Giancarlo Antognoni

Vikipediya, ochiq ensiklopediya
Giancarlo Antognoni
Shaxsiy maʼlumot
Toʻliq ismi Giancarlo Antognoni
Tavallud sanasi 1-aprel, 1954-yil
Tavallud joyi Marsciano, Italiya
Boʻyi 1.77 m
Ampluasi Hujumkor yarimhimoyachi
Professional faoliyati*
Yillar Jamoa Isht. (Gol.)
—1970—1972
1972—1987
1987—1989		 Asti
Fiorentina
Lausanne-Sport		 (27 (4)
241 (61)
51 (7)
419 (72))
Milliy terma jamoa
1974—1983 Italiya (73 (7))
*Professional klublardagi gollari (ichki chempionat)

Giankarlo Antognoni (1954-yil 1-aprelda tug'ilgan) - yarim himoyachi sifatida o'ynagan italiyalik sobiq professional futbolchi. Mohir va yaratuvchan hujumkor pleymeyker, o'z pozitsiyasida barcha davrlarning eng yaxshi italyan o'yinchilaridan biri sifatida e'tirof etilgan,[1] u klubdagi faoliyatining ko'p qismini Fiorentina tarkibida o'tkazgan va u yerda 1975-yilda Italiya Kubogi va Angliya-Italiya ligasi kubogini yutgan.[2] Xalqaro miqyosda u Italiya terma jamoasi bilan 1982-yilgi Jahon chempionatida g'olib chiqdi, shuningdek, 1978-yilgi FIFA Jahon kubogida va 1980-yilgi UEFA Yevropa chempionatida o'z mamlakatini himoya qildi va ikkala holatda ham to'rtinchi o'rinni egalladi. 2010-yil 11-oktyabrda unga „Futbol afsonalari“ Oltin Oyoq mukofoti topshirildi.[3]

Jamoalardagi faoliyati[tahrir | manbasini tahrirlash]

Antognoni Marsciano shahrida tug'ilgan. Faoliyatini D Seriyada Asti Ma.Co.Bi. bilan boshlanganida u endigina o'n olti yoshda edi. 1972-yilda Nils Liedholm uni Fiorentinaga o'tishga ko'ndirdi.

U 1972-yilning oktyabr oyida A Seriyada debyutini o'tkazgan, keyinchalik u sardorlik qilgan Fiorentina bilan yakunda 10-raqamli futbolkani meros qilib oldi. U 1974–75-yilgi mavsumda Coppa Italia (Italiya kubogi) ni va o'sha mavsumda 1975-yilgi Angliya-Italiya ligasi kubogini West Ham ustidan g'alaba qozonib yutib oldi.[4] U 1981–1982-yilgi mavsumda Fiorentina bilan A Seriya chempionligini qo'ldan boy berdi va so'nggi o'yin kunida raqib Juventus ga bitta ochko bilan yutqazdi. Antognoni Fiorentina bilan 412 ta o'yin o'tkazib, 61 ta gol urgan. Antognoni Fiorentina afsonasi va klubning eng yaxshi o'yinchilaridan biri sifatida qabul qilinadi, chunki u butun Italiya professional faoliyati davomida 70-80 yillar davomida klubda o'ynagan. U Fiorentina safida A seriyada eng ko'p o'yin o'tkazish bo'yicha rekordchi bo'lib, 341 ta o'yinda maydonga tushdi.[5][6][7]

1981-yilning noyabrida Genoa darvozaboni Silvano Martina bilan tasodifiy to'qnashuvdan so'ng, uning tizzasi Antognonining boshiga qattiq tegib ketgan, u bosh suyagini ikki joyidan sindirib olib, ikki kun davomida koma holatida hushsiz yotdi; FIFA.com xabariga ko'ra, pleymeyker 30 soniya davomida yuragi to'xtab qolgan, bu esa Genoa sardori Claudio Onofrining "u o'ldi, u o'ldi!" deyishiga sabab bo'lgan. Biroq, Genoa jamoasi shifokori - Pierluigi Gatto tezda harakat qilib Antognonining pulsini jonlantirishga muvaffaq bo'ldi va uning burishib qolgan tilini to'g'irladi va unga ko'krak qafasini siqish va og'izdan og'izga reanimatsiya qilish orqali yurak massajini berdi.[8][9][10]

1987-yilda Antognoni Lausanne Sportsga qo'shildi. U 51 ta oʻyinda maydonga tushib, 7 ta gol urgan. 1989-yilda Laussanneda nafaqaga chiqdi.

Xalqaro karyera[tahrir | manbasini tahrirlash]

Antognonining Italiya terma jamoasidagi katta xalqaro faoliyati 1974-yil 20-noyabrda Yevro-1976 saralash oʻyinida yigirma yoshida Gollandiyaga safarda 3–1 hisobida magʻlub boʻlganidan boshlandi. Antognoni 1978-yilgi Jahon chempionatida Italiya terma jamoasi bosh murabbiyi Enzo Bearzot boshchiligida ishtirok etgan va u yerda jamoa yarim finalda Niderlandiyaga mag'lub bo'lganidan keyin to'rtinchi o'rinni egallagan. U 1980-yilgi Yevropa chempionatida ham oʻz maydonida 10-raqamli libosda yana toʻrtinchi oʻrinni egalladi. Biroq turnirdan bir yil oldin olgan bosh suyagi jarohatidan tuzalib ketgandan keyin uning milliy terma jamoadagi eng katta yutug'i 1982-yilgi FIFA Jahon kubogida g'alaba qozonganida sodir bo'ldi. Antognoni musobaqa davomida oltita oʻyinda maydonga tushdi va toʻpga egalik qilish va jamoaning asosiy pleymeykeri sifatida vaziyatlar yaratish qobiliyati bilan jamoaning chempion boʻlishida hal qiluvchi rol oʻynadi; U turnir davomida eng ko'p golli uzatma berish bo'yicha ikkinchi o'rinni egalladi (uchta), faqat braziliyalik Zico va G'arbiy germaniyalik Pierre Littbarskidan keyin. U Italiyaning Braziliyaga qarshi 2-raunddagi 3–2 hisobidagi g'alabasida ham gol urgan, lekin o'yindan tashqari holat bo'lgani uchun hisoblanmagan; ammo haliham bu natija Italiyaga yarim finalga chiqish imkonini berdi. U Polshaga qarshi so'nggi o'yinda boshlangich tarkibda tushirildi, Italiya 2–0 hisobida g'alaba qozondi, ammo yarim finalda olgan jarohati tufayli G'arbiy Germaniya ustidan 3–1 hisobidagi yakuniy g'alabada ishtirok eta olmadi.[11][12][13]

U Italiya terma jamoasi safida jami 73 ta oʻyin oʻtkazib, 7 ta gol urgan. Uning so'nggi uchrashuvi 1983-yil 16-noyabrda Chexoslovakiyaga qarshi o'yinda bo'lgan. U to'rt marta terma jamoa sardori bo'lgan. Antognoni hozirda milliy terma jamoa safida eng ko'p o'yin o'tkazgan Fiorentina futbolchisi[14] hamda Italiya terma jamoasi safida 10-raqamli futbolkada eng ko'p o'yin o'tkazish bo'yicha rekordchi hisoblanadi.[15] Xalqaro faoliyati davomida ikkita qizil kartochka olib, Franco Causio va Daniele De Rossi bilan birga Italiyaning eng ko'p qizil kartochka olgan o'yinchisi hisoblanadi.[16]

O'yin uslubi[tahrir | manbasini tahrirlash]

Mohir, tezkor va yaratuvchan hujumkor pleymeyker, Antognoni o'zining ko'rish qobiliyati, nazorati, texnik qobiliyat, aql-zakovat, to'g'ri taqsimlash, to'p uzatish masofasi va yarim himoyadan golga intilishi tufayli Italiyaning eng zo'r o'yinchilaridan biri, o'z avlodining eng iqtidorli o'yinchilaridan biri va barcha davrlarning eng yaxshi hujumkor yarim himoyachilaridan biri hisoblanadi. Bu unga gol urish yoki jamoadoshlari uchun imkoniyatlar yaratish imkonini berdi; u shuningdek, to'p almashuvi, yarim himoyada o'yinni boshqarishi va yerdagi tez, qisqa to'p uzatishlari bilan jamoasining hujum harakatlarini tartibga solish, shuningdek, uzun diagonal to'plar bilan o'yinni almashtirish qobiliyati bilan mashhur edi. Bundan tashqari, u ajoyib driblingchi edi, u o'zining tezligi va to'pda nafisligi, shuningdek, tezkor oyoqlari va yarim himoyadan oldinga siljish paytida to'pni oldinga olib borishda boshini ko'tarib yura olish qobiliyati bilan ajralib turardi, ekspertlar tomonidan vatandoshi Gianni Riveraga o'xshatilar edi. Garchi u odatda hujumchilar orqasida an'anaviy 10-raqam sifatida joylashtirilgan bo'lsa-da, u markaziy yarim himoyachi sifatida ham o'ynashga qodir edi, u yerda u chuqur pleymeyker sifatida ishlagan. Antognoni shuningdek, butun faoliyati davomida jonli devor to'sigi yonidan burib berilgan zarbasi aniqligi va jarima maydoni tashqarisidan kuchli zarbalari uchun yuqori baholangan; tabiiy ravishda o'ng oyoqli bo'lsa-da, u to'pni ikkala oyog'i bilan ham aniq uzatish yoki zarba berish imkoniyatiga ega edi.[5][12][17][18][19] Futbolchilik mahoratidan tashqari, u butun faoliyati davomida o'zining yetakchiligi va ish tezligi bilan ham ajralib turardi.[5][11] Iqtidoriga qaramay, uning faoliyati asosan jarohatlar bilan ajralib turardi.[20]

Karyera statistikasi[tahrir | manbasini tahrirlash]

Klub[tahrir | manbasini tahrirlash]

Klub, mavsum va musobaqa bo'yicha ishtirok va gollar[21]
Klub Mavsum Liga Kubok Mintaqaviy Jami
Divizion O'yinlar Gollar O'yinlar Gollar O'yinlar Gollar O'yinlar Gollar
Astimacobi 1970–71 Serie D 5 1 0 0 – 5 1
1971–72 22 3 0 0 – 22 3
Jami 27 4 0 0 0 0 27 4
Fiorentina 1972–73 Serie A 20 2 8 0 1 0 29 2
1973–74 25 1 4 1 2 0 31 2
1974–75 29 4 9 1 4 0 42 5
1975–76 30 5 8 2 4 0 42 7
1976–77 28 4 4 0 4 0 36 4
1977–78 26 6 4 1 2 0 32 7
1978–79 27 0 4 0 – 31 0
1979–80 30 8 4 1 – 34 9
1980–81 27 9 6 0 – 33 9
1981–82 16 3 5 2 – 21 5
1982–83 27 9 5 0 2 1 34 10
1983–84 18 5 5 2 – 23 7
1984–85 0 0 0 0 0 0 0 0
1985–86 19 1 3 0 – 22 1
1986–87 19 4 0 0 – 19 4
Jami 341 61 69 10 19 1 429 72
Lausanne-Sport 1987–88 Nationalliga A 33 5 2 0 – 35 5
1988–89 18 2 1 1 – 19 3
Jami 51 7 3 1 0 0 54 8
Karyera jami 419 72 72 11 19 1 510 84
Milliy terma jamoa va yil bo'yicha ishtirok va gollar[22]
Milliy terma jamoa Yil O'yinlar Gollar
Italiya 1974-yil 2 0
1975-yil 7 0
1976-yil 10 4
1977-yil 7 2
1978-yil 10 0
1979-yil 4 0
1980-yil 10 1
1981-yil 8 0
1982-yil 11 0
1983-yil 4 0
Jami 73 7

Yutuqlar[tahrir | manbasini tahrirlash]

Fiorentina[4][23]

  • Italiya kubogi: 1974–75-yil
  • Angliya-Italiya liga kubogi: 1975-yil

Italiya[24]

Individual

  • Golden Foot „Futbol afsonalari“: 2010-yil[25]
  • ACF Fiorentina shon-sharaf zali: 2012-yil[26]
  • Fiorentina barcha vaqtlar XI[27]
  • Premio internazionale Giacinto Facchetti: 2016-yil[28]
  • Italiya futboli shon-sharaf zali: 2018-yil[29]

Manbalar[tahrir | manbasini tahrirlash]

  1. ↑ „Giancarlo ANTOGNONI e l'invidia degli Dei“ (it). Storie di Calcio. Qaraldi: 2014-yil 28-dekabr.
  2. ↑ „Auguri Antognoni, l'uomo che giocava guardando le stelle“ (it). Sky.it (2014-yil 1-aprel). 2014-yil 3-aprelda asl nusxadan arxivlangan. Qaraldi: 2016-yil 27-mart.
  3. ↑ „Giancarlo Antognoni“. Golden Foot. 2014-yil 30-dekabrda asl nusxadan arxivlangan. Qaraldi: 2014-yil 28-dekabr.
  4. ↑ 4,0 4,1 „Auguri Antognoni, l'uomo che giocava guardando le stelle“ (it). Sky.it (2014-yil 1-aprel). 2014-yil 3-aprelda asl nusxadan arxivlangan. Qaraldi: 2016-yil 27-mart. "Auguri Antognoni, l'uomo che giocava guardando le stelle" (Wayback Machine saytida 2014-04-03 sanasida arxivlangan) (in Italian). Sky.it. 1 April 2014. Retrieved 27 March 2016.
  5. ↑ 5,0 5,1 5,2 „Giancarlo ANTOGNONI e l'invidia degli Dei“ (it). Storie di Calcio. Qaraldi: 2014-yil 28-dekabr. "Giancarlo ANTOGNONI e l'invidia degli Dei" (in Italian). Storie di Calcio. Retrieved 28 December 2014.
  6. ↑ „ANTOGNONI DAY, L'amore di Firenze il mio scudetto“ (it). Firenze Viola.it. Qaraldi: 2014-yil 28-dekabr.
  7. ↑ Alberto, Costa. „Io, bandiera viola per sempre La fedeltà conta più dei trofei“ (it). Il Corriere della Sera (11-fevral 2011-yil), s. 65. 16-mart 2015-yilda asl nusxadan arxivlangan. Qaraldi: 20-may 2020-yil.
  8. ↑ „82: The original and harshest Group of Death“. FourFourTwo (2014-yil 2-iyun). Qaraldi: 2020-yil 20-may.
  9. ↑ „Bearzot's Blues of '82 in numbers“. FIFA.com (2017-yil 18-iyul). Qaraldi: 2020-yil 20-may.
  10. ↑ „Addio a Gatto, il medico che salvò Antognoni“ (it). La Repubblica (27-iyul 2009-yil). Qaraldi: 20-may 2020-yil.
  11. ↑ 11,0 11,1 Alberto, Costa. „Io, bandiera viola per sempre La fedeltà conta più dei trofei“ (it). Il Corriere della Sera (11-fevral 2011-yil), s. 65. 16-mart 2015-yilda asl nusxadan arxivlangan. Qaraldi: 20-may 2020-yil.Alberto, Costa (11 February 2011). "Io, bandiera viola per sempre La fedeltà conta più dei trofei". Il Corriere della Sera (in Italian). p. 65. Archived from the original on 16 March 2015. Retrieved 20 May 2020.
  12. ↑ 12,0 12,1 „82: The original and harshest Group of Death“. FourFourTwo (2014-yil 2-iyun). Qaraldi: 2020-yil 20-may. "82: The original and harshest Group of Death". FourFourTwo. 2 June 2014. Retrieved 20 May 2020.
  13. ↑ „Bearzot's Blues of '82 in numbers“. FIFA.com (2017-yil 18-iyul). Qaraldi: 2020-yil 20-may. "Bearzot's Blues of '82 in numbers". FIFA.com. 18 July 2017. Retrieved 20 May 2020.
  14. ↑ „Nazionale in cifre: Antognoni, Giancarlo“ (it). figc.it. FIGC. 2017-yil 24-avgustda asl nusxadan arxivlangan. Qaraldi: 2015-yil 22-aprel.
  15. ↑ „Dalla A alla Zico, i grandi numeri 10 del calcio internazionale“ (it). Sport.Sky.it (2010-yil 10-oktyabr). 2016-yil 2-fevralda asl nusxadan arxivlangan. Qaraldi: 2016-yil 19-may.
  16. ↑ „Totale: Espulsioni“ (it). Italia1910. Qaraldi: 2016-yil 4-may.
  17. ↑ „Dalla A alla Zico, i grandi numeri 10 del calcio internazionale“ (it). Sport.Sky.it (2010-yil 10-oktyabr). 2016-yil 2-fevralda asl nusxadan arxivlangan. Qaraldi: 2016-yil 19-may. "Dalla A alla Zico, i grandi numeri 10 del calcio internazionale" (in Italian). Sport.Sky.it. 10 October 2010. Archived from the original on 2 February 2016. Retrieved 19 May 2016.
  18. ↑ „Pirlo, punizioni da record: Sinisa è sempre più vicino“ (it). Sky.it (2013-yil 11-noyabr). 2019-yil 16-dekabrda asl nusxadan arxivlangan. Qaraldi: 2017-yil 6-mart.
  19. ↑ „Antognoni su Bernardeschi: "Diventerà come Robben"“ (it). La Gazzetta dello Sport (2016-yil 24-dekabr). Qaraldi: 2017-yil 6-mart.
  20. ↑ „Antognoni su Baggio: "Col Napoli gli lasciai la punizione e segnò. L'addio alla Fiorentina…"“ (it). Viola News (2017-yil 16-fevral). Qaraldi: 2017-yil 16-fevral.
  21. ↑ Giancarlo Antognoni at National-Football-Teams.com
  22. ↑ Roberto Di Maggio. „Giancarlo Antognoni - International Appearances“. rsssf.com (2005-yil 29-may). Qaraldi: 2019-yil 20-may.
  23. ↑ „Giancarlo Antognoni“ (fr). Eurosport. Qaraldi: 2015-yil 30-dekabr.
  24. ↑ „Giancarlo Antognoni“ (fr). Eurosport. Qaraldi: 2015-yil 30-dekabr. "Giancarlo Antognoni" (in French). Eurosport. Retrieved 30 December 2015.
  25. ↑ „Golden Foot Legends“. goldenfoot.com. 2015-yil 16-aprelda asl nusxadan arxivlangan. Qaraldi: 2015-yil 27-mart.
  26. ↑ „IV Hall of Fame Viola: Toldo, Chiarugi e non-solo entrano nella galleria degli onori“ (it). violanews.com (2015-yil 8-dekabr). Qaraldi: 2016-yil 30-avgust.
  27. ↑ Matteo Magrini. „Festa al Franchi, presenti e assenti. No eccellenti da Rui Costa, Baggio e Batistuta“ (it). Fiorentina.it (2016-yil 23-avgust). 2016-yil 24-avgustda asl nusxadan arxivlangan. Qaraldi: 2016-yil 24-avgust.
  28. ↑ „Antognoni gives Kalinic hint“. Football Italia (2017-yil 15-may). Qaraldi: 2017-yil 15-may.
  29. ↑ „Totti, Zanetti e Allegri tra i premiati dell'8ª edizione della 'Hall of Fame del calcio italiano'“ (it). FIGC.it (2019-yil 19-fevral). 2021-yil 16-yanvarda asl nusxadan arxivlangan. Qaraldi: 2019-yil 20-may.

Havolalar[tahrir | manbasini tahrirlash]

"https://uz.wikipedia.org/w/index.php?title=Giancarlo_Antognoni&oldid=3723046" dan olindi