Kontent qismiga oʻtish

Auberge de Castille

Vikipediya, erkin ensiklopediya
Auberge de Castille
Berġa ta' Kastilja

Auberge de Kastille 2019–yilda
Umumiy maʼlumot
Maqomi Intact
Turi Auberge
Meʼmoriy uslubi Ispan barokko usuli
Joylashuvi Valletta, Malta
Koordinatalar 35°53′45″N 14°30′41″E / 35.89583°N 14.51139°E / 35.89583; 14.51139
Egasi Malta hukumati
Texnik holati
Material Tosh
Qavatlar soni 2
Dizayn va konstruksiya
Meʼmor Andrea Belli
Auberge de Castille

Auberge de Kastille (maltacha: Berġa ta' Kastilja) — Maltaning Valletta shahrida joylashgan auberge. Auberge Kastiliya maydonida, Kavalier Sent-Jeyms, Malta fond birjasi va Yuqori Barrakka bogʻlari yaqinida joylashgan. Bino Valettaning eng baland nuqtasida joylashgan, hamda Floriana va Grand Harbor hududiga qaraydi.

Tarixi

[tahrir | manbasini tahrirlash]

Auberge de Kastille 1573-74-yillarda meʼmor Jirolamo Kassar loyihasi asosida qurilgan[1][2].

Hozirgi bino 1741-1744-yillarda Buyuk Usta Manuel Pinto da Fonseka davrida ispan barokko uslubida butunlay qayta qurilgan[3]. Yangi bino Andrea Belli loyihasi boʻyicha qurilgan va qurilishni kapomastro Domeniko Kachia boshqargan[4]. Baʼzi oʻzgartirishlar, jumladan, asosiy eshikni kattalashtirish 1791-yilda amalga oshirilgan[5].

Fransiya istilosi va Britaniya hukmronligi

[tahrir | manbasini tahrirlash]
Nikolay Krasnovning 1922-yilgi rasmida tasvirlanganidek, chap tomonda Auberge de Kastilledagi signal stansiyasi bilan Grand Portning koʻrinishi.

Avliyo Ioann ordeni 1798-yilda fransuzlar bosqini tufayli Maltadan chiqarib yuborilgan. Keyinchalik auberge fransuz kuchlarining shtab-kvartirasiga aylandi[6]. Bino 1798-1800-yillardagi blokada paytida biroz zarar koʻrgan[7].

1800-yilda inglizlar Maltani bosib oldilar, shu yilning sentabr oyida Malta protektoratini yaratdilar. Bu protektorat rasman Sitsiliya Qirolligi tomonidan boshqarilgan, lekin aslida Britaniya imperiyasining bir qismi edi. 1805-yilda auberge Maltadagi Britaniya qurolli kuchlarining bosh qarorgohiga aylandi. 1813-yilda Malta Britaniya imperiyasi tarkibidagi Malta toj mustamlakasi sifatida rasman Britaniya hukmronligi ostiga oʻtdi. Auberge ingliz zobitlari uchun qarorgoh sifatida ham ishlatilgan. 1814-yilda Misr armiyasi nogiron askarlari aubergega joylashtirildi. 1840-yilda birinchi qavatdagi xonalardan birida protestant cherkovi ochildi. 1889-yilda Grand Harborda bogʻlangan Oʻrta yer dengizi flotining harbiy kemalari bilan aloqa qilish uchun tomga katta antennali signal stantsiyasi oʻrnatildi[8]. U Kastiliya minorasi sifatida tanilgan[9].

Qirolicha Yelizaveta II Auberge de Kastilleda Askarlar, dengizchilar, harbiy xizmatchilar oilalari uyushmasi bilan uchrashgan[10].

1942-yilda, Ikkinchi Jahon urushi paytida, binoning oʻng tomoni havo hujumidan zarar koʻrdi[11]. Keyinchalik shikastlangan qismlar taʼmirlandi. 1954 yildan keyin bino Malta va Liviya, shuningdek, Kipr uchun armiyaning Bosh shtab-kvartirasi sifatida ishlatilgan[12].

Mustaqil Malta

[tahrir | manbasini tahrirlash]
Birinchi qavatdagi Vazirlar Mahkamasining majlislar zali.

Mamlakat 1974-yil dekabr oyida rasman Malta Respublikasi sifatida eʼlon qilindi. 1972-yil 4‐martda Malta Bosh vazirining idorasi Auberge d’Aragondan Auberge de Kastillega koʻchib oʻtdi[13]. Bosh vazir hukumat ishlarini aubergedan turib boshqaradi[14].

Yillar oʻtib, toshdan qilingan qismlarning bir qismi parchalana boshladi va fasadlar qorayib ketdi. Bino 2009 va 2014-yillar orasida qayta tiklandi[15].

Bino 1925-yilda Vallettadagi boshqa aubergelar bilan birga antik buyumlar roʻyxatiga kiritilgan[16]. Endi u Malta Atrof-muhit va rejalashtirish boshqarmasi tomonidan 1-darajali milliy yodgorlik sifatida roʻyxatga olingan. Bundan tashqari bino Malta orollari madaniy mulki milliy inventarizatsiyasiga ham kiritilgan[17].

Auberge de Kastille kechasi

Esdalik tangalari

[tahrir | manbasini tahrirlash]
Auberge de Kastille Europride 2023 paytida

Auberge de Castille 2008-yilda Malta Markaziy banki tomonidan zarb qilingan ikkita esdalik tangalarida tasvirlangan. Tangalarning orqa tomonida bino, old tomonida esa Malta gerbi tasvirlangan[18].

Manbalar

[tahrir | manbasini tahrirlash]
  1. ↑ „Auberge de Castille et Leon“. National Inventory of the Cultural Property of the Maltese Islands (2012-yil 28-dekabr). 2016-yil 4-martda asl nusxadan arxivlangan.
  2. ↑ „The first Auberge de Castille“. angelfire.com. 2016-yil 10-martda asl nusxadan arxivlangan.
  3. ↑ „UNESCO Features: A Fortnightly Press Service“. United Nations Educational, Scientific and Cultural Organization. (1980-yil 24-fevral).
  4. ↑ „Auberge de Castille et Leon“. National Inventory of the Cultural Property of the Maltese Islands (2012-yil 28-dekabr). 2016-yil 4-martda asl nusxadan arxivlangan.
  5. ↑ „Auberge de Castille – Valletta“. Restoration Directorate. 2016-yil 1-fevralda asl nusxadan arxivlangan.
  6. ↑ „Auberge de Castille – Valletta“. Restoration Directorate. 2016-yil 1-fevralda asl nusxadan arxivlangan.
  7. ↑ „Auberge de Castille“. Office of the Prime Minister. 2008-yil 5-iyulda asl nusxadan arxivlangan.
  8. ↑ „History of Auberge de Castille“. CulturalMalta. 2013-yil 2-martda asl nusxadan arxivlangan.
  9. ↑ „History“. melitensiawth.com. Qaraldi: 2020-yil 10-fevral.
  10. ↑ Hicks Pamela (2013), „Daughter of Empire: My Life as a Mountbatten“, Simon and Schuster, p. 171.
  11. ↑ „Auberge de Castille – Valletta“. Restoration Directorate. 2016-yil 1-fevralda asl nusxadan arxivlangan.
  12. ↑ „History of Auberge de Castille“. CulturalMalta. 2013-yil 2-martda asl nusxadan arxivlangan.
  13. ↑ „Auberge de Castille“. Office of the Prime Minister. 2008-yil 5-iyulda asl nusxadan arxivlangan.
  14. ↑ „Deputat tal-PN tallega li hemm 'direct link' bejn Kastilja u l-MEPA“ (mt). iNews Malta (2016-yil 16-iyun). 2016-yil 21-iyunda asl nusxadan arxivlangan.
  15. ↑ „Last scaffolding comes down as five-year Castille restoration is completed“. Times of Malta (2014-yil 13-iyul). 2014-yil 13-noyabrda asl nusxadan arxivlangan.
  16. ↑ „Protection of Antiquities Regulations 21st November, 1932 Government Notice 402 of 1932, as Amended by Government Notices 127 of 1935 and 338 of 1939.“. Malta Environment and Planning Authority. 2016-yil 19-aprelda asl nusxadan arxivlangan.
  17. ↑ „Auberge de Castille et Leon“. National Inventory of the Cultural Property of the Maltese Islands (2012-yil 28-dekabr). 2016-yil 4-martda asl nusxadan arxivlangan.
  18. ↑ „Europa Programme 2008 with the theme of 'Cultural Heritage' – Auberge de Castille“. Central Bank of Malta. Qaraldi: 2016-yil 10-aprel. 
"https://uz.wikipedia.org/w/index.php?title=Auberge_de_Castille&oldid=5193293" dan olindi