Georgiy Mustafin

Georgiy Arkadyevich Mustafin
Tugʻilgan sanasi	1938-yil 24-sentabr
Tugʻilgan joyi	Xitoy Respublikasining Xarbin shahri yaqinida
Vafot sanasi	2015-yil 25-iyul (76 yosh)
Vafot joyi	Toshkent, Oʻzbekiston
Fuqaroligi	SSSR → Oʻzbekiston
Kasbi	Rejissyor
Teatr	Oʻzbekiston yoshlar teatri
Mukofotlari

Georgiy Arkadyevich Mustafin (1938-yil 24-sentabr, Xarbin yaqinida, Xitoy Respublikasi — 2015-yil 25-iyul, Toshkent, Oʻzbekiston) — sovet va oʻzbek teatr aktyori va postonovkachi-rejissyori, Oʻzbekiston SSRda xizmat koʻrsatgan artist (1979-yil).

Biografiyasi

Ziyoli oilada tugʻilgan, ota-onasi koʻmir konlarida ishlashga majbur boʻlgan. 1953-yilda oilaga Sovet Ittifoqiga qaytishga ruxsat berilgan.

Oʻrta maktabni tugatgach, u qatagʻonga uchragan aktyorlar orasidan tuzilgan Krasnoyarsk oʻlkasining Kansk drama teatriga keladi va u besh yil davomida sahnada oʻynadi. Keyin Ostrovskiy nomidagi Toshkent teatr va rassomlik institutini tamomlagan. 1968-yildan — Toshkent rus yoshlar teatrida (Oʻzbekiston yoshlar teatri) ishlagan.

Rejissyor sifatida yetmishdan ortiq spektakllarni sahnalashtirgan. Ular orasida: „Oldinga qarovchi“, „Malaxovni toʻxtating“, „RVS“, „Taʼqib“, „Barabanchi“, „Kalif-Laylak“, „Qor malikasi“, „Qizil gul“, „Etik kiygan mushuk“, „Uch choʻchqa bolalari“, „Teremok“, „Funtikning sarguzashtlari“, „Zolushka“, „Dyuymacha“ va boshqalar. „Tungi ertak“ spektakli Polsha dramaturgiyasi festivalining Diplom va 1-mukofoti bilan taqdirlangan. Yana bir spektakl — „Toʻrt egizak“ Bolgar dramaturgiya festivalida yuqori baholangan.

Koʻp yillarini kam taʼminlangan oʻsmirlar bilan ishlashga bagʻishlagan. Zangiota shahridagi axloq tuzatish koloniyasida „Yalangʻoch podshoh“, „Revizor“, „Fahrlanaman“ spektakllarini qoʻygan.

Oʻzbekiston Respublikasi Bolalar jamgʻarmasi boshqaruvi aʼzosi, Mehribonlik uylari bitiruvchilarini internatdan keyingi moslashtirish loyihasi rahbari boʻlgan.

Mukofotlari va unvonlari

Pushkin medali (2010-yil 24-dekabr, Rossiya) — chet elda rus madaniyatini saqlash va ommalashtirishga qoʻshgan katta hissasi uchun.
Oʻzbekiston SSRda xizmat koʻrsatgan artist (1979-yil).
Oʻzbekiston SSR xalq taʼlimi aʼlochisi (1988-yil).
Chet eldagi vatandoshlar ishlari boʻyicha hukumat komissiyasining Faxriy diplomi (2009-yil).

Manbalar

• http://mtu.uz/ru/g-mustafin.html (Wayback Machine saytida 2016-03-04 sanasida arxivlangan)
• http://mtu.uz/ru/51-novosti/495-v-pamyati-navsegda.html (Wayback Machine saytida 2022-12-05 sanasida arxivlangan)