Bugatti Vision Gran Turismo
| Bugatti Vision Gran Turismo | |
|---|---|
 Xalqaro avtomobil festivali (2016-yil) | |
| Tashqi koʻrinishi | |
| Ishlab chiqaruvchisi | Bugatti |
| Ishlab chiqarish | 2015 |
| Assambleya | Molsheim, Alsace, Fransiya |
| Dizayneri |
|
| Avtomobil tartibi | Oʻrta dvigatel, toʻrtala gʻildirak quvvati |
| Quvvat oʻtkazgich | |
| Dvigateli | 8.0 L (488 cu in) toʻrtta turbo quvvatlagich W16 |
| Quvvati |
|
| Harakat uzatish mexanikasi | 7 pogʻonali juft tutashuvli uzatmalar qutisi |
| Oʻlchamlari | |
| Curb | 1,724 kg (3,800 lb) |
| Xronologiyasi | |
| Hozirgi modellari | Bugatti Chiron |
Bugatti Vision Gran Turismo - Bugatti tomonidan Fransiyaning Molsheim, Alsace shaharlarida ishlab chiqarilgan bir o‘rindiqli konseptual avtomobil. Avtomobil #imaginEBugatti deb nomlangan tizer treyleri chiqqanidan bir oy o‘tib, 2015-yil Frankfurt Motor Showda taqdim etilgan[1]. Avtomobil Vision Gran Turismo loyihasi doirasida qurilgan va ko‘rinishi Bugatti Chiron dizaynidan ilhomlanib yaratilgan. Mashinaning rang sxemasi 1937-yilda Le Mansda g‘olib chiqqan Bugatti Type 57 poygachisiga asoslangan. Faqat bir dona Vision Gran Turismo mavjud[2]. Avtomobilning narxi 5 160 000 AQSH dollaridan 18 000 000 AQSH dollarigacha baholanmoqda[3].
Xususiyatlari
[tahrir | manbasini tahrirlash]
Achim Anscheidt, Sasha Selipanov, Etienne Salome va Frank Heyl tomonidan ishlab chiqilgan Vision Gran Turismo yo‘l avtomobili va Le Mans prototipining ko‘rinishini birlashtirgan ikki eshikli konsept avtomobil. Turismo Vision Gran Turismo loyihasi tarkibiga kiradi[4]. Vision Gran Turismo 8,0 litrli to‘rt turbo quvvatlagichga ega, W16 dvigatelini o‘z ichiga oladi. Eng yuqori tezlik haqiqiy aylanma yo`lda hisoblanmagan, lekin virtual Circuit de la Sarthe simulyatoridan foydalangan holda hisoblangan taxminiy maksimal tezlik 447 km/h (278 mph) ga teng[5][6]. Turismoda yetti pog‘onali juft tutashuvli uzatmalar qutisi qo‘llanilgan, u barcha to‘rtta g‘ildirakka ham quvvat yetkazib beradi. Shuning uchun, Vision Gran Turismo to‘rtala g‘ildirak quvvatiga ega avtomobil hisoblanadi. Avtomobilni ishlab chiqarishda Bugatti Chiron shassisidan foydalanadi. Shuningdek, avtomobil kuzovi uchun uglerod tolali konstruksiya va mustaqil suspenziyadan foydalanilgan. Ko‘pgina aerodinamik xususiyatlar: birinchi navbatda Vision Gran Turismo korpusi bo‘ylab qoplangan uglerod tolasi, Le Mans prototipi uslubidagi akula suzgichi, faol orqa qanot, katta old bo`lak, yon havo qabul qilish, bir nechta NACA kanallari va Deutsche Tourenwagen Masters uslubidagi havoni kesuvchi qismlari mavjud[7][8].
Egalik
[tahrir | manbasini tahrirlash]Vision Gran Turismoning servis xizmati 20 000 AQSH dollariga va bitta qo‘shimcha shinalar to‘plami egasiga 93 000 AQSH dollariga tushadi[3]. Shuningdek, Vision Gran Turismo foydalanuvchining qo‘llanmalari, kalitlari va qismlari uchun qutini o‘z ichiga oladi. Bundan tashqari, unda g‘ildirak markaziy qulf gaykasini olib tashlagich, izolyatsiyalangan kabellar, to‘rtta masofaviy kalitlar (suspenziya sozlanishi uchun ikkita kalit, chiroqlar va spoyler sozlanishi uchun ikkita kalit) va antenna bo‘lagi mavjud[9]. Vision Gran Turismo taqdim etilganidan beri dunyoda faqat ikki kishi unga egalik qiladi. Avtomobil dastlab Saudiya Arabistoni shahzodasi Badr bin Saud tomonidan yashirin taklif orqali Vision Gran Turismo bilan bir xil rang sxemasini o‘z ichiga olgan, Bugatti Chiron bilan birga sotib olingan[10]. Keyinchalik, mashina Tilliys kompaniyasi rahbari va kompaniyaning strategik ishlar bo`yicha xodimi Hezy Shakedga sotilgan[2].
Media
[tahrir | manbasini tahrirlash]Vision Gran Turismo Polyphony Digital o‘yinida "Gran Turismo Sport" X guruhi avtomobili (Vision Gran Turismo loyihasi avtomobillari va o‘yinning boshqa toifalariga mos kelmaydigan avtomobillar uchun ishlab chiqilgan guruh) va 1-guruh avtomobili (prototip poyga mashinalari uchun ishlab chiqilgan guruh) sifatida taqdim etilgan[5]. U yana Gran Turismo 7 da Group 1 versiyasi bilan birga paydo bo‘ldi. "Grand Theft Auto Online" da soxta Truffade Nero Custom dizayni belgilari Vision GT ga asoslangan. Vision Gran Turismo 2021-yilgi Yangi yil yangilanishining bir qismi sifatida "Asphalt 8: Airborne" ga ham qo‘shildi. Biroq, oxir-oqibat Gameloft va Polyphony Digital o‘rtasidagi litsenziyaga oid kelishmovchiliklar tufayli 2023-yilgi Hellouin yangilanishida olib tashlandi.
Manbalar
[tahrir | manbasini tahrirlash]- ↑ Bugatti (2015-08-13), #imaginEBugatti, qaraldi: 2017-11-22
- ↑ 2,0 2,1 „Saudi Prince buys Bugatti Chiron and Vision Gran Turismo“ (en). Qaraldi: 2017-yil 11-yanvar.
- ↑ 3,0 3,1 „Set Of Spare Tires For The Bugatti Vision GT Cost $93,000“ (en). Motor1.com. Qaraldi: 2017-yil 22-noyabr.
- ↑ Bugatti (2015-10-05), Making of the Bugatti Vision Gran Turismo, qaraldi: 2017-11-21
- ↑ 5,0 5,1 „Bugatti Vision Gran Turismo - gran-turismo.com“ (en-US). gran-turismo.com. Qaraldi: 2017-yil 21-noyabr.
- ↑ „This is the Bugatti Vision Gran Turismo with 250mph top speed“ (en-US). BMW BLOG (2015-yil 18-sentyabr). Qaraldi: 2017-yil 21-noyabr.
- ↑ „Bugatti Pictures | Photo Gallery | Car and Driver“ (en). Car and Driver. Qaraldi: 2017-yil 21-noyabr.
- ↑ „This is the Bugatti Vision Gran Turismo, and it'll do 250mph+“ (en). www.topgear.com. Qaraldi: 2017-yil 22-noyabr.
- ↑ TheStradman (2017-11-01), Meet the new owner of the BUGATTI VISION GRANTURISMO!!!, qaraldi: 2017-11-22
- ↑ „Bugatti Chiron and Vision GT Sold to this Guy for How Much?“ (en-US). Autofluence (2016-yil 1-sentyabr). Qaraldi: 2017-yil 22-noyabr.