Br'er Rabbit

Br'er Rabbit
Br'er Rabbit va Tar-Baby. E. W. Kemble chizgan rasm (1904)
Ilk bora koʻringan	XIX asr
Muallif(lar)	Xalq ijodi; shuningdek, Robert Roosevelt, Joel Chandler Harris, Alcée Fortier
Ovoz bergan(lar)	Johnny Lee („Song of the South“ va „Mickey Mouse's Birthday Party“) James Baskett („Song of the South“ filmining kadrlaridan birida) Art Carney („Walt Disney's Song Parade from Disneyland“) Dallas McKennon (audioyozuvlarda) Jess Harnell (1989–bugunga qadar) Nick Cannon („The Adventures of Brer Rabbit“)
Umumiy maʼlumotlar
Taxalluslari	Riley, Compair Lapin
Turi	Quyon
Jinsi	Erkak
Tabaqasi	Trikster

Br'er Rabbit (/ˈbrɛər/; inglizcha „Brother Rabbit“ jumlasining qisqartirilgan versiyasi boʻlib, ayrim manbalarda Brer Rabbit oʻlaroq yozilgan) — badiiy qahramon. AQSH janubiyda yashovchi afroamerikaliklar, shuningdek, Antil orollarida yashovchilar ogʻzaki ijodidagi muhim personajlarning biri.

Br'er Rabbit kuch emas, aql bilan ish koʻradigan trikster oʻlaroq tasvirlanadi. U oʻz nazdida asossiz boʻlgan odob-axloq meʼyorlariga qarshi chiqadi. Br'er Rabbit haqidagi matal va ertaklar bir necha toʻplamga kiritilgan boʻlib, XIX asrda Joel Chandler Harris tuzgan toʻplam keng tanilgan. Ushbu qahramon asosida bir necha film, jumladan, „Walt Disney Productions“ shirkati tomonidan „Song of the South“ (1946) filmi suratga olingan.

Br'er Rabbit va u haqidagi matal va ertaklar Sovet Ittifoqida ham ommalashgan. Bunga ingliz tilini oʻrganayotgan oʻrta maktab oʻquvchilari uchun Lev Xvostenko tuzgan „Brother Rabbit, His Friends and Enemies“ (ruscha: Братец Кролик, его друзья и враги) nomli toʻplam turtki boʻlgan. Ushbu toʻplam ilk bor 1953-yil Moskva hamda Leningrad shaharlarida „Uchpedgiz“ nashriyotida chop etilgan, bir necha marta qayta nashr qilingan.