Dilorom Ergasheva

Dilorom Ergasheva
Tavalludi	1967-yil Namangan viloyati Uchqoʻrgʻon tumani
Taxallusi	DILOROM
Ijod qilgan tillari	oʻzbek, turk tillari
Fuqaroligi	Oʻzbekiston SSR→ SSSR
Taʼlimi	OʻzMU
Yoʻnalish	gʻazalnavis
Janr	nazm
Mukofotlari	Doʻstlik ordeni
Turmush oʻrtogʻi	Abdulla Jabbor
Bolalari	2 nafar (1 oʻgʻil, 1 qiz)

Dilorom Ergasheva— Oʻzbekiston Yozuvchilar uyushmasi aʼzosi, shoira (DILOROM taxallusi bilan sheʼrlar yozadi) 1967-yil Namangan viloyati Uchqoʻrgʻon tumanida tugʻilgan. Namanganda joylashgan „Mashrab“ nashriyoti muharriri sifatida faoliyat olib bormoqda. Namangan adabiy muhitining yetuk namoyondasi Abdulla Jabbor bilan turmush qurgan, ikki nafar farzandi (1 oʻgʻil, 1 qiz) bor. Oʻzbek adabiy olamiga qoʻshgan hissasi yuqori baholanib, 2022-yil 5-mart kuni Oʻzbekiston Respublikasi Prezidentining Farmoniga binoan Doʻstlik ordeni bilan taqdirlangan. Oʻzbekistonlik Mehrinoz Abbosova, Shahriyor Shavkat, Anvar Botir, Nigora Muhammad singari yosh ijodkorlarning ustozi sifatida adabiyot ixlosmandlari orasida alohida mashhurlikka erishgan. Abdulla Oripov, Erkin Vohidov, Botirjon Ergashev, Mirzo Kenjabek, Sirojiddin Sayyid bilan hamkorlikda faoliyat olib borgan. Uning sheʼrlari Shuhrat Daryo, Orifjon Ergashev tomonidan qoʻshiqqa aylangan. Uning sheʼrlari turk, fors, hind, ingliz tillariga tarjima qilingan.

Adabiyotlar

H.Homidiy, M.Ma'murov „Namangan adiblari“. Oʻzbekiston Respublikasi Fanlar akademiyasi „Fan nashriyoti“-Toshkent, 2007-yil. 268-bet