Ayub Shahobiddinov

Ayub Shahobiddinov
Tavalludi	26-may 1977-yil (47 yosh); Toshkent, Oʻzbekiston
Fuqaroligi	Oʻzbekiston
Taʼlimi	Oʻzbekiston davlat sanʼat va madaniyat instituti
Kasbi	Rejissyor, ssenariynavis
Faoliyat yillari	2003-yildan hozirgacha
Mukofotlari	Oʻzbekiston Respublikasida xizmat koʻrsatgan madaniyat xodimi

Ayub Shahobiddinov (1977-yil 26-may, Toshkent, OʻzSSR) — oʻzbek rejissyori va ssenariynavisi. U Oʻzbekistonda xizmat koʻrsatgan madaniyat xodimi hamda Doʻstlik ordeni sohibi.^[1]

Hayoti

Ayub Shahobiddinov 1977-yil 26-mayda Toshkentda tugʻilgan. U 1999-yilda Oʻzbekiston davlat sanʼat va madaniyat institutini tamomlagan. Institutni tamomlab, Milliy teleradiokompaniyada telerejissor sifatida faoliyat olib borgan. U televideniyeda ishlab yurgan yillari Moskvadagi ssenariy va rejissorlik oliy kurslariga ariza topshiradi, shundan soʻng ikki yil davomida S.Solovyov va V.Rubinchiking mahorat darslariga qatnashadi. Kursni muvaffaqiyatli tamomlab, Shahobiddinov Oʻzbekistonga qaytib keladi va oʻz karyerasini Oʻzbekistonning yetakchi kinostudiyalaridan, Oʻzbekfilm kinostudiyasida boshlaydi.

Faoliyati

Uning „Qor qoʻynida lola“ (2003) nomli debyut filmi Toshkentda oʻtkazilgan „Ijodiy Parvoz“ xalqaro festivalida Gran-pri sovrini bilan mukofotlanadi, 2004-yilda Xalqaro Kann kinofestivalida konkursdan tashqari namoyish qilinadi. Bundan tashqari rejissorning kinoplyonkada suratga olingan ilk filmi, „Koʻrgilik“ (2005) ham „Ijodiy parvoz“ xalqaro festivalida namoyish etiladi va keyinchalik filmni Ozarbayjonning Boku shahrida oʻtkazilgan „Start“ yoshlar festivalida ham maxsus namoyish etishadi.

2007-yildan boshlab Ayub Shahobiddinovning filmlari dunyoning turli mamlakatlarida oʻtkazilgan xalqaro festivallarda ishtirok etadi. „Oʻtov“ (2007)^[2] filmi Rossiyaning Kinoshok festivalida eng yaxshi aktyor nominatsiyasi bilan, Turkiyaning Kemri shahrida „Cinemarina“ xalqaro kinofestivalida gran-pri va Toshkentda Milliy kinofestivalda gran-pri bilan mukofotlanadi. Bundan tashqari „Oʻtov“ Tojikistonning Dushanbe shahrida oʻtkazilgan „Didor“ (Wayback Machine saytida 2021-06-07 sanasida arxivlangan) xalqaro kinofestivalida maxsus hakam mukofoti bilan va „Oltin minbar“ Xalqaro Musulmon kino festivalida Turkiy kinematografiyaga qoʻshgan hissasi uchun diplom bilan mukofotlanadi. Rejissorning „Parizod“ (2012)^[3] filmi ham koʻplab xalqaro kinofestivallar ishtirokchisi va sovrindori boʻlgan. Jumladan Nyu York Yevroosiyo kinofestivali da "Eng yaxshi rejissor" nominatsiyasi bilan^[4], Rossiyada S.Bondarchuk nomidagi „Volokolamskiy rubej“ xalqaro kinofestivalida "Eng yaxshi aktrisa" nominatsiyasi bilan^[5], MDX, Latviya, Litva va Estoniya uchun Kinoshok festivalida gran-pri bilan mukofotlanadi. „Parizod“ filmi Shanxay Xalqaro Kinofestivalida maxsus namoyish etiladi. „Rangsiz tushlar“^[6]^[7](2020) psixologik dramasi Bangladesh „Cinemaking“ xalqaro kinofestivali (Wayback Machine saytida 2020-12-04 sanasida arxivlangan) da eng yaxshi ssenariy nominatsiyasi boʻyicha mukofotlanadi. Bundan tashqari ushbu film 2021-yilda "Oltin humo" milliy kinotaqdimotning "Eng yaxshi rejissorlik ishi", "Eng yaxshi bastakorlik ishi" va "Eng yaxshi ssenariy" nominatsiyalari boʻycha ham mukofotlandi.

Ayub Shahobiddinov yoshlar orasida oʻzining „Sevinch“ (2004), „Telba“ (2008), „Kechikkan hayot“ (2010), „Turist“ (2013) kabi filmlari va „Artist“ (2016-yil) sitkomi bilan ham mashxur

Filmografiya


Film	Yil	Festival	Mukofot	Davlat
Qor qoʻynida lola	2003	Ijodiy Parvoz Xalqaro festivali	Gran-pri	Oʻzbekiston
Sevinch	2004
Koʻrgilik	2005
Oʻtov	2007	Kinoshok Xalqaro festivali	Eng yaxshi aktyor	Rossiya
		Cinemarina Xalqaro kinofestivali	Gran-pri	Turkiya
		Toshkent milliy kinofestivali	Gran-pri	Oʻzbekiston
		Didor Xalqaro Kinofestivali	Maxsus hakam mukofoti	Tojikiston
		"Oltin minbar" Xalqaro Musulmon Kinofestivali	Turkiy kinematografiyaga qoʻshgan xissasi uchun
Telba	2008
Kechikkan hayot	2010	"Золотой Витязь" Xalqaro festivali	"Бронзовый Витязь" sovrini	Rossiya
Kechikkan hayot	2010	"Золотой Витязь" Xalqaro festivali	Eng yaxshi aktyor	Rossiya
Parizod	2012	Nyu York Yevroosiyo kinofestivali	Eng yaxshi rejissor	AQSh
		Volokolomskiy rubej	Eng yaxshi aktrisa	Rossiya
		Kinoshok Xalqaro kinofestivali	Gran-pri	Rossiya
Turist	2013
"Artist" sitkom	2016
Rangsiz tushlar	2020	Cinemaking	Eng yaxshi ssenariy	Bangladesh
		Oltin humo	Eng yaxshi rejissorlik ishi	Oʻzbekiston
			Eng yaxshi ssenariy
			Eng yaxshi bastakorlik ishi

Manbalar

↑ „Prezident Mustaqillik bayrami munosabati bilan bir guruh fuqarolarni mukofotladi“. Kun.uz.
↑ arxiv nusxasi, 2016-06-12da asl nusxadan arxivlandi, qaraldi: 2021-05-19
↑ https://www.amerikaovozi.com/a/parizod-ayub-shaboddinov-interview/2977617.html
↑ „arxiv nusxasi“. 2021-yil 19-mayda asl nusxadan arxivlangan. Qaraldi: 2021-yil 19-may.
↑ „arxiv nusxasi“. 2021-yil 19-mayda asl nusxadan arxivlangan. Qaraldi: 2021-yil 19-may.
↑ „arxiv nusxasi“. 2021-yil 30-yanvarda asl nusxadan arxivlangan. Qaraldi: 2021-yil 19-may.
↑ [1] (Wayback Machine saytida 2021-05-19 sanasida arxivlangan)[2]

[1] „Prezident Mustaqillik bayrami munosabati bilan bir guruh fuqarolarni mukofotladi“. Kun.uz.

[2] arxiv nusxasi, 2016-06-12da asl nusxadan arxivlandi, qaraldi: 2021-05-19

[3] ttps://www.amerikaovozi.com/a/parizod-ayub-shaboddinov-interview/2977617.html

[4] „arxiv nusxasi“. 2021-yil 19-mayda asl nusxadan arxivlangan. Qaraldi: 2021-yil 19-may.

[5] „arxiv nusxasi“. 2021-yil 19-mayda asl nusxadan arxivlangan. Qaraldi: 2021-yil 19-may.

[6] „arxiv nusxasi“. 2021-yil 30-yanvarda asl nusxadan arxivlangan. Qaraldi: 2021-yil 19-may.

[7] [1] (Wayback Machine saytida 2021-05-19 sanasida arxivlangan)[2]

[1]

[2]

[3]

[4]

[5]

[6]

[7]