Boʻldi xato
| „Boʻldi xato“ | |
|---|---|
| „Bolalar“ qoʻshigʻi | |
| Chiqarilgan sanasi | 2003 |
| Yozib olingan | 2003 |
| Janr | rok |
| Davomiyligi | 4:14 |
| Matn muallif(lar)i | Tohir Sodiqov |
| Bastakor(lar) | Tohir Sodiqov |
„Boʻldi xato“ — „Bolalar“ oʻzbek pop-rok guruhi ijro etgan qoʻshiq. 2003-yil eʼlon qilingan[manba kerak]. „Boʻldi xato“ guruh repertuaridagi sanoqli rok janridagi qoʻshiqlarning biridir. Qoʻshiqning soʻzini ham, kuyini ham guruh solisti Tohir Sodiqov yozgan[manba kerak]. Tarona lya major tonalligida bastalangan boʻlib, guruh gitarachisi Timur Gaynutdinov chalgan solo hamda Sodiqovning kuchli vokali bilan tinglovchilar eʼtiborini qozongan.
2020-yil guruh aʼzosi Husan Sodiqov oʻzining rasmiy YouTube kanalida „Boʻldi xato“ qoʻshigʻini guruhning 2002-yilga qadar eʼlon qilingan yetti qoʻshigʻidan iborat „12-albom“ nomli albomiga uchinchi trek oʻlaroq kiritgan[1], ammo bu taronalar 2002-yilda albom shaklida eʼlon qilinmagan, balki shunchaki singl oʻlaroq chiqarilgan.
Shuningdek, „Boʻldi xato“ qoʻshigʻi „Bolalar“ guruhining 2007-yil „iTunes“da eʼlon qilingan „The Very Best of the Fontana Years“ (tarjimasi „Fontana yillarning eng sara [qoʻshiqlari]“) terma albomiga 17-trek oʻlaroq kiritilgan[2]. Bu albom markaziy osiyolik xonanda yoki guruhning „iTunes“da eʼlon qilingan ilk albomidir. Ammo albom mualliflik huquqlari bilan bogʻliq kelishmovchiliklar tufayli 2012-yildan keyin platformadan olib tashlangan.
Manbalar
[tahrir | manbasini tahrirlash]- ↑ „"Болалар" гуруҳининг 12 чи оригинал альбоми“. YouTube (21-noyabr 2020-yil). Qaraldi: 28-avgust 2022-yil.
- ↑ „iTunes - Music - The Very Best of the Fontana Years by Bolalar (ingl.)“. Apple Music (22-yanvar 2007-yil). Qaraldi: 2012-yil 11-may.