Arsen Ablyametov

Arsen Ablyametov

Shaxsiy maʼlumot
Tavallud sanasi	1984-yil 10-avgust
Tavallud joyi	Ukraina
Ampluasi	Yarimhimoyachi

Arsen Shavkatovich Ablyametov (1984-yil 10-avgustda tugʻilgan) ukrainalik futbolchi boʻlib, „TSK-Tavriya“ jamoasining yarim himoyachisi hisoblanadi.

Biografiyasi

Klubdagi faoliyati

Simferopoldagi „Tavriya“ klubining tarbiyalanuvchisi. 2004-yil yozida „Tavriya“ning yoshlar jamoasiga qoʻshilgan. Asosiy tarkibda 2004-yil 4-oktyabrda Dnepropetrovskning „Dnepr“ jamoasiga qarshi bitta oʻyin oʻtkazgan (3:1), ushbu oʻyinda Ablyametov 72-daqiqada Denis Smirnov oʻrniga maydonga tushgan. 2005-yil yozida Yaltaning „Yalos“ jamoasiga ijaraga berilgan. Ikkinchi ligada 13 ta oʻyin oʻtkazib, 1 ta gol urgan (Melitopolning „Olkom“ jamoasiga). Jamoa bilan birga Ukraina kubogining 1/16 finaliga yetib borgan, bu bosqichda „Yalos“ qoʻshimcha vaqtda Mariupolning „Ilichevets“ jamoasiga (0:1) magʻlub boʻlgan 2007-yil fevral oyida Molodyojniyning „Krimteplitsa“ jamoasiga oʻtib, ikki yillik shartnoma imzolagan. Jamoadagi debyutini 2007-yil 20-martda Kiyevning SSKA klubiga qarshi safardagi oʻyinda (0:1) oʻtkazgan, Arsen 76-daqiqada Vitaliy Saranchukov oʻrniga maydonga tushgan.

2015-yil yozida Simferopolning TSK jamoasi futbolchisiga aylangan. Qrim Rossiyaga qoʻshib olingandan soʻng Rossiya fuqaroligini qabul qilgan.

Terma jamoadagi faoliyati

Ablyametov 2006-yilda Shimoliy Kiprda oʻtkazilgan ELF kubogi musobaqasiga murabbiy Rustem Bekirov tomonidan Qrim tatarlari terma jamoasi tarkibiga kiritilgan. Bu turnir NF-Board aʼzolari jamoalari uchun oʻtkaziladi. Guruhda Qrim tatarlari Shimoliy Kiprga yutqazib, Tojikiston va Tibetni ortda qoldirib, 2-oʻrinni egallashgan. Yarim finalda Qrim tatarlari qoʻshimcha vaqtda FIFA aʼzosi boʻlgan Qirg‘izistonni 3:2 hisobida magʻlub etishgan, bunda Ablyametov 94-daqiqada penaltidan gol urgan. Finalda esa Qrim tatarlari Shimoliy Kiprga 1:3 hisobida imkoniyatni boy berishgan.