Ferdinand Vrangel

Ferdinand Petrovich Vrangel (1797, Pskov – 1870, Tartu) — rus dengiz sayyohi, admiral, Peterburg fanlar akademiyasining faxriy aʼzosi (1855 yildan). Rossiya geogr. jamiyatining muassislaridan biri. 1817–19 yillarda "Kamchatka" kemasida dunyo aylanasi boʻylab suzishda qatnashgan. 1820–24 yillarda Kolima ekspeditsiyasiga boshchilik qilgan. Ekspeditsiya Sibir sohilining Indigirka daryosidan Kolyuchi qUltiqchasigacha boʻlgan qismini tavsifladi va haritaga tushirdi, tabiiy boyliklari va xalqlari haqida maʼlumotlar toʻpladi. Chukotka dengizi sharqidagi orolning (keyinchalik Vrangel nomiga qoʻyilgan) Urnini aniqladi. 1825–27 yillarda dunyo aylanasi buylab suzgan ekspeditsiyaga rahbarlik qilgan. 1829–35 yillarda Amerikadagi rus qishloqlarini boshqargan. 1835–57 yillarda dengiz ishlari vaziri. 1864 yilda isteʼfoga chiqqan. Vrangel nomiga Alyaska yarim oroldagi togʻ va burun qoʻyilgan.