Aziz Qodirov

Aziz Mavlonovich Qodirov
Shaxsiy maʼlumotlari
Tavalludi	12-oktabr 1913-yil
Vafoti	30-noyabr 1995-yil (82 yosh) Тoshkent, O‘zbekiston
Siyosiy partiyasi	KPSS
Mukofotlari

Aziz Mavlonovich Qodirov — sovet iqtisodchisi, davlat va siyosat arbobi. Sotsialistik Mehnat Qahramoni.

Biografiyasi

Aziz Mavlonovich Qodirov 1913-yilda tugʻilgan. KPSS (Sovet Ittifoqi Kommunistik partiyasi) aʼzosi hisoblangan.

Qodirov Toshkent temir yoʻl muhandislari institutini tamomlagan. 1935-yildan boshlab mamlakatdagi siyosiy, iqtisodiy va ijtimoiy sohalarda faoliyat olib borgan. Jumladan, 1935-1980-yillarda temir yoʻlda muhandis, Toshkent temir yoʻl harakat xizmati boshligʻi, Oʻzbekiston SSR avtomobil transporti xalq komissari, Toshkent temir yoʻl boshligʻi yordamchisi, boshligʻi, Oʻrta Osiyo temir yoʻli boshligʻi lavozimida faoliyat koʻrsatgan.

Aziz Mavlonovich Qodirov SSSR Oliy Kengashi Prezidiumining 1959-yil 1-avgustdagi farmoni bilan Lenin ordeni va,,Oʻroq va,,Bolgʻa" oltin medali hamda Sotsialistik Mehnat Qahramoni unvoni bilan taqdirlangan.

Shuningdek, Qodirov Oʻzbekiston SSR Oliy Soveti 2- va 9-chaqiriqlari deputati etib saylangan.

Davlat va siyosat arbobi Aziz Mavlonovich 1995-yil 30-noyabrda Toshkent shahrida vafot etgan va Chigʻatoy qabristoniga dafn etilgan.