Doʻstmirat Abdullayev
| Doʻstmirat Abdullayev | |
|---|---|
| Tavalludi |
6-avgust 1950-yil |
| Fuqaroligi |
 Oʻzbekiston |
| Taʼlimi | Samarqand qishloq xoʻjaligi instituti |
| Kasbi | Agronom |
| Dini | Islom |
| Turmush oʻrtogʻi | Jongul Abdullayeva |
| Mukofotlari |
 |
Doʻstmirat Abdullayev (1950-yil, 6-avgust; Samarqand viloyati, Paxtachi tumani) – Oʻzbekiston qahramoni[1], agronom.
Tarjimai holi
[tahrir | manbasini tahrirlash]Doʻstmirat Abdullayev 1950-yilning 6-avgust kuni Samarqand viloyati Paxtachi tumanida tugʻilgan[2]. 1968-yilda Samarqand viloyatidagi qishloq xoʻjaligini mexanizatsiyalash texnikumiga qabul qilingan. 1971-yilda texnikumni tamomlagach, harbiy xizmatga chaqiriladi. Harbiy xizmatdan qaytgach Paxtachi tumanidagi Roʻziqul Maxmanov jamoa xoʻjaligida mexanik, keyinchalik hudud agronomi boʻlib ishlagan. 1980-yillarning oʻrtalarida R.Maxmanov jamoa xoʻjaligida gʻallachilik brigadasi boshligʻi lavozimida ishlaydi. Bundan tashqari Samarqand qishloq xoʻjaligi institutining sirtqi boʻlimga oʻqishga qabul qilingan. D.Abdullayev 2000-yilda oʻzi faoliyat yuritayotgan jamoa xoʻjaligi raisligiga tayinlanadi. Bu vazifada 2008-yilga qadar mehnat qiladi. U 2008-yilda „Abdullayev Doʻstmirat Sultonovich“ fermer xoʻjaligini tashkil qiladi. Ushbu fermer xoʻjalik 70 gektar yerga egalik qiladi va qishloq xoʻjaligi mahsulotlarini yetishtiradi.
Oilasi
[tahrir | manbasini tahrirlash]Doʻstmirat Abdullayev oilali. Turmush oʻrtogʻi Jongul Abdullayeva. Ularning yetti farzandi bor.
Mukofotlari
[tahrir | manbasini tahrirlash]- Oʻzbekiston qahramoni (1999-yil)[3][4].
Manbalar
[tahrir | manbasini tahrirlash]- ↑ „Dehqon hayotning ustuni“. oz.sputniknews.uz (2017-yil 10-dekabr). Qaraldi: 30-iyun 2024-yil.
- ↑ Muhammad Ali, Rahmon Qoʻchqor 2021, s. 204.
- ↑ „Ўзбекистон Қаҳрамонлари кимлар?“. 2023-yil 27-sentyabrda asl nusxadan arxivlangan. Qaraldi: 27-sentabr 2023-yil.
- ↑ Oʻzbekiston Qahramonlari. Toshkent, "Adabiyot" nashriyoti, 2022 — 46-bet.
Adabiyotlar
[tahrir | manbasini tahrirlash]Muhammad Ali, Rahmon Qoʻchqor va boshqalar. Oʻzbekiston qahramonlari. Toshkent: Adabiyot, 2021 — 216-bet. Qaraldi: 11-avgust 2023-yil.