Hovhannes Shiraz uy muzeyi

Hovannes Shiraz uy muzeyi
Asos solingan sana	2003–yil
Joylashuvi	Gyumri, Varpetats ko'chasi, 101-uy
Direktor	Ara Papanyan
Location	Gyumri, Armenia
Turi	Uy muzey
Sayt	http://www.shiraz.am/en/

40°47′15.43″N 43°50′35.41″E / 40.7876194°N 43.8431694°E / 40.7876194; 43.8431694 Hovhannes Shiraz uy-muzeyi (arman . Հովհաննես Շիրազի տուն-թանգարան) 1983-yilda Armanistonning Gyumri shahri Kumayri tarixiy tumanida ochilgan. Muzey arman shoiri Hovannes Shirazning shaxsiy buyumlari, qoʻlyozmalari va asarlarini koʻrgazma qilish va saqlashga bagʻishlangan.

Bino 1886-yilda Shirak viloyatidan keltirilgan qizil tuf toshidan qurilgan boʻlib, Keshishyan ismli badavlat savdogarning uyi boʻlgan. Sovet davrida omborxona sifatida ishlatilgan. 1983-yil iyul oyida hukumat amaldorlari binoni yashab turishi uchun Shirazga taklif qilishdi. Biroq shoir 1984-yilning mart oyida vafot etgani uchun bu uyda atigi bir yil yashadi^[1].

Uning merosini saqlab qolish uchun bino keyinchalik Armaniston hukumati qarori bilan uy-muzeyga aylantirildi. 1988-yilgi Armaniston zilzilasi tufayli muzeyni taʼmirlash ishlari toʻxtab qoldi. Binoga zilziladan zarar koʻrgan 8 uysiz oila joylashtirildi.

USAID agentligi zilziladan keyin uyda yashovchi koʻchirilgan oilalarga boshqa uy topishga yordam berdi^[2].

Bugungi kunda gʻarbiy jabhada katta hovliga olib boradigan hashamatli darvoza oʻrnatilgan. Muzey oltita xonadan iborat. Birinchisida shoirning bolaligi haqidagi maʼlumotlar keltirilgan. Ikkinchi xona esa Shiraz hayoti vaqtidagidek jihozlangan. Qolgan toʻrt xonada yozuvchining ijodiy ishlari, rasmlari, haykallari va boshqalar joy olgan. Koʻrgazmada amerikalik yozuvchi Jon Steibeckning Shirazga Yerevanda mehmondoʻstligi uchun sovgʻa qilgan kartinasi qoʻyilgan^[3].

Uy-muzey Armaniston, Gyumri 3104, Varpetats koʻchasi, 101-uyda joylashgan^[4].

2024-yilda Gyumri shahrida Hovannes Shirazning 110 yilligiga bagʻishlangan tadbir dasturida muzeyga yangi eksponatlar berildi. Shirak davlat universiteti muzeyga arxiv hujjatlarini topshirdi^[5].