Kontent qismiga oʻtish

Ivy Queen

Vikipediya, ochiq ensiklopediya
Ivy Queen

2010-yilda Ivy Queen
Tavalludi
Martha Ivelisse Pesante Rodríguez

4-mart 1972-yil (1972-03-04) (52 yosh)
Anasco, Puerto Riko
Fuqaroligi AQSh
Kasbi
  • Qoʻshiqchi
  • repper
  • qoʻshiqnavis
  • aktrisa
Faoliyat yillari 1995–yildan hozirgacha
Turmush oʻrtogʻi
  • Omar Navarro
    (turm. 1994; ajr. 2005)
  • Xavier Sánchez (turm. 2012)

Martha Ivelisse Pesante Rodríguez (1972-yil 4-mart), u faoliyati davomida Ivy Queen nomi bilan tanilgan, Puerto-Rikolik qoʻshiqchi, repper, qoʻshiqnavis va aktrisa. Ivy Queen reggaeton janrining ilk boshlovchilaridan biri sifatida tan olingan boʻlib, koʻpincha Reggaeton malikasi deb ataladi.

Ivy Queen oʻz faoliyatini Puerto-Rikoning San-Xuan shahridagi erkaklardan iborat boʻlgan „The Noise“ guruhida boshlagan[1]. Ivy Queen u yerda oʻzining birinchi qoʻshigʻi „Somos Raperos Pero No Delincuentes“ bilan chiqish qilgan. Ivy Queen 1996-yilda yakkaxon faoliyatini boshlagan va oʻzining ilk studiyaviy albomi „En Mi Imperio“ ni chiqarib, uni 1997-yilda Sony Discos tarqatish uchun sotib olgan.

Keyinchalik Ivy Queen Sony leybli uchun ikkinchi studiyaviy albomi „The Original Rude Girl“ni chiqardi, bu albomda „In the Zone“ nomli hit qoʻshiq ham joy olgan edi[2]. Biroq, Ivy Queen haqiqiy shuhratga 2003-yilda mustaqil ovoz yozish studiyasiga oʻtib, uchinchi studiyaviy albomi „Diva“ni chiqarganidan keyin erishdi[3]. Ivy Queenning „Diva“, „Flashback“ va „Sentimiento“ albomlari Amerika Ovoz Yozish Sanoati Assotsiatsiyasi (RIAA) tomonidan Oltin va Platina sertifikatlariga sazovor boʻlgan. Uning yettinchi studiyaviy albomi „Drama Queen“ 2010-yilda chiqarilgan boʻlib, undagi „La Vida es Así“ qoʻshigʻi Top 10 ga kirgan[4]. Shundan keyin, 2012-yilda Grammy mukofotiga nomzod boʻlgan „Musa“ albomi paydo boʻldi. Ivy Queenning musiqiy asarlarida koʻpincha ayollarni kuchaytirish, ijtimoiy-siyosiy masalalar, xiyonat va munosabatlar mavzulari aks ettiriladi[5].

Yoshligi

[tahrir | manbasini tahrirlash]

Ivy Queen Puerto-Rikoning Añasco shahrida tugʻilgan[6] . Yoshligida uning ota-onasi Nyu-Yorkka koʻchib ketgan va u oʻsha yerda tarbiyalangan. Ivy Queen oʻrta maktabni tugatmagan, AQShda oʻn birinchi sinfgacha oʻqigan va keyinchalik Nyu-Jersida Ijro sanʼati markazida musiqadan tahsil olgan[7].

Musiqiy faoliyati

[tahrir | manbasini tahrirlash]

1995–99: The Noise, En Mi Imperio va The Original Rude Girl

[tahrir | manbasini tahrirlash]

Ivy Queen, 18 yoshida San Juan shahriga koʻchib oʻtdi va u yerda reper va produser DJ Negro bilan tanishdi. 1995-yilda DJ Negroning taklifi bilan u Puerto-Rikolik erkaklar guruhi „The Noise“ga qoʻshildi. Bu guruh yangi paydo boʻlayotgan reggaeton sahnasining bir qismiga aylandi. DJ Negro the Noise atrofida bir qator CD'lar ishlab chiqarishni boshladi. Ivy Queen ushbu seriyaning beshinchi qismida „Somos Raperos Pero No Delincuentes“ nomli trekda birinchi bor paydo boʻldi. U reggaetonda koʻpincha ishlatiladigan zoʻravonlik va jinsiy mavzulardan charchab qoldi va kengroq mavzular haqida yozishni xohlar edi[8].

DJ Negro Ivy Queenʼni solo faoliyatiga oʻtishga undadi, va 1997-yilda u Sony Discos uchun „En Mi Imperio“ nomli birinchi solo albomini yozdi, unda „Como Mujer“ hit singli joylashgan edi. 1998-yilda u „The Original Rude Girl“ nomli ikkinchi albomini chiqardi, unda Don Chezina, Alex D’Castro va Domingo Quiñones bilan ishladi[9]. U shuningdek, oʻzining „In the Zone“ deb nomlangan birinchi singlida Wyclef Jean bilan hamkorlik qildi. Albom ikki tilda edi va hip hop musiqasi bilan reggaetondan farq qiladi, bu esa uning birinchi albomidagi yoʻnalishdan chetga chiqishini anglatadi[10]. „The Original Rude Girl“ tijorat jihatidan muvaffaqiyatga erishmagan boʻlsa-da, „In The Zone“ Billboard Rhythmic Top 40 roʻyxatida 38-oʻrinni egalladi[11][12][13].

1999–2004: Diva va Real

[tahrir | manbasini tahrirlash]

2003-yilda Ivy Queen „Diva“ nomli uchinchi studiyaviy albomini chiqardi[8]. Ushbu albom „Quiero Bailar“ kabi hit singllarni taqdim etdi. „Diva“ albomi 2004-yilda reggaetoni keng auditoriyaga tanitishda muhim ahamiyatga ega deb hisoblanadi. Albomning muvaffaqiyati, RIAA tomonidan platinaga sertifikatlanganidan soʻng, Ivy Queen 2004-yilda „Diva“ ning platinali versiyasini chiqardi[14][15]. Ushbu platinali versiya 2005-yilgi Billboard Latin Music Awards'da „Yilning Reggaeton Albomi“ nominatsiyasiga nomzod boʻldi[16]. Albomning asosiy singli „Quiero Bailar“ Miami’dagi WPOW radio stansiyasining Rhythmic Top 40 roʻyxatida birinchi oʻringa chiqadigan birinchi ispanchada qoʻshiq boʻldi va bu stansiya odatda ispanchada musiqani ijro etmaydi[17].

Manbalar

[tahrir | manbasini tahrirlash]
  1. ↑ „Throwback Thursdays: Wayne Marshall on 'The Noise 6' feat. Ivy Queen + Friends“. LargeUp (2012-yil 5-yanvar). Qaraldi: 2016-yil 7-mart.
  2. ↑ Gomez, Shirley. „Richest Reggaeton Artists: 15 Urban Music Singers with Fat Bank Accounts and Fit Bodies“. Latin Times. Newsweek Media Group (2017-yil 18-iyul). Qaraldi: 2018-yil 24-sentyabr.
  3. ↑ Herrera, Isabelia. „Reggaeton's History Is Complex. A New Podcast Helps Us Listen That Way.“ (en-US). The New York Times (2021-yil 11-avgust). Qaraldi: 2021-yil 18-sentyabr.
  4. ↑ Herrera, Isabelia. „Reggaeton's History Is Complex. A New Podcast Helps Us Listen That Way.“ (en-US). The New York Times (2021-yil 11-avgust). Qaraldi: 2021-yil 18-sentyabr.
  5. ↑ „A Beat, a Queen, and a Lot of Gasoline: 'LOUD' Podcast Explores a Genre's Evolution“ (en-US). Spotify (2021-yil 4-avgust). Qaraldi: 2021-yil 18-sentyabr.
  6. ↑ „The First Time: Ivy Queen on Early Reggaeton, Embracing Her LGBTQ Fans“. Rolling Stone. March 9, 2019.
  7. ↑ „The Billboard Reviews: Singles“. Billboard. Prometheus Global Media. June 2, 2007. 44-bet. Qaraldi: May 22, 2013. „Ivy Queen.“
  8. ↑ 8,0 8,1 Leggett, Steve „Ivy Queen - Biography“. Allmusic. Qaraldi: 2011-yil 14-aprel.
  9. ↑ Lannert, John (March 24, 1999). „Ivy Queen Zones With 'Clef“. Billboard. Qaraldi: December 8, 2012.
  10. ↑ Hay, Carla (June 26, 1999). „Popular Uprisings: Billboard's Weekly Coverage of Hot Prospects for The Heatseekers Chart - Ivy League“. Billboard. Qaraldi: December 8, 2012.
  11. ↑ „Ivy Queen - Awards“. Allmusic. Rovi Corporation. Qaraldi: 2012-yil 8-dekabr.
  12. ↑ „Rhythmic Top 40 1999-03-13“. Billboard. Qaraldi: December 8, 2012.
  13. ↑ Newman, Melinda (March 6, 2004). „Reggaetón Acts Rise Up On Indie Labels“. Billboard. Qaraldi: December 8, 2012.
  14. ↑ Carney Smith, Jessie. Encyclopedia of African American Popular Culture. ABC-CLIO, 2010, p. 1199.
  15. ↑ „American album certifications - Ivy Queen - Diva“. Recording Industry Association of America. 2013-yil 1-fevralda asl nusxadan arxivlangan. Qaraldi: 2012-yil 5-dekabr.
  16. ↑ „2005 Billboard Latin Music Awards Finalists“. Billboard. United States: Nielsen Business Media. 2005. May 7, 2013da asl nusxadan arxivlandi. Qaraldi: January 30, 2013.
  17. ↑ „Ivy Queen se lanza a conquistar el mercado inglés“ (es). Caracol Radio. Caracol S.A (2003-yil 11-noyabr). 2013-yil 5-noyabrda asl nusxadan arxivlangan. Qaraldi: 2012-yil 7-dekabr.

Havolalar

[tahrir | manbasini tahrirlash]
 Vikiomborda Ivy Queen
haqida turkum mavjud 
"https://uz.wikipedia.org/w/index.php?title=Ivy_Queen&oldid=5308029" dan olindi