Fedor Chuprunov

Fedor Timofeyevich Chuprunov (1916 — 1984) — Sovet iqtisodiy, davlat va siyosiy arbobi sanaladi.

Biografiyasi

U 1916-yilda Goldino qishlog‘ida tug‘iladi. 1942-yildan esa SIKP (Sovet ittifoqi kommunistik partiyasi) a’zosi.

Fyodor Chuprunov 1933-yildan — iqtisodiy, ijtimoiy va siyosiy ishlar faoliyat olib boradi. U 1933—1946-yillarda — shaxta muhandisi, "Stalintog‘ko‘mir" tresti zavodi boshlig‘ining o‘rinbosari, Ulug‘ Vatan urushi qatnashchisi, bo‘linmaning siyosiy yo‘riqchisi, qo‘shin qo‘mondoni, batalon qo‘mondoni, "Donko‘mir" shaxta trestining BKP (Butunittifoq kommunistik partiyasi) partiya tashkilotchisi; SIKP Don okrug qo‘mitasi (Tula viloyati) birinchi kotibi, O‘zbekiston Kompartiyasi Surxondaryo viloyat qo‘mitasi sanoat va transport bo‘limi mudiri, Surxondaryo viloyat ijroiya qo‘mitasi raisining birinchi o‘rinbosari, “Surxonsovxozsuvqurilish” tresti boshlig‘i , O‘zbekiston SSR suv xo‘jaligi davlat qo‘mitasining rejalashtirish bo‘limi boshlig‘i lavozimlarida ishlaydi.

Fyodor Chuprunov 7-chaqiriq O‘zbekiston SSR Oliy Kengashi deputati etib saylanadi.

U 1984-yilda Toshkentda vafot etadi.

Havolalar