlanib musobaqani tark etdi.

Ayni paytda u murabbiy boʻlib faoliyat yuritadi, bundan tashqari muz shousida ham ishtirok etadi.

Sport yutuqlari

2003-yildan keyin

Musobaqa	2003-2004	2004-2005	2005-2006	2006-2007	2007-2008	2008-2009	2009-2010	2010-2011
Qishki Olimpiya o'yinlari			29				23
Jahon chempionatlari			21	19	21	31	23
To'rt qit'a chempionati	18		WD	12	9	12	11
O'zbekiston chempionati	1	1					1	1
Gran-pri bosqichlari: Rossiya kubogi			7	11			12
Gran-pri bosqichlari: NHK Trophy						11
Gran-pri bosqichlari: Trophee Erik Bompard					12	8
Gran-pri bosqichlari: Xitoy kubogi	11
Nebelhorn Trophy			12			WD	14
Qishki Osiyo o'yinlari				6				WD
Karl Shefer xotirasi			7
Ondrej Nepela xotirasi			15
Ice Challenge							9
Skate Isroil	4
NRW kubogi							W.D.
Osiyo chempionati					1

2003-yilgacha

Musobaqa	1997-1998	1998-1999	1999-2000	2000-2001	2001-2002	2002-2003
Jahon chempionatlari			28			23
To'rt qit'a chempionati		8	12	26	14	9
O'zbekiston chempionati	2	2	2	2	2	1
Qishki Osiyo o'yinlari		5				6
Zagreb Gold Skate			6			10
Yelena Pajovich kubogi					2
Ondrej Nepela xotirasi			8		8
Karl Shefer xotirasi				8

Manbalar

↑ „Узбекистан на Олимпиаде в Ванкувере представят три спортсмена“. 2010-yil 24-yanvarda asl nusxadan arxivlangan. Qaraldi: 2010-yil 4-fevral.
↑ Определился состав команды Узбекистана на Зимние Азиатские игры^{[sayt ishlamaydi]}

Havolalar