Kontent qismiga oʻtish

Anatoliy Krasnov

Vikipediya, ochiq ensiklopediya
Anatoliy Krasnov
Tavalludi 18-iyun 1906-yil
Penza, Rossiya imperiyasi
Vafoti 19-avgust 1967-yil
Toshkent, SSSR
Fuqaroligi SSSR bayrogʻi SSSR
Qoʻshin turlari Pexota
Xizmatdagi yillari 1928–1967
Jang/urush Ulugʻ Vatan urushi

Anatoliy Andreyevich Krasnov (1906-yil 18-iyun, Penza, Rossiya imperiyasi – 19-avgust 1967-yil, Toshkent, SSSR) – sovet harbiy qoʻmondoni, general-mayor (1942). Sovet Ittifoqi Qahramoni (1940).

Biografiyasi

[tahrir | manbasini tahrirlash]

Anatoliy Andreyevich 1906-yil 18-iyunda Penza shahrida temiryoʻlchi oilasida tavallud topgan[1]. 1918-yilda Penza boshlangʻich maktabini, 1925-yilda Ruzayevskiy qishloq xoʻjaligi maktabini tamomlagan va 1928-yilda Chembarskiy tumani Zavivalovka qishlogʻida ishlagan. Penza qishloq xoʻjaligi texnikumini tugatgan.

Krasnov 1928-yil sentyabr oyida Penza shahar harbiy komissarlik tomonidan Qizil Armiya safiga chaqirilgan. U Volga harbiy okrugining 102-piyoda polkida xizmat qilgan va u yerda vzvod komandiri dasturi boʻyicha bir yillik qoʻmondonlik kursini tamomlagan. Anatoliy 1929-yil sentyabr oyida zaxiraga oʻtkazilgan. 1929-yildan 1936-yilgacha Oʻrta Volga boʻyi va Orenburg viloyatining Buguruslan tumanida agronom, keyin katta agronom boʻlib faoliyat olib borgan[2].

Anatoliy Andreyevich 1936-yil mart oyida Orenburg viloyati Buguruslan tuman harbiy komissarligi tomonidan yana Qizil Armiya safiga chaqirilgan. Leningrad harbiy okrugining 210-piyoda polkida xizmat qilish uchun yuborilgan va u yerda vzvod komandiri, 1937-yil may oyidan esa batalyon shtab boshligʻi boʻlib xizmat qilgan. Anatoliy 1938-yil avgustdan katta bataloni ad’yutanti boʻlgan. 1939-yilda „Vistrel“ piyoda qoʻshinlari qoʻmondonlari uchun Oliy miltiq va taktik takomillashtirish kurslarini sirtqi taʼlimda tamomlagan.

SSSR Oliy Kengashi Prezidiumining 1940-yil 21-martdagi farmoni bilan leytenant Anatoliy Andreyevich Krasnov Finlandiya oq gvardiyachilariga qarshi kurash frontida qoʻmondonlikning jangovar topshiriqlarini namunali bajarganligi va koʻrsatgan jasorati uchun Lenin ordeni, „Oltin yulduz“ medali va Sovet Ittifoqi Qahramoni unvoni bilan taqdirlangan[3].

Finlandiya bilan sulh imzolangandan soʻng, u 70-piyoda diviziyasida xizmat qilishni davom ettirdi va 1940-yil avgust oyida ushbu diviziyaning 68-piyoda polkiga batalyon komandiri sifatida oʻtkazildi. Anatoliy 1941-yil yanvar oyida ushbu polk komandirining oʻrinbosari boʻldi[4]. 1940-yilda Butunittifoq Kommunistik partiyasi (bolsheviklar) safiga qoʻshildi.

Urushdan keyingi karyerasi

[tahrir | manbasini tahrirlash]

Ulugʻ Vatan urushidan soʻng, Krasnov 1946-yil sentyabrgacha 172-diviziyaga qoʻmondonlik qildi. SSSR Qurolli Kuchlari qisqarishi munosabati bilan 1946-yil sentyabrdan 188-piyoda diviziyasi qoʻmondoni oʻrinbosari etib tayinlandi va 1946-yil iyundan esa Odessa harbiy okrugidagi 48-piyoda diviziyasiga qoʻmondonlik qildi. Krasnov 1953-yilda M. V. Frunze nomidagi harbiy akademiyada miltiq boʻlinmasi komandirlari uchun malaka oshirish kurslarini tamomladi[5].

1955-yildan Qirgʻiziston Kompartiyasi MK aʼzosi boʻldi.

Anatoliy Andreyevich Krasnov 1967-yil 19-avgustda vafot etdi. Toshkentda Kommustik qabristonga dafn etilgan.

Manbalar

[tahrir | manbasini tahrirlash]
  1. ↑ Po dannim penzenskogo kraeveda A. Volkova, v metricheskoy knigi Bogoyavlenskoy serkvi goroda Penzi za 1906 god soderjitsya inaya informatsiya: A. A. Krasnov rojdyon 16 iyunya 1906 goda v seme meщanina Andreya Ivanovicha Krasnova. Sm.: Volkov A. Geroy „Nevskogo pyatachka“.
  2. ↑ „Краснов, Анатолий Андреевич“. Qaraldi: 2023-yil 16-noyabr.
  3. ↑ „Краснов Анатолий Андреевич“. Qaraldi: 2023-yil 16-noyabr.
  4. ↑ Direktiva Stavki № 00260 Komanduyuщim voyskami Severnogo i Severo-Zapadnogo frontov o perepodchinenii i zadachax voysk, TsAMO. F. 96a. Op. 1711. D. 3. L. 13-15.
  5. ↑ Po drugim dannim, imenovalas 376-y strelkovoy diviziey. 
"https://uz.wikipedia.org/w/index.php?title=Anatoliy_Krasnov&oldid=4084002" dan olindi