Emil Gilels

Emil Grigoryevich Gilels [1916.6(19).10, Odessa -1985, Moskva] —atoqli pianinochi va pedagog. Odessa konservatoriyasi (1935).hamda Moskva konservatoriyasining Oliy mahorat maktabini (1938) tugatgan. Vir necha xalqaro pianinochilar tanlovining gʻolibi (Moskva, 1933; Vena, 1936; Bryussel, 1938). 1938-yildan Moskva konservatoriyasida oʻqituvchi, 1952-yildan professor Noyob mahorat, mukammal texnikasi, 50 yildan ziyod davom etgan konsert faoliyati tufayli Gilels 20-asrning eng mashhur virtuoz ijrochilari qatoridan oʻrin olgan. Ijro uslubiga kuchli his-hayajon, chuqur mazmun, asarlariga yangicha talqin bilan yondashish xos. Amerika, Yevropa va Osiyo mamlakatlarida, jumladan Oʻzbekistonda ham bir necha marta gastrolda boʻlgan. Londondagi Qirol musika akademiyasi, Budapeshtdagi F. List nomidagi musiqa akademiyalarining faxriy aʼzosi.^[1]^[2]

Manbalar

↑ "Gilels Emil Grigoryevich" OʻzME. G-harfi Birinchi jild. Toshkent, 2000-yil
↑ Jean-Pierre Thiollet, 88 notes pour piano solo, "Solo nec plus ultra", Neva Editions, 2015, p.50. ISBN 978 2 3505 5192 0.

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Ushbu maqola chaladir. Siz uni boyitib, Vikipediyaga yordam berishingiz mumkin.
Bu andozani aniqrogʻiga almashtirish kerak.

[1] "Gilels Emil Grigoryevich" OʻzME. G-harfi Birinchi jild. Toshkent, 2000-yil

[2] Jean-Pierre Thiollet, 88 notes pour piano solo, "Solo nec plus ultra", Neva Editions, 2015, p.50. ISBN 978 2 3505 5192 0.

[1]

[2]