Andriy Xlivnyuk
Andriy Xlivnyuk | |
|---|---|
 | |
| Tavalludi | 31-dekabr 1979 |
| Janrlar | Funk, hip hop, pop-rock, jazz |
| Fuqaroligi | Ukraina |
| Turmush oʻrtogʻi | Q111384926? |
Andriy Volodimirovich Xlivnyuk (ukraincha: Андрій Володимирович Хливнюк; 1979-yil 31-dekabrda tugʻilgan) – ukrainalik musiqachi, „BoomBox“ guruhi vokalisti va lirigi.
Biografiyasi
[tahrir | manbasini tahrirlash]Andrey Xlivnyuk 1979-yil 31-dekabrda Ukraina SSRning Cherkas shahrida tugʻilgan (hozirgi Ukraina). Musiqa maktabining akkordeon sinfida, Birinchi shahar gimnaziyasida oʻqigan. 2001-yilda guruh „Mavsum marvaridi“ festivalida gʻolib chiqqan va guruh musiqachilari Kiyevga koʻchib oʻtganlar. Poytaxtda Andriy jazz va svingga qiziqib qolgan, A„coustic Swing Band“ bilan kuylagan. Keyinchalik, uchta guruh aʼzolaridan – „Acoustic Swing Band“, Dust Mix va Tartak – „Graphite“ guruhi tuzilgan, Andriy vokalchi boʻlgan.
2004-yilda Xlivnyuk „Tartak“ guruhining gitarachisi Andriy „Muxa“ Samoilo bilan birgalikda „BoomBox funky groove“ guruhini tashkil qilgan. Bir necha yillar davomida guruh Ukraina va Rossiyada katta shuhrat qozongan. 2005-yil aprel oyida birinchi „Melomaniya“ albomi yozilgan. 2006-yilda Ukrainada oltin maqomini olgan ikkinchi „Oilaviy biznes“ diski chiqqan (hozirda diskning 100 mingdan ortiq nusxasi sotilgan).
Xlivnyuk ukrainalik qoʻshiqchi Nadin albomining ovoz boʻyicha prodyuseri boʻlgan, u bilan 2007-yilda oʻzining „Ya neznayu“ qoʻshigʻini duetda ijro etgan va keyinchalik klip suratga olgan. Duet E-motion portali talqiniga koʻra „Yilning eng kutilmagan loyihasi“ mukofotiga sazovor boʻlgan.
2007-yilning yozida „Oxranshiki“ kompozitsiyasi Rossiya radiostantsiyalarining radio uzatmalarida juda keng yoyilgan va kuzda „ta4to“ kompozitsiyasi Moskva radiostansiyalarining repertuariga kirgan. Vaqt oʻtishi bilan rus ovoz yozish kompaniyalari „BoomBox“ga qiziqish bildirishgan va 2008-yil 10-iyunda chiqarilgan „Melomaniya“ va „Semeynaya biznes“ albomlarini Rossiyada nashr etish uchun „Monolith“ bilan shartnoma imzolangan. 2009-yil avgust oyida Xlivnyuk Yevgeniy Koshev va Potap bilan birgalikda fransuzcha parkur trilleri „13th District: Ultimatum“ ni dublyaj qilgan. Andrey fransuz politsiyachisi Damienga ovoz bergan.
2009-yil dekabr oyida guruh kiyevlik DJ Tonique bilan qoʻshma albom chiqargan. 2010-yil 24-iyunda Kiyevda „All Inclusive“ albomining taqdimoti boʻlib oʻtgan. 2011-yil oxirida „Sredniy Vik“ albomi chiqqan.
Mukofotlari
[tahrir | manbasini tahrirlash]2012 va 2013-yillarda „Eng yaxshi lirik“ nominatsiyasida „YUNA“ musiqiy mukofoti sovrindori boʻlgan.
2016-yilda „Eng yaxshi qoʻshiq“ („Zliva“) va „Eng yaxshi duet“ (Jamala, Andrey Xlivnyuk, Dmitriy Shurov) nominatsiyalarida „YUNA“ mukofotiga sazovor boʻlgan[1].
3-darajali „Jasorati uchun“ ordeni bilan taqdirlangan[2].
Shaxsiy hayoti
[tahrir | manbasini tahrirlash]2010-yil iyul oyida Xlivnyuk Shevchenko nomidagi Kiyev universiteti jurnalistika fakulteti bitiruvchisi, oʻsha paytda Ukraina moliya vazirining oʻrinbosari boʻlgan Vadim Kopilovning qizi Ganna Kopilovaga uylangani haqida maʼlumot paydo boʻlgan. Andrey va Gannaning Ivan ismli oʻgʻli (2010-yilda tugʻilgan) va Oleksandra ismli qizi (2013-yilda tugʻilgan) bor. 2020-yilda xotini bilan ajrashgan[3].
Televideniyeda
[tahrir | manbasini tahrirlash]2015-yil yozida Xlivnyuk Ivan Dorn oʻrniga Ukrainaning STB telekanalidagi X-faktor vokal tanlovi oltinchi mavsumining hakamlar hayʼati aʼzolaridan biriga aylangan[4].
Manbalar
[tahrir | manbasini tahrirlash]- ↑ „Названі всі номінанти музичної премії Yuna 2016“.
- ↑ Decree of the President of Ukraine from 23 serpnya 2022 year № 593/2022 „Pro vіdznachennya derjavnimi nagorodami Ukraїni z nagodi Dnya Nezalejnostі Ukraїni“ (ukraincha);
- ↑ Khlyvnyuk divorced his wife after 10 years of marriage
- ↑ „Андрей Хлывнюк | X-faktor“. 2015-yil 21-iyulda asl nusxadan arxivlangan. Qaraldi: 2015-yil 17-iyul.
Havolalar
[tahrir | manbasini tahrirlash]- „Boombox“ prodyuseri Oleksiy Sohomonovning blogi
