Igor Golloyev
| Igor Golloyev | |
|---|---|
| Asl ismi | Игорь Дмитриевич Голлоев |
| Tavalludi |
20-sentyabr, 1965-yil Uchquduq, Buxoro viloyati |
| Qoʻshin turlari |
Rossiya Ichki ishlar vazirligi qoʻshinlari, Rossiya Federatsiyasi Milliy gvardiyasi qoʻshinlari |
| Xizmatdagi yillari | 1983-yildan |
| Unvoni | general polkovnik |
| Jang/urush | Ikkinchi Chechen urushi |
| Mukofotlari |
Aleksandr Nevskiy ordeni (Rossiya), Jasorat ordeni, Suvorov medali, „Rossiya Federatsiyasida xizmat koʻrsatgan harbiy mutaxassis“ ordeni |
Golloyev Igor Dmitriyevich (20-sentyabr, 1965-yil, Buxoro viloyati, Oʻzbekiston SSR) — rus harbiy rahbari. Rossiya Federatsiyasi Milliy gvardiyasi Sharqiy okrugi qoʻmondoni (2021-yildan), general-polkovnik (2017)[1][2].
Biografiyasi
[tahrir | manbasini tahrirlash]Golloyev 1965-yilning 20-sentyabrida Buxoro viloyatida, hozirgi Navoiy viloyatining Uchquduq tumanida tugʻilgan. 1983-yil harbiy xizmatda boʻlgan. 1987-yilda F. E. Dzerjinskiy nomidagi SSSR Ichki ishlar vazirligi Qizil bayroqli Saratov oliy harbiy qoʻmondonlik bilim yurtini tamomlagan. 1987-yildan SSSR Ichki ishlar vazirligining Shimoliy-Gʻarbiy va Boltiqboʻyi davlatlari ichki qoʻshinlari boʻlimida vzvod komandiri lavozimida xizmat qilgan.
1997-yilda M. V. Frunze nomidagi harbiy akademiyani tamomlagan. 1997-yilda Rossiya Ichki ishlar vazirligining Vladikavkaz Oliy harbiy qoʻmondonlik maktabida harbiy taktikadan dars bera boshlagan. 1999-yildan Rossiya Ichki ishlar vazirligining Shimoliy Kavkaz okrugi ichki qoʻshinlarining tezkor boʻlinmasida xizmat qilgan. 2003—2007-yillarda Rossiya Ichki ishlar vazirligi Ichki qoʻshinlarining Volga okrugida xizmat qilgan.
2009-yilda Rossiya Federatsiyasi Qurolli Kuchlari Bosh shtabining Harbiy akademiyasini tamomlagan. 2009-yildan Rossiya Ichki ishlar vazirligining Shimoliy-Gʻarbiy mintaqaviy qoʻmondonligida xizmat qilgan. 2011-yil 9-noyabrdan general-mayor.
2012-yildan Rossiya Ichki ishlar vazirligi Ichki qoʻshinlari Markaziy mintaqaviy qoʻmondonligi qoʻmondonining birinchi oʻrinbosari. Rossiya Federatsiyasi Prezidentining 2014-yil 6-noyabrdagi 713-sonli farmoni bilan general-leytenant[3] unvoni berilgan.
2016-yil oktyabr oyidan — Rossiya Federatsiyasi Milliy gvardiya qoʻshinlarining Ural okrugi qoʻmondoni[4].
Rossiya Federatsiyasi Prezidentining 2017-yil 6-dekabrdagi farmoni bilan Rossiya Federatsiyasi Milliy gvardiya qoʻshinlari Markaziy okrugi qoʻmondoni etib tayinlandi.
Rossiya Federatsiyasi Prezidentining 2017-yil 12-dekabrdagi 592-son qarori bilan unga general-polkovnik unvoni berildi.
2021-yil 30-iyuldan — Rossiya Federatsiyasi Milliy gvardiya qoʻshinlari Sharqiy okrugi qoʻmondoni.
Mukofotlari
[tahrir | manbasini tahrirlash]- Aleksandr Nevskiy ordeni
- Jasorat ordeni
- Suvorov medali
- idoraviy medallar
- „Rossiya Federatsiyasida xizmat koʻrsatgan harbiy mutaxassis“ (2017-yil mart)
Manbalar
[tahrir | manbasini tahrirlash]- ↑ „Golloev Igor Dmitrievich“. 2023-yil 5-fevralda asl nusxadan arxivlangan. Qaraldi: 2023-yil 1-iyul.
- ↑ „Михаил Дегтярев вручил государственные награды бойцам Росгвардии“ (2023-yil 10-mart).
- ↑ „Командующий Росгвардии Урала прибыл с рабочим визитом в Югру“.
- ↑ „Первый командующий национальной гвардией на Урале получил личный штандарт. «Облгазета», 2016, 8 ноября.“. 2018-yil 17-mayda asl nusxadan arxivlangan. Qaraldi: 2018-yil 16-may.