Gruppa krovi
| „Gruppa krovi“ | ||||
|---|---|---|---|---|
| „Kino“ qoʻshigʻi | ||||
| „Gruppa krovi“ albomidan | ||||
| Chiqarilgan sanasi | 1988 | |||
| Yozib olingan | 1987 | |||
| Janr | ||||
| Davomiyligi | 04:46 | |||
| Leybl | Gold Castle Records | |||
| Matn muallif(lar)i | Viktor Soy | |||
| „Gruppa krovi“ xronologiyasi | ||||
| ||||
| Klipi | ||||
| „Gruppa krovi“ YouTubeda | ||||
„Gruppa krovi“ (ruscha: Группа крови, yaʼni „Qon guruhi“) — „Kino“ rok musiqa guruhining ayni nom bilan 1988-yil eʼlon qilingan studiyaviy albomiga kiritilgan qoʻshiq. Guruh repertuaridagi eng taniqli ashulalarning biri. „Gruppa krovi“ albomiga kiritilgan birinchi trek. Qoʻshiq premyerasi 1987-yilning 3-iyunida Leningrad rok-klubining beshinchi festivalida boʻlib oʻtdi.
„Russkiy reportyor“ jurnali 1917-2017-yillardagi eng muhim ruscha qoʻshiqlarni aniqlash uchun oʻtkazgan soʻrovnomada „Gruppa krovi“ ikkinchi oʻrinni egalladi[1]. Rus dramaturgi va jurnalisti Aleksandr Jitinskiy „Gruppa krovi“ albomiga yozgan taqrizida „Gruppa krovi“ qoʻshigʻini eng sara qoʻshiqlardan biri deb nomladi[2].
Qoʻshiq rejissor Rashid Nugmanovning „Igla“ filmi saundtrekiga kiritilganidan keyin yanada ommalashdi. 2008-yil „Grand Theft Auto IV“ oʻyini saundtrekiga kiritilganidan keyin esa xorijiy tinglovchilar orasida ham tanildi. Bugunga qadar „Yu-Piter“, „Inspektor“ rus guruhlari, „YB[en]“ koreys guruhi hamda „Shiri“ meksikan guruhlari tomonidan „Gruppa krovi“ ashulasining oʻndan oshiq kaver versiyasi yozilgan. 2019-yilning 21-iyulida „Metallica“ guruhi ashulani Moskvada bergan konserti davomida rus tilida ijro etdi.
Ashulaning „Blood Type“ deb nomlanuvchi inglizcha versiyasi ham mavjud. Mazkur versiya Fransiyada yozib olingan boʻlib, 2002-yil „Posledniye zapisi“ terma albomida eʼlon qilindi. Shuningdek, guruh azolari Yuriy Kasparyan va Georgiy Guryanov ashulaning disko-versiyasini hozirlagan, ammo Viktor Soy bu versiya eʼlon qilinishiga yoʻl qoʻymagan.
Jamoa
[tahrir | manbasini tahrirlash]- Viktor Soy — vokal, qoʻshimcha ritm-gitara
- Georgiy Guryanov — Yamaha RX-11 dram-mashinasini dasturlash, bek vokal
- Yuriy Kasparyan — solo-gitara
- Andrey Sigle — klavishalar
- Aleksey Vishnya — mikslash
- Sergey Krisanov — albom muqovasi
Manbalar
[tahrir | manbasini tahrirlash]- ↑ „Cто главных песен на русском языке (1917—2017)“. 2019-yil 22-iyulda asl nusxadan arxivlangan. Qaraldi: 2022-yil 23-may.
- ↑ „С. А. Петрова «Война и мир в альбоме „Группа крови“ группы „Кино“»“. 2017-yil 4-iyulda asl nusxadan arxivlangan. Qaraldi: 2021-yil 3-aprel.
