Homid Mahmudov
| Homid Mahmudov | |
|---|---|
| Tugʻilgan sanasi | 24-fevral, 1900-yil |
| Tugʻilgan joyi | Buxoro, Turkiston general-gubernatorligi, Rossiya imperiyasi |
| Vafot sanasi | 12-mart, 1977-yil |
| Vafot joyi | Dushanbe, Tojikiston SSR, SSSR[1] |
| Fuqaroligi | Buxoro amirligi → Rossiya imperiyasi |
| Kasbi | teatr rejissyori, aktyor |
| Faoliyat yillari | 1924—1977 |
Homid Mahmudov (tojikcha: Ҳомиди Маҳмуд; 1900-yil, Buxoro — 1977-yil, Dushanbe) — mashhur buxorolik amaldor Xoja Said Mahmudiy-tariqatchining oʻgʻli, professional aktyor va rejissyor, teatr arbobi, tojik professional teatrining asoschisi[2][3].
Biografiyasi
[tahrir | manbasini tahrirlash]1923—1924-yillarda Homid Mahmudov Moskvadagi Buxoro maorif uyining kino va teatr sanʼati bo‘limida aktyor-rejissor bo‘yicha tahsil olgan. 1927-yilda Mahmudov Moskvadagi Stalin nomidagi Oʻzbekiston taʼlim instituti qoshidagi davlat drama studiyasi yoʻnalishini tamomlagan. Buxoro oziq-ovqat xodimlari klubi qoshidagi musiqali drama to‘garagiga rahbarlik qilgan.
1928—1929-yillarda — Hamza nomidagi oʻzbek davlat teatri rejissyori.
Homid Maxmudov 1929-yilda Tojikistonda birinchi professional teatri — Tojikiston SSR Maorif xalq komissarligi qoshidagi Tojikiston davlat teatriga (hozirgi A. Laxuti nomidagi tojik davlat akademik drama teatri) asos soldi. 1930—1931-yillarda Mahmudov birinchi professional milliy orkestrga asos soldi. 1934-yilda Maxmudov Xoʻjandda Ikkinchi Davlat tojik musiqali drama teatrini (hozirgi K.Xujandiy nomidagi Tojikiston Davlat musiqali komediya teatri) tashkil qildi. 1935-yildan 1938-yilgacha Mahmudov teatr faoliyatidan chetlashtirildi (qatag‘onga uchragan odamning o‘g‘li sifatida ishdan ayrilgan). 1938—1943-yillarda Mahmudov O‘zbekistondagi turli teatrlarda rejissyor, badiiy rahbar bo‘lgan. Uning ishtirokida Buxoro viloyati musiqali drama teatri va Qarshi davlat o‘zbek musiqali drama teatrida turli janrdagi teatr spektakllari namoyish etildi. 1943-yilda Mahmudov Stalinoboddagi A. Laxutiy nomidagi drama teatriga direktor o‘rinbosari lavozimiga taklif qilindi. 1944—1945-yillarda A. Laxuti nomidagi Akademik drama teatri direktori. Keyinchalik Tojikiston SSR Xalq Komissarligi ishlari bo‘limi mudiri bo‘lib ishlagan. Tojikiston qishloq xo‘jaligi institutini sirtqi taʼlim shaklida oʻqigan va u yerni 1959-yilda tamomlagan. O‘sha yili olim agronomi diplomini olgan. Keyinchalik 1966-yilgacha respublika qishloq xo‘jaligi tizimida ishladi.
Oilasi
[tahrir | manbasini tahrirlash]Otasi — Xoʻja Said Mahmudiy-tariqatchi (1860—1935), mashhur buxorolik zodagon, Ahmad Donish shogirdi, 1935-yilda qatagʻon qilingan.
Onasi — Nazokat (1863—1935) maʼrifatparvar ayol. Mahmudovga yaxshi taʼlim berishga harakat qilgan.
Turmush oʻrtogʻi — Amina Mahmudova (1910—1978), shoira. Tojikiston Yozuvchilar uyushmasi tashkilotchilaridan biri.
Manbalar
[tahrir | manbasini tahrirlash]- ↑ https://centrasia.org/person2.php?st=1548171965 МАХМУДОВ Хамид/ /[..1900 - ..1977]]
- ↑ „Махмудов, Хомид Саидович“. peoplelife.ru. 2023-yil 11-iyulda asl nusxadan arxivlangan. Qaraldi: 2023-yil 11-iyul.
- ↑ „ХОМИД МАХМУДОВ“. kino-teatr.ru.