Bxaratendu Xarishchandra

Bxaratendu xarishchandra (1850—Banoras—1885) — hind yozuvchisi, dramaturg. Zamonaviy hind adabiyoti asoschilaridan biri. U 13 yoshida "Ramayana"dyalh parchalarni (sanskritchadan hindchaga) tarjima qilgan. "Vidyasundar" (1868), "Adolatli Xarishchandra" (1874) asarlari sanskritchadan qilingan ilk erkin tarjimalari edi. B. X. "Sevgi maftuni" (1875), "Chandravali" (1876), "Xindiston musibati" (1880), "Ostinustun shahar" (1881) kabi asarlari bilan zamonaviy hind dramaturgiyasiga asos soldi, uni mumtoz dramalarga ijodiy yondashgan holda, zamonaviy mavzu va gʻoyalar bilan boyitdi. B. X. teatrlar tashkil etib, oʻzi ham rejissorlik, ham aktyorlik qilgan. Uning asarlari, adabiytanqidiy maqolalari vatanparvarlik ruhi, bosqinchilarga nafrat gʻoyalari bilan sugʻorilgan. Ijodi 19-asr 2-yarmi hind adabiyoti taraqqiyotiga sezilarli taʼsir etgan.