Anatoliy Suslov

Anatoliy Suslov
Shaxsiy maʼlumot
Toʻliq ismi	Anatoliy Ivanovich Suslov
Tavallud sanasi	26-avgust 1946-yil (78 yosh)
Tavallud joyi	Moskva viloyati, RSFSR
Boʻyi	183 cm (6 ft 0 in)
Ampluasi	Yarim himoyachi
Yoshligida aʼzo boʻlgan klublar
?—1964	Dinamo (Moskva)
Professional faoliyati*
Yillar	Jamoa
1964—1969	Dinamo (Moskva)
1969—1970	Dinamo (Barnaul)
1971	Paxtakor
1972—1979	Dinamo (Barnaul)
	*Professional klublardagi gollari (ichki chempionat)

Anatoliy Ivanovich Suslov (ruscha: Суслов, Анатолий Иванович; 1946-yil 24-fevral, Stupino, Moskva viloyati) – sovet futbolchisi, yarim himoyachi („dispetcher“) pozitsiyasida oʻynagan. SSSR Oliy ligasida 17 oʻyin oʻtkazib, bitta gol urgan.

Biografiya

Anatoliy Moskvaning „Dinamo“ futbol maktabi tarbiyalanuvchisi, RSFSR yoshlar terma jamoasi sardori boʻlgan va 1964-yilda Butunittifoq yoshlar musobaqasi gʻolibi boʻlgan^[1]. 1964-yildan koʻk-oqlar oʻrinbosarlari oʻyinlarida ishtirok etishni boshlagan va keyingi olti mavsumda oʻrinbosarlar chempionatida 117 ta oʻyin oʻtkazib, 8 ta gol urgan. Anatoliy 1965-yil 16-oktyabrda „Odessa Chernomorets“ jamoasiga qarshi oliy liga oʻyinida „Dinamo“ jamoasining asosiy jamoasida debyut qilgan^[2]. Professional faoliyati davomidagi birinchi golini 1967-yil 28-avgustda Kuybishevning „Krilya Sovetov“ jamoasi darvozasiga kiritgan^[3]. Oʻzining iqtidori va murabbiylarning uning imkoniyatlarini yuqori baxolaganiga qaramay, „Dinamo“ jamoasining asosiy jamoasida oʻz oʻrniga ega boʻlmagan. 1967-yil Dinamo jamoasiga bosh murabbiy etib tayinlangan Konstantin Beskov Anatoliyning oʻyin uslubini yoqtirmagan. Hammasi boʻlib „oq-koʻklar“ jamoasi tarkibida oliy ligada 9 ta oʻyin (1 ta gol), SSSR kubogida 2 ta oʻyin va 11 ta oʻrtoqlik oʻyinida ishtirok etgan.

1969-yilgi mavsumda Anatoliy Barnaulning Dinamo jamoasiga oʻtgan va u yerda ikki mavsum davomida oʻynagan. 1971-yili Toshkentning „Paxtakor“ klubi safida oliy ligada oʻynagan va sakkizta oʻyinda maydonga tushgan. 1972-yilda u Barnaulga qaytib, yana sakkiz mavsum mahalliy jamoada oʻynagan va jamoa sardori boʻlgan. Umuman olganda, Suslov milliy chempionatlarda Barnaul jamoasi uchun 300 dan ortiq oʻyin oʻtkazgan (1978-yilgi mavsumni hisobga olmaganda 288 ta, oʻtkazilgan oʻyinlar haqida maʼlumot yoʻq).

Manbalar

↑ „Детско-юношеский футбол в «ДИНАМО»“. 2019-yil 6-avgustda asl nusxadan arxivlangan. Qaraldi: 2017-yil 19-iyul.
↑ Match Dinamo M – Chernomores O. footballfacts.ru
↑ Match Krilya Sovetov Kb – Dinamo M. footballfacts.ru

Havolalar

Anatoliy Suslov FootballFacts.ru saytida (ruscha)
Anatoliy Suslov Profil fc-dynamo.ru veb-saytida

[1] „Детско-юношеский футбол в «ДИНАМО»“. 2019-yil 6-avgustda asl nusxadan arxivlangan. Qaraldi: 2017-yil 19-iyul.

[2] Match Dinamo M – Chernomores O. footballfacts.ru

[3] Match Krilya Sovetov Kb – Dinamo M. footballfacts.ru

[1]

[2]

[3]