Bekjon Toshmuhamedov

Bekjon Toshmuhamedov
Tavalludi	1935-yil 27-yanvar; Toshkent shahri
Vafoti	25-iyun 2020-yil ; (85 yoshda)
Fuqaroligi	SSSR → Oʻzbekiston
Taʼlimi	Moskva universiteti
Kasbi	Biolog
Otasi	Oybek
Onasi	Zarifa Saidnosirova
Mukofotlari	Beruniy nomidagi Oʻzbekiston Davlat mukofoti

Bekjon Oybekovich Toshmuhamedov (1935-yil 27-yanvar, Toshkent — 2020-yil 25-iyun) — biolog, biofizik olim. Oʻzbekiston Fanlar akademiyasi akademigi (1987). Biologiya fanlari doktori (1971), professor (1973). Atoqli yozuvchi Oybekning oʻgʻli.

Faoliyati

Moskva universitetining biologiya-tuproqshunoslik fakultetini tugatgan (1958), shu universitetda aspirant (1958—1961), ToshDUning biologiya-tuproqshunoslik fakultetida kichik ilmiy xodim (1962), biokimyo va biofizika kafedrasi dotsenti (1963—1965), Oʻzbekiston Fanlar akademiyasi yadro fizikasi (1965—1967) va Biokimyo instituti (1967—1985) biofizika laboratoriya mudiri. 1979—1986-yillarda ToshDU biofizika va atrof muhit muhofazasi kafedrasi mudiri. Oʻzbekiston Fanlar akademiyasi Fiziologiya institutida direktor (1985—1992), boʻlim boshligʻi (1998-yildan). Oʻzbekiston Respublikasi Oliy attestatsiya komissiyasi raisi (1992—1995). Oʻzbekiston Fanlar akademiyasi Prezidiumi aʼzosi (1995—1997).

Asosiy ilmiy ishlari biologik membranalarning hosil boʻlishi va ularning boshqaruvchanlik roli, toksinlar, gormonlar, pestitsidlar, feromonlar, defoliantlar va boshqa biologik faol moddalarning membranaga taʼsir qilish mexanizmini oʻrganishga oid. YuNESKO qoshidagi „Inson va biosfera“ milliy komiteti raisi (1998-yildan). „Oʻzbekiston biologiya jurnali“ bosh muharriri (1996-yildan). Beruniy nomidagi Oʻzbekiston Davlat mukofoti laureati (1989)^[1]^[2].

Manbalar

↑ B.A. Tashmuxamedov (biobibliografiya)., T., 1995.
↑ Aktivniy transport ionov cherez biologicheskiye membrani, T., 1973; Sintez, membranoaktivnie svoystva i biologicheskiye effektoʻ kraunefirov, T., 1987; Neyrotoksini v issledovaniyax biologicheskix membran, M., 1991.

Oʻzbekistonlik shaxsiyat haqidagi ushbu maqola chaladir. Siz uni boyitib, Vikipediyaga yordam berishingiz mumkin.

Olim haqidagi ushbu maqola chaladir. Siz uni boyitib, Vikipediyaga yordam berishingiz mumkin.

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

[1] B.A. Tashmuxamedov (biobibliografiya)., T., 1995.

[2] Aktivniy transport ionov cherez biologicheskiye membrani, T., 1973; Sintez, membranoaktivnie svoystva i biologicheskiye effektoʻ kraunefirov, T., 1987; Neyrotoksini v issledovaniyax biologicheskix membran, M., 1991.

[1]

[2]