Galgochi

Galgochi – “galagovchi” atamasining fonetik transformatsiyaga

uchragan koʻrinishi. Buxoro amirligi devonxonasi hujjatlarida

“galgochi” (گلگاچی) tarzida uchraydi. Ma’nosi “sigirlar toʻdasi”.

Bugʻdoy yanchishda bir-biriga matashtirilgan, ya’ni boʻynidan ip

oʻtkazib bogʻlangan hayvonlar toʻdasiga “galagov” deyilgan. Bu

turdagi mehnat jarayoni mahalliy aholi tilida “hoʻp” deb ataladi.

“Hoʻp”da eshaklardan koʻp foydalanilgan. Qishloq xoʻjaligi texnikasi

takomillashgandan soʻng, bunday mehnat tadbiri texnika vositasida

amalga oshiriladigan boʻldi. Hozirda unut boʻlib ketgan.

Manbalar:

Halim To`rayev: "Buxoro toponimikasi" Buxoro-2021