Irina Turova
| Irina Turova | |
|---|---|
| Toʻliq ismi | Irina Iosifovna Turova |
| Mamlakat | Rossiya |
| Tugʻilishi |
10-avgust 1979-yil Gomel, Belarussiya |
| Saravha |
Xalqaro magistr (2004-yil) Ayol grossmeyster (2001-yil) |
| FIDE reyting | (sentyabr 2019-yil) (fevral 2024) |
| Yuqori reytingi | 2442 (may 2011-yil) |
Irina Iosifovna Turova (ruscha: Ирина Иосифовна Турова; 1979-yil 10-avgustda tugʻilgan), qizlik familyasi: Irina Salavina Irina Slavina (ruscha: Ирина Иосифовна Славина), shuningdek, Irina Slavina-Turova), rossiyalik shaxmatchi, ayol grossmeyster (2001) va xalqaro usta (2004) unvonlariga ega. 2003-yilda shaxmat boʻyicha ayollar oʻrtasidagi Rossiya chempionatida gʻolib boʻlgan.
Hayoti
[tahrir | manbasini tahrirlash]Irina Belorussiyada tugʻilgan, u yerda ota-onasi shaxmat boʻyicha murabbiy boʻlib ishlashgan. Chernobil halokatidan keyin uning oilasi Arxangelskga koʻchib oʻtdi, sakkiz yoshida Irina Arxangelsk viloyati ayollar oʻrtasidagi shaxmat chempionatida ikkinchi oʻrinni egalladi. Oʻn bir yoshida u 16 yoshgacha boʻlgan qizlar oʻrtasida shaxmat boʻyicha Rossiya chempionatida uchinchi oʻrinni egalladi, keyinroq oʻn uch yoshida Irina 20 yoshgacha boʻlgan qizlar oʻrtasida Rossiya oʻsmirlar chempionatida gʻolib boʻldi. 2000-yilda u shaxmat boʻyicha ayollar chempionatida ikkinchi oʻrinni egalladi, ammo keyinchalik 2003-yilda Irina ushbu turnirda gʻoliblikka shoxsupasiga koʻtarildi.[1] 2004-yilda shaxmat boʻyicha Yevropa yakkalik chempionatida 4-oʻrinni egalladi.[2] 2009-yilda u shaxmat boʻyicha ayollar kubogining finalchisi ham boʻldi, keyinchalik esa 2010-yilda u ushbu kubokni qoʻlga kiritdi. 2011-yilda Irina tezkor shaxmat boʻyicha ayollar oʻrtasidagi Rossiya chempionatida gʻoliblikni qoʻlga kiritdi.[3]
2000-yillarda Irina Turova shaxmat boʻyicha ayollar oʻrtasidagi jahon chempionatida nokaut tizimi boʻyicha qatnashgan:
- 2004-yilda ayollar oʻrtasidagi shaxmat boʻyicha jahon chempionatida birinchi turda Mayya Lomineishviliga yutqazdi[4]
- 2006-yilgi ayollar oʻrtasidagi shaxmat boʻyicha jahon chempionatida birinchi davrada Lela Javaxishviliga yutqazib qoʻydi[5]
- 2010-yilgi ayollar oʻrtasidagi shaxmat boʻyicha jahon chempionatida birinchi davrada Sopiko Xuxashviliga yutqazib qoʻydi.[6]
2000-yilda u FIDE ayol xalqaro ustasi (WIM) unvoniga sazovor boʻldi va bir yildan soʻng FIDE ayol grossmeyster (WGM) unvonini oldi. 2004-yilda u FIDE xalqaro ustasi (IM) unvoniga ham sazovor boʻldi.
U rossiyalik grossmeyster (GM) Maksim Turov bilan oila qurgan.[7]
Manbalar
[tahrir | manbasini tahrirlash]- ↑ „Slavina Wins 53rd Russian Women`s Championship“. fide.com.
- ↑ Herzog. „5th European Individual Women"s Chess Championship“. Chess-Results.com.
- ↑ „ИРИНА ТУРОВА“ (ruscha). Ruchess.ru.
- ↑ „2004 FIDE Knockout Matches : World Chess Championship (women)“. Mark-Weeks.com.
- ↑ „2006 FIDE Knockout Matches : World Chess Championship (women)“. Mark-Weeks.com.
- ↑ „2010 FIDE Knockout Matches : World Chess Championship (women)“. Mark-Weeks.com.
- ↑ „Farcical end to strong women’s event“. Chess in Translation (13-mart 2011-yil). Qaraldi: 8-yanvar 2016-yil.