Arximed aksiomasi
Arximed aksiomasi — berilgan ikki kesmaning kichigini (A) bir necha marta takrorlab, har doim kattasidan (B) kattaroq kesma hosil qilish mumkinligi toʻgʻrisidagi aksioma. Arximed aksiomasini yuzalar, hajmlar, sonlar va boshqalarga ham tatbiq qilish mumkin. Masalan, har qanday ikki musbat son a va b uchun a*p>b tengsizlikni qanoatlantiruvchi natural son p doimo topiladi. Bu aksioma yunon matematigi Arximed tomonidan „Shar va silindr“ asarida tavsiflab berilgani uchun Otto Stols ushbu nomni bergan. Arximed aksiomasini baʼzan Yevdoks aksiomasi deb ham atashadi[1], chunki uni ilgariroq Yevdoks Knidskiy qoʻllagan. Arximed aksiomasidan miqdorlarni oʻlchashda, ikki kesmaning umumiy oʻlchovini topish va boshqa masalalarni hal qilishda foydalaniladi.
Yana qarang
[tahrir | manbasini tahrirlash]Adabiyotlar
[tahrir | manbasini tahrirlash]- OʻzME. Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |
- ↑ „Archimedean property“, Wikipedia (inglizcha), 2023-09-03, qaraldi: 2024-04-11