Ilya Golyayev

Ilya Andreyevich Golyayev
Tavalludi	1859-yil
Vafoti	14-sentyabr 1942-yil Oʻzbekiston SSR, Toshkent shahri
Fuqaroligi	Rossiya imperiyasi→ SSSR

Ilya Andreyevich Golyayev (1859-yil – 1942-yil, Oʻzbekiston SSR, Toshkent shahri) – Saratov viloyati, Balashov shahridagi ECB cherkovining oqsoqoli, bir necha bor SSSR Baptistlar ittifoqi raisi etib saylangan.

Hayoti

Ilya Andreyevich Golyayev 1859-yilda tugʻilib, molokan oilasida oʻsgan. Yoshligida u Balashovda vaʼz qilgan baptistlar N.M.Chetvernin va P.G.Demakin bilan, keyinroq esa V.V.Ivanov bilan uchrashgan. Ular bilan muloqot qilish natijasida 1890-yilda muqaddas suvga choʻmish marosimidan oʻtgan. Uning saʼy-harakatlari tufayli Balashovda katta baptistlar cherkovi paydo boʻlgan.

Ellik yildan koʻproq vaqt davomida Ilya Andreyevich Golyayev Balashov cherkovining doimiy presviteri boʻlib, bir ovozdan bir necha marta qayta saylangan. 1910-yilda uning tashabbusi va moddiy ishtiroki bilan Balashovda Rossiyada birinchilardan boʻlgan katta ibodatxona qurilgan. Shu bilan birga, Ilya Andreyevich Golyayev Rossiya baptistlari ittifoqida ishlagan (tashkilot nomi bir necha bor oʻzgartirilgan). Ilya Golyayev 1910—1917-yillarda, 1924—1926-yillarda, 1933—1935-yillarda tanaffuslar bilan Rossiya baptistlari ittifoqi raisi boʻlgan.

1911-yilda Amerika Qo'shma Shtatlarining Filadelfiya shahrida boʻlib oʻtgan Butunjahon baptistlar kongressida rus baptistlari delegatsiyasiga rahbarlik qilgan. U 1925-yilda oʻtkazilgan SSSR Baptistlar ittifoqi kengashiga boshchilik qilgan. Ushbu yigʻilishda Butunjahon baptistlar ittifoqi vakili doktor Rushbruk va V.V.Skaldin, G.I.MazaYev, N.V.Odintsov, I.A.Golyaev, P.V.Pavlov, S.V.Belosov, D.P.Stepin, P.V.Ivanov-Klyshnikov, P.X.Mordovinlar ishtirok etgan.

Ilya Andreyevich Golyayev qisqa muddatli kasallikdan soʻng 1942-yil 14-sentyabrda Oʻzbekiston SSRning Toshkent shahrida vafot etgan.

Adabiyotlar

• Иванов М. В. Синичкин А. В.. История евангельских христиан баптистов России, М., 2012. ISBN 978-5-9902083-6-0.