Artak Ghulyan

Artak Ghulyan
Tavalludi	28-dekabr 1958-yil (66 yosh); Gülüstan, Ozarbayjon SSR, SSSR
Fuqaroligi	Armaniston
Kasbi	Arxitektor
Mashhur ishlari	Avliyo John Baptist cherkovi, Muqaddas Transfiguratsiya sobori, Vatche va Tamar Manukyan qoʻlyozmalari kutubxonasi
Mukofotlari	Armaniston Respublikasida xizmat koʻrsatgan meʼmor; Armaniston Respublikasi Davlat mukofoti (2013)
Veb-sayti	ghulyanarchitects.com

Artak Ghulyan (armancha: Արտակ Ղուլյան; 1958-yil 28-dekabr) – arman arxitektori va dizayneri, arxitektura fanlari doktori, dotsent va Xalqaro arxitektura akademiyasining professori^[1]. 2013-yil sentabr oyida „Armaniston Respublikasida xizmat koʻrsatgan meʼmor“ unvonini olgan. 2013-yil dekabr oyida u Muqaddas Etchmiadzin onasi qoshidagi Vatche va Tamar Manukyan qoʻlyozmalari kutubxonasi binosini loyihalashtirgani uchun „Armaniston Respublikasi Davlat mukofoti“ bilan taqdirlandi^[2]^[3].

Ghulyan koʻplab binolar va yodgorliklarining muallifi, ammo uning shon-sharafi asosan yangi arman cherkovlarining evolyutsion dizayni bilan bogʻliq^[4].

Hayoti

Artak Ghulyan 1958-yilda Ozarbayjon Sovet Sotsialistik Respublikasi tarkibidagi Togʻli Qorabogʻ avtonom viloyatidan tashqarida, koʻpchilik armanlardan tashkil topgan Shohumyan viloyatining Gülüstan qishlogʻida tugʻilgan. Uning ota-onasi qishloq maktabida oʻqituvchi boʻlgan.

1976-yilda oʻzining tugʻilib oʻsgan qishlogʻida oʻrta taʼlimni faxriy diplom bilan tugatgandan soʻng, Gʻulyan Sovet davrida Karl Marks nomidagi Politexnika instituti nomi bilan mashhur boʻlgan Armaniston Milliy arxitektura va qurilish universitetining arxitektura fakultetida tahsil olish uchun Yerevanga koʻchib oʻtgan. 1981-yilda universitetni tamomlagan.

1981-yildan 1988-yilgacha Ghulyan Politexnika institutining arxitektura fakultetida arxitektura dizayni asoslaridan dars beruvchi assistent oʻqituvchi boʻlib ishlagan. 1988—1991-yillarda Armaniston Milliy Fanlar Akademiyasi Sanʼat institutida Arxitektura boʻlimida ishlagan. 1991—1994-yillarda Ghulyan Armaniston Respublikasi Yodgorliklarni muhofaza qilish boshqarmasining Oʻrta asr yodgorliklari boʻlimi boshligʻi boʻlib ishlagan. 1994-yilda Milliy akademiyaning rassomlik institutida kishlagan. 1988—2010-yillarda Ghulyan bir vaqtning oʻzida Armaniston Milliy arxitektura va qurilish universitetining arxitektura fakultetida meʼmor nazariyasi va tarixiy obidalarni restavratsiya qilish boʻyicha maʼruzalar oʻqigan. 2002-yilda Ghulyan dotsent boʻldi, keyinroq 2006-yilda Armaniston Arxitektura va qurilish universitetida arxitektura fanlari nomzodi ilmiy darajasini oldi^[5]. Artak Ghulyan Yerevan Brusov nomidagi tillar va ijtimoiy fanlar universiteti bitiruvchisi Hasmik Stepanyanga uylangan. Ularning 2 nafar farzandi bor.