Gʻuriylar
(G'uriylardan yoʻnaltirildi)
Gʻuriylar — Suriylar xonadoniga mansub Gʻur sultonlari sulolasi (1148— 1206). Aka-uka Gʻiyosiddin Muhammad (1162—1203) va Shihobiddin (Muʼiziddin yoxud Muhammad Gʻuriy; 1203— 06) davrida Gʻ. hozirgi Afgʻonistonning deyarli barcha hududini, shuningdek, Hindistonning Sind, Panjob, Banoras va boshqa viloyat va shaharlarini bosib olgan. Gʻuriylar davlatining markazi Gʻur viloyati, poytaxt shaharlari feruzkoʻh va Gʻazni boʻlgan. Xorazmshohlar davlati bilan kurashga kirishgan Gʻuriylar tor-mor keltirilgan, ularning davlati esa parchalanib ketgan (1206).
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |