Insoniyat farzandi
| Insoniyat farzandi | |
|---|---|
| : ' | |
| Rassom | René Magritte |
| Yil | 1964 |
| Oqim | Surrealizm |
| Joylashuvi | Xususiy kolleksiya |
Insoniyat farzandi (fransuzcha: Le fils de l’homme) belgiyalik surrealist rassom René Magritte tomonidan 1964-yilda chizilgan kartina hisoblanadi. Bundan tashqari uning mashhur sanʼat asari ham sanaladi[1].
Magritte ushbu kartinani avtoportret sifatida yaratgan[2]. Kartinada past devor oldida palto va shlyapa kiygan erkak tasvirlangan boʻlib, orqa tomonida dengiz va bulutli osmonni koʻrish mumkin. Erkakning yuzi yashil olma bilan toʻsilgan. Lekin uning koʻzlari olmaning burchaklaridan kuzatayotganini koʻrish mumkin. Yana bir nozik xususiyati shundaki, erkakning chap qoʻl tirsagi orqaga egilgandek koʻrinishidir.
Kartina haqida Magrit shunday deydi:
Olma hech boʻlmaganda yuzni qisman yashiradi, ammo yashiringan inson yuzini u yashiradi. Bu doimiy ravishda sodir boʻladigan hodisa. Biz koʻrgan har bir narsa biron narsani yashiradi va biz doimo biz koʻrayotgan narsa nimani yashirayotganini bilishni xohlaymiz. Yashirin narsaga va koʻrinayotgan narsa nimani bizga koʻrsatmayotganiga boʻlgan qiziqish mavjud. Bu qiziqish juda kuchli tuygʻu, koʻrinadigan va mavjud boʻlgan hamda koʻrinadigan va bizga kutilmagan sovgʻa boʻlgan narsalar oʻrtasidagi qarama-qarshilik shaklida boʻlishi mumkin[3].
Oʻxshash kartinalar[tahrir | manbasini tahrirlash]
Insoniyat farzandi Magrittening boshqa ikki kartinasiga juda ham oʻxshash. Buyuk urush (fransuzcha: La grande guerre, 1964)-Insoniyat farzandining oʻzgargan varianti boʻlib, unda tananing faqat yuqori qismi tasvirlangan. Koʻrinmasning taʼmi (fransuzcha: Le Gout de l’invisible)-xuddi shu mavzudagi suv boʻyoq ishlatilgan kartina. Ushbu yildagi boshqa kartina esa Facadesdagi buyuk urush (fransuzcha: La Grande Guerre Façades, 1964) deb nomlanib, unda ham dengizga qarab turgan devor oldidagi inson tasvirlangan (xuddi Insoniyat farzandi kartinasidagidek), faqat bu kartinada soyabon ushlab turgan va yuzini gullar toʻsib turgan ayol tasvirlangan. Shlyapadagi inson kartinasi Insoniyat farzandi kartinasiga oʻxshaydi, lekin erkakning yuzini olma oʻrniga qush toʻsib turadi.
Manbalar[tahrir | manbasini tahrirlash]
- ↑ Pound, Cath. „Magritte and the subversive power of his pipe“. The BBC (2017-yil 5-dekabr). Qaraldi: 2024-yil 23-aprel.
- ↑ Chernick, Karen. „Why Magritte Was Fascinated with Bowler Hats“. Artsy (2024-yil 23-aprel).
- ↑ David, Sylvester. Magritte: the silence of the world. [Houston]: Menil Foundation, 1992 — 24 bet. ISBN 0810936267. OCLC 24846694.