Dilshod Turdiyev
| Dilshod Turdiyev | |
|---|---|
| Shaxsiy maʼlumotlari | |
| Fuqaroligi |
 Oʻzbekiston |
| Tavallud sanasi |
19-oktyabr 1991-yil Fargʻona, Fargʻona viloyati, Oʻzbekiston |
| Boʻyi | 178 |
| Vazni | 75 |
| Sport | |
| Qaysi sport | yunon-rum kurashi |
Dilshod Shermahammadovich Turdiyev (tugʻ. 19-oktyabr 1991-yil, Fargʻona, Fargʻona viloyati, Oʻzbekiston) — yunon-rum uslubidagi oʻzbek kurashchisi, Oʻzbekiston terma jamoasi aʼzosi. Ikki karra Osiyo chempionati sovrindori, Osiyo oʻyinlari sovrindori, XXXI yozgi Olimpiya oʻyinlari ishtirokchisi.
Martaba
[tahrir | manbasini tahrirlash]2002-yilda Qahramon Ibragimov boshchiligida „Dinamo“ sport jamiyatida shugʻullana boshladi[1]. 2008-yilda kadetlar oʻrtasida Osiyo chempioni, 2011-yilda esa oʻsmirlar oʻrtasidagi Osiyo chempionati kumush medali sovrindori boʻldi.
2010-2014-yillarda Oʻzbekiston Jismoniy tarbiya instituti (hozirgi Oʻzbekiston davlat jismoniy tarbiya va sport universiteti)da tahsil olgan[2].
2012-yilda qitʼa saralash turnirida 66 kg vazn toifasida Tayyuan (Xitoy) shahrida boʻlib oʻtadigan XXX yozgi Olimpiya oʻyinlariga litsenziya olishga urinib koʻrdi, biroq saralash bahslarida magʻlub boʻldi[3].
2014-yilda Ostona (Qozogʻiston) shahrida oʻtkazilgan kurash boʻyicha Osiyo chempionatida 71 kilogrammgacha boʻlgan vazn toifasida 1/8 finalda yaponiyalik Tsutomu Fujimurani magʻlubiyatga uchratgan, ammo keyingi bosqichda qozogʻistonlik Qayrat Tugolboyevga yutqazib qoʻygandi[4]. Oʻsha yili Toshkentda oʻtkazilgan kurash boʻyicha jahon chempionatida u birinchi davrada latviyalik kurashchi Kristaps Kalnakarklisni 6:0 hisobida magʻlub etgan boʻlsa, keyingi bosqichda armanistonlik Varsham Boranyanga 10: 2 yutqazib qoʻydi. Inchxon shahrida (Koreya Respublikasi) boʻlib oʻtayotgan Yozgi Osiyo oʻyinlarida vazni 71 kilogrammgacha boʻlgan polvonlar finalida koreyalik kurashchi Chon Jixyunga 9:0 hisobida imkoniyatni boy berib, turnirning kumush medalini qoʻlga kiritdi. 2014-yil oxirida Birlashgan Jahon Kurash tashkiloti maʼlumotlariga koʻra kurashchilar reytingida u toʻqqizinchi oʻrinni egalladi[5].
2015-yilda Doʻha (Qatar) shahrida oʻtkazilgan kurash boʻyicha Osiyo chempionatida 75 kilogrammgacha boʻlgan vazn toifasida u yarim finalda koreyalik Olimpiada chempioni polvon Xyon Vu Kimga yutqazib, bronza medalini qoʻlga kiritdi[6].
2016-yilda Ostona shahrida (Qozogʻiston) boʻlib oʻtgan Yozgi Olimpiya oʻyinlarining qitʼa saralash turnirida 75 kilogrammgacha vazn toifasida u yana finalda koreyalik kurashchi Xyon Vu Kimga yutqazib qoʻydi, ammo Rio-de-Janeyroda (Braziliya) Olimpiada oʻyinlariga litsenziyani qoʻlga kiritdi[7].
Bangkok shahrida (Tailand) oʻtkazilgan kurash boʻyicha Osiyo chempionatida 75 kilogrammgacha boʻlgan vazn toifasida finalda jahon chempionati sovrindori qozogʻistonlik kurashchi Dosjan Kartikovga yutqazib qoʻydi[8]. Yozgi Olimpiada oʻyinlarida u ikkinchi davrada serbiyalik kurashchi Viktor Nemesh bilan uchrashdi, ammo keskin kurashda hakamlar qaroriga koʻra magʻlub boʻldi.
2017-yili Nyu Dehli (Hindiston) shahrida oʻtkazilgan kurash boʻyicha Osiyo chempionatida 75 kilogrammgacha boʻlgan vazn toifasida u bor-yoʻgʻi sakkizinchi oʻrinni egalladi. 2018-yilda u sport karerasini yakunladi.
Manbalar
[tahrir | manbasini tahrirlash]- ↑ „International Wrestling Database“. www.iat.uni-leipzig.de. Qaraldi: 2021-yil 14-avgust.
- ↑ „ZiyoNET › Деятели › Турдиев Дилшод Шермахаммадович“. web.archive.org (2017-yil 22-dekabr). 2017-yil 22-dekabrda asl nusxadan arxivlangan. Qaraldi: 2021-yil 14-avgust.
- ↑ „International Wrestling Database“. www.iat.uni-leipzig.de. Qaraldi: 2021-yil 14-avgust.
- ↑ „Wayback Machine“. web.archive.org (2015-yil 24-sentyabr). 2015-yil 24-sentyabrda asl nusxadan arxivlangan. Qaraldi: 2021-yil 14-avgust.
- ↑ „Семь борцов из Узбекистана вошли в мировой рейтинг лучших в 2014 году“ (ru). Podrobno.uz. Qaraldi: 2021-yil 14-avgust.
- ↑ https://uww.org/sites/default/files/media/document/event/results/results_05_doha_0.pdf
- ↑ „Борец Дильшод Турдиев получил лицензию на Олимпиаду“ (ru-UZ). Газета.uz (2016-yil 20-mart). Qaraldi: 2021-yil 14-avgust.
- ↑ https://uww.org/sites/default/files/media/document/event/results/bangkok-cover.pdf