Borisov Arena

\
	;
Joyi	Barysaw, Belarus
Koordinatalari	54°11′35″N 28°28′31″E / 54.19306°N 28.47528°E
Asos solingan	2011-2014
Qachon ochilgan	3-may, 2014-yil (10 yil avval)
Egasi	BATE Borisov
Yuzasi	Grass
Inshoot narxi	40,000,000 €
Meʼmor	OFIS Architects
Hajmi	13,126
Maydon oʻlchami	105 m × 68 m (344 ft × 223 ft)
Maydon egalari
	FC BATE Borisov (2014-); Belarus milliy futbol terma jamoasi (2014-2017; 2019)

Borisov Arenas (Belarus: Barisaoʻ-Arena, Barysaw-Arena; ruscha: Borisov-Arena) — Belarusning Borisov shahrida joylashgan futbol stadioni. FC BATE Borisov va Belarus milliy futbol terma jamoasining uy stadionidir. Stadion 13.126 nafar futbol ishqibozini oʻz bagʻriga sigʻdira oladi^[3]^[4].

Tarixi

2008-yilda BATE FK UEFA Chempionlar ligasining guruh bosqichiga chiqqan birinchi Belarus klubi boʻldi. Klubning Borisovdagi stadioni guruh bosqichi oʻyinlarini oʻtkazish boʻyicha UEFA talablariga javob bera olmadisdi. Shu bois BATE oʻz raqiblarini „Dinamo Minsk“ stadionida qabul qilishga majbur boʻlgan. Keyingi yil borisovliklar UEFA Yevropa ligasining guruh bosqichiga yoʻllanma olishdi. Klub bosh direktori Anatoliy Kapskiy UEFA talablariga javob beradigan 12-15 ming sigʻimga ega yangi stadion qurish rejasi haqida maʼlum qildi.

Stadionni loyihalashtirish ishlari Sloveniyaning „Ofis arhitekti“ nomli kompaniyasiga topshirilgan. Namuna sifatida Maribordagi „Ljudski vrt“ stadioni olingan. Loyihalashtirish ishlari 2010-yilning yozida oʻz yakuniga yetgan. Shuningdek, asosiy loyihaga qoʻshimcha ravishda taxminan 3000 m² savdo kompleksi ajratilgan. Keyinchalik loyihaga baʼzi oʻzgartirishlar kiritilgan. Borisov Arenaning qurilish jarayoni 2010-yilning 12-noyabr kuni rasman boshlangan.

Borisov Arenadagi birinchi rasmiy oʻyin 2014-yil 3-may kuni oʻtkazilgan. Ochilish bahsi 2013—2014-yilgi Belarus kubogining final oʻyiniga toʻgʻri kelgan. Final „Neman Grodno“ va „Shakhtyor Soligorsk“ klublari oʻrtasida boʻlib oʻtgan soligorskliklar 1-0 hisobida gʻalaba qozonib, kubokni qoʻlga kiritishgan. Ukrainalik yarim himoyachi Artem Starhorodskiy Borisov arena tarixidagi ilk gol muallifiga aylangan.

Belarus terma jamoasi ishtirokidagi oʻyinlar

Belarus milliy futbol jamoasi 2014-yil 4-sentyabr kuni Borisov Arenada oʻzining ilk oʻyinini oʻtkazgan. Oʻrtoqlik oʻyinida Tojikiston terma jamoasini 6-1 hisobida magʻlub etgan^[5]. Birinchi rasmiy uchrashuv 2014-yilning 9-oktyabr kuni oʻtkazilgan. Yevro — 2016 saralashi doirasida Belarus termasi 10.512 tomoshabin koʻz oʻngida Ukrainaga 0-2 hisobida magʻlub boʻlgan^[6].

Oʻyinlar roʻyxati

#	Sana	Raqib	Natija	Tomoshabinlar soni	Musobaqa
1	4-sentyabr, 2014-yil	Tojikiston	6-1	2,400	Oʻrtoqlik uchrashuvi
2	9-oktyabr, 2014-yil	Ukraina	0-2	10,512^[6]	Yevro — 2016 saralash
3	12-oktyabr, 2014-yil	Slovakiya	1-3	3,684^[7]	Yevro — 2016 saralash
4	18-noyabr, 2014-yil	Meksika	3-2	6,700	Oʻrtoqlik uchrashuvi
5	14-iyun, 2015-yil	Ispaniya	0-1	13,121	Yevro — 2016 saralash
6	8-sentyabr, 2015-yil	Luksemburg	2-0	3,482	Yevro — 2016 saralash
7	12-oktyabr, 2015-yil	Makedeniya	0-0	1,545	Yevro — 2016 saralash
8	6-sentyabr, 2016-yil	Fransiya	0-0	12,920	JCH — 2018 saralash
9	10-oktyabr, 2016-yil	Luksemburg	1-1	9,011	JCH — 2018 saralash
10	9-iyun, 2017-yil	Bolgariya	2-1	6,150	JCH — 2018 saralash
11	9-sentyabr, 2017-yil	Shvetsiya	0-4	6,431	JCH — 2018 saralash
12	7-oktyabr, 2017-yil	Niderlandiya	1-3	6,850	JCH — 2018 saralash
13	8-iyun, 2019-yil	Germaniya	0-2	12,510	Yevro — 2020 saralash
14	11-iyun, 2019-yil	Shimoliy Irlandiya	0-1	5,250	Yevro — 2020 saralash