Anqaboy Xudoybaxtov

Anqaboy Xudoybaxtov
Tavalludi	1905-yil; Baxmal, Jizzax
Vafoti	1938-yil; Toshkent
Fuqaroligi	SSSR
Taʼlimi	Samarqand maorif instituti; Oʻrta Osiyo kommunistik universiteti
Faoliyat yillari	1922—1937
Otasi	Xudobaxit Umirzaqov

Anqaboy Xudoybaxtov (1905-yil, Jizzax – 1938-yil, Toshkent) – Oʻzbekiston kommunistik partiyasi Markaziy komiteti partiya nashriyoti bosh muharriri.

Biografiyasi

Anqaboy Xudoybaxtov 1905-yilda Samarqand viloyati Jizzax uyezdi Oʻsmat qishlogʻida tugʻilgan. Otasi Xudobaxit Umirzaqov dehqon boʻlgan. Onasi Ruqiya ham kambagʻal dehqon oilasidan chiqqan. Oilaning umumiy mulki 2 tanob yer va bir ot boʻlgan.

1916-yilda ota-onasi vafot etgach 8 farzand boquvchisiz qoladi va turli oilalarga tarqatib yuboriladi.

Anqaboy Xudoybaxitov 1916—1918-yilgacha Samarqand viloyati Mobul volostining Jomboy tumanida bir qancha shaxslar qoʻlida batrak boʻlib ishlaydi. 1918-yilda Jizzaxda yetimxona ochiladi. Xudoybaxtov 1920-yilgacha shu yetimxonada tarbiyalanadi.

1920—1922-yillarda Samarqand maorif institutida oʻqigan, 1922-yildan 1924-yilga qadar Toshkentda joylashgan V. I. Lenin nomidagi Kommunistik universitetda tahsil oladi. 1923-yilda kommunistik partiya aʼzoligiga qabul qilinadi. 1924—1925-yillari „Zarafshon“ gazetasida mas‘ul muharrir oʻrinbosari boʻlib ishlaydi. 1925—1928-yillarda Moskva Oliy jurnalistika institutida oʻqigan.

1933—1936-yillarda Oʻzbekiston kommunistik partiyasi Markaziy komiteti partiya nashriyoti bosh muharriri boʻlib ishlagan.

1931-yilda Oʻzbekiston KP (b) MQning Surxondaryo okrugida bosmachilarga qarshi kurash olib borgan. 1936-yildan boshlab Respublika radio komitetiga mudir etib tayinlanadi. 1937-yil 1-iyulda ishdan boʻshatilgan.

1938-yil 5-oktyabrda boʻlib oʻtgan SSSR Harbiy kollegiyasi sayyor sessiyasida oʻlim jazosiga hukm qilingan. Shu kuni otib tashlangan. Anqaboyning familiyasi tergov hujjatlarida „Xudoybaxtov“, „Xudoybaxitov“, „Xudoyvohidov“ tarzida qayd etiladi. Uning tugʻilgan yili ham 1903 emas, „1905“, ikki yil yoshartirib yozilgan^[2].

Xotira

1980-yillarda qatagʻon haqida tadqiqot olib borgan jurnalist Islom Usmonov nohaq qurbon boʻlgan bir qator oʻzbek ziyolilari, jumladan, Anqaboy Xudoybaxtov haqida maqolalar eʼlon qildi. Bu insonning hayoti va faoliyati haqidagi maʼlumotlarga ancha aniqlik kiritdi. Shundan soʻng Anqaboy Xudoybaxtov tugʻilib oʻsgan qishloqdagi maktabga uning nomi berilib, uy-muzeyi tashkil qilindi, xotira tadbirlari oʻtkazildi^[3]. Samarqand shahridagi ko'chalardan biriga uning nomi berilgan.

Manbalar

↑ „Shavkat Mirziyoyev jizzaxlik jadidchilarni yodga oldi“. Qaraldi: 13-sentabr 2023-yil.
↑ „Анқабой Худойбахтов ким бўлган?“ (2019-yil 4-sentyabr). Qaraldi: 2023-yil 13-sentyabr.
↑ „Anqaboy Xudoybaxtov“. Qaraldi: 13-sentabr 2023-yil.^{[sayt ishlamaydi]}

Bu maqolada boshqa til boʻlimlariga ishorat yoʻq.
Siz ularni topib va ushbu maqolaga qoʻshib, loyihaga yordam berishingiz mumkin.

[1] „Shavkat Mirziyoyev jizzaxlik jadidchilarni yodga oldi“. Qaraldi: 13-sentabr 2023-yil.

[2] „Анқабой Худойбахтов ким бўлган?“ (2019-yil 4-sentyabr). Qaraldi: 2023-yil 13-sentyabr.

[3] „Anqaboy Xudoybaxtov“. Qaraldi: 13-sentabr 2023-yil.^{[sayt ishlamaydi]}

[1]

[2]

[3]